ആദ്യമായി കാണുന്നത് കുപ്രസിദ്ധ പയ്യന്റെ സെറ്റിൽവെച്ച്!! അനുവും നിമിഷയും സുഹൃത്തുക്കളായത് ഇങ്ങനെ

ഡാൻസ് സോഷ്യൽ മീഡിയയിൽ വൈറൽ

സിനിമ പുറത്തെത്തും മുൻപ് തന്നെ സേഷ്യൽ മീഡിയയിൽ ഇവരുടെ സൗഹൃദം ചർച്ച വിഷയമായിരുന്നു. ഇരുവരും ചേർന്ന് നൃത്തം ചെയ്യുന്നതിന്റേയും ഡബ്സ്മാഷ് ചെയ്യുന്നതിന്റേയും വീഡിയോ സോഷ്യൽ മീഡിയയിൽ വൈറലായിരുന്നു. മികച്ച പ്രേക്ഷക സ്വീകാര്യതയായിരുന്നു താരങ്ങളുടെ വീഡിയോയ്ക്ക് ലഭിച്ചിരുന്നത്. പൊതുപരിപാടിയിലും സ്റ്റേജ് ഷോകളിലുമെല്ലാം ഇവർ ഒരുമിച്ചാകും പ്രത്യക്ഷപ്പെടുക.

ആദ്യമായി കാണുന്നത്

കുപ്രസിദ്ധ പയ്യന്റെ സെറ്റിൽവെച്ചാണ് ആദ്യമായി അനുസിത്താരയെ കാണുന്നത്. ഷൂട്ട് തുടങ്ങി രണ്ട് ദിവസങ്ങൾ കഴിഞ്ഞാണ് അനു സെറ്റിൽ എത്തിയത്. ആ സമയം താൻ സെറ്റിലുണ്ടായിരുന്നുവെന്നും നിമിഷ പറ‍ഞ്ഞു. കണ്ടപ്പോൾ തന്നെ പരസ്പരം മിണ്ടെയെന്നും അന്നു മുതൽ അടുത്ത സുഹൃത്തുക്കളാണെന്ന് നിമിഷ പറഞ്ഞു.

അതിവേഗം തുടങ്ങിയ സൗഹൃദം

നിമിഷയുമായി പെട്ടെന്ന് തുടങ്ങിയ സൗഹൃദമായിരുന്നു. ലൊക്കേഷനിൽ തങ്ങൾ വേറെരു ലോകത്തായിരുന്നുവെന്നും അനു പറഞ്ഞു. അധികം വേഗം ആരുമായും അടുക്കാത്ത ഒരാളാണ് താൻ. എന്നാൽ നിമിഷ വന്ന് തോളത്ത് കയ്യിട്ട് സംസാരിക്കുകയും പിന്നീട് കയ്യിൽ പിടിച്ച് സംസാരിക്കുകയായിരുന്നു. സെറ്റിൽ സിനിമയെ കുറിച്ചുളള പല സംസാരങ്ങളും ചർച്ചയും നടക്കുന്നുണ്ട്. അതൊന്നും ഞങ്ങളെ ബാധിച്ചിട്ടേയില്ല. അവിടെ തങ്ങളുടേതായ ലോകത്ത് ജീവിക്കുകയായിരുന്നു .

കൂൾ ലൊക്കേഷൻ

കുപ്രസിദ്ധ പയ്യന്റെ ലൊക്കേഷൻ വളരെ കൂളായിട്ടുള്ളതായിരുന്നു. പ്രത്യേകിച്ച് ഒരു ടെൻഷനും തങ്ങൾക്ക് ഉണ്ടായിരുന്നില്ലെന്നും അനു സിത്താര പറയുന്നു. ടൊവിനോ, നിമിഷ, ശരണ്യ എന്നിവാരുമായിട്ടായിരുന്നു കൂടുതൽ കോമ്പിനേഷൻ സീൻസ് ഉണ്ടായിരുന്നു. ഇവരാരേയും തനിയ്ക്ക് പരിചയമില്ലായിരുന്നു. അവിടെ പോയിട്ടാണ് എല്ലാവരേയും പരിചയപ്പെട്ടത്.