ഇതില്‍ കൂടുതല്‍ എന്ത് വേണം, മോഹന്‍ലാലിനും മമ്മൂട്ടിയ്ക്കും കിട്ടാത്ത അംഗീകരം വിനായകന്!!

പുരസ്‌കാരം ലഭിച്ചില്ല

അത്രയേറെ നന്നായി അഭിനയിച്ചിട്ടും, നിരൂപകരും പ്രേക്ഷകരും ആ അഭിനയത്തെ പ്രശംസിച്ചിട്ടും വിനായകന് ഇതുവരെ ഒരു ചലച്ചിത്ര പുരസ്‌കാരം നല്‍കാത്തതില്‍ സോഷ്യല്‍മീഡിയയില്‍ ചിലര്‍ രംഗത്തെത്തിയിരുന്നു. അത് വലിയ ചര്‍ച്ചയാകുയും ചെയ്തു.

അതിനേക്കാള്‍ വലുത്..

ആര് അവാര്‍ഡ് നല്‍കിയില്ലെങ്കിലും വിനായകന് പ്രേക്ഷകരുടെ അംഗീകാരമുണ്ടെന്ന് തെളിയിക്കുന്ന സംഭവമാണ് കഴിഞ്ഞ ദിവസം കൂറ്റനാടില്‍ അരങ്ങേറിയത്. മലയാള സിനിമയിലെ താരരാജാക്കള്‍ക്ക് പോലും ലഭിക്കാത്ത ആദരവാണ് കൂറ്റനാട് നേര്‍ച്ചയോട് അനുബന്ധിച്ചു നടന്ന എഴുന്നള്ളത്തില്‍ വിനായകന് ലഭിച്ചത്.

വിനായകന് തിടമ്പ്

കൂറ്റനാട് നേര്‍ച്ചയില്‍ വിവിധ ആഘോഷക്കമ്മറ്റിക്കാര്‍ എഴുന്നള്ളത്തില്‍ ഉയര്‍ത്തിയ തിടമ്പുകളില്‍ മുന്‍ രാഷ്ട്രപതി എ.പി.ജെ. അബ്ദുള്‍ കലാമിനും അന്തരിച്ച ക്യൂബന്‍ നേതാവ് ഫിഡല്‍ കാസ്‌ട്രോയ്ക്കുമൊപ്പം വിനായകനും ഇടംപിടിച്ചു. മുബഷീര്‍, ഷെഫീഖ്, അജ്മല്‍, നിഥിന്‍, അബ്ദുസ്സലാം എന്നിവരുടെ നേതൃത്വത്തിലുള്ള അമ്പതംഗ ടീമാണ് വിനായകന് തിടമ്പൊരുക്കിയത്.

ഷാജി പപ്പനെ തിടമ്പേറ്റിയത്

കഴിഞ്ഞ വര്‍ഷം ആട് ഭീകരജീവിയാണ് എന്ന ചിത്രത്തിലെ ജയസൂര്യ അവതരിപ്പിച്ച ഷാജി പാപ്പന്റെ ചിത്രമായിരുന്നു ഇവര്‍ ആനപ്പുറത്തേറ്റിയത്. ബോക്‌സോഫീസില്‍ പരാജയമെന്ന് വിധിയെഴുതിയ ആട് ടോറന്റിലാണ് ഹിറ്റായത്. മിഥുന്‍ മാനുവലാണ് ആട് ഒരു ഭീകരജീവിയാണ് എന്ന ചിത്രം സംവിധാനം ചെയ്തത്.