വിമർശനങ്ങളിൽ ആശങ്കയില്ല!! അമ്മയിൽ മാത്രം വിശ്വസിക്കുന്നു, വനിത സെല്ലിനെക്കുറിച്ച് കുക്കു പരമേശ്വരൻ

അമ്മയുടെ നിർവാഹക സമിതി

ഇന്നലെ കൊച്ചിയിൽ ചേർന്ന നിർവാഹക സമിതി യോഗത്തിലാണ് ആഭ്യന്തര പ്രശ്നപരിഹാര സമിതിയെ കുറിച്ച് തീരുമാനമായത്.ഇക്കാര്യം അമ്മ പ്രസിഡന്റ് മോഹൻലാൽ ഔദ്യോഗികമായി മാധ്യമങ്ങളെ അറിയിക്കുകയും ചെയ്തിരുന്നു. മുതിർന്ന താരങ്ങളാണ കെപിഎസി ലളിത, പൊന്നമ്മ ബാബു, കുക്കു പരമേശ്വരൻ എന്നിവരാണ് ഇതിന്റെ ചുമതലയെന്നും മോഹൻലാൽ പറഞ്ഞിരുന്നു.

അഭിപ്രായം ചോദിച്ചു

ഇന്നലെ ( ഒക്ടോബർ 19) ചേർന്ന നിർവാഹക സമിതിയിലാണ് ഈ കാര്യത്തെ കുറിച്ച് തീരുമാനമെടുത്തത്. യോഗത്തിൽ പേര് വെളിപ്പെടുത്തുന്നതിന് മുൻപ് തങ്ങളോട് നിലപാട് ചോദിച്ചിരുന്നു. ഉത്തരവാദിത്വം ഏറ്റൊടുക്കാൻ തയ്യാറാണോ എന്ന് ചോദിച്ചതിനു ശേഷമാണ് പ്രഖ്യാപനമുണ്ടായത്.ഒരു കൂട്ടായ പ്രവർത്തനമാണ് വനിത സെല്ല് കൊണ്ട് തങ്ങൾ ഉദ്യേശിക്കുന്നത്. അതിനും മുൻപ് തങ്ങൾ മൂന്ന് പേരും തമ്മിൽ കൂടിക്കാഴ്ച നടത്തേണ്ടതുണ്ട്. അതിനു ശേഷം തങ്ങളുടെ നിലപാടുകൾ അമ്മയെ അറിയിക്കണം.

വിമർശനങ്ങളിൽ ആശങ്കയില്ല

സാമൂഹമാധ്യമങ്ങളിൽ ഉയരുന്ന വിമർശനങ്ങളോട് മറുപടി പറയേണ്ട ആവശ്യമില്ല. അംഗങ്ങളാണ് പറയുന്നതെങ്കിൽ, ശരിയാണ്. ആശങ്കപ്പെടേണ്ടതുണ്ട്, ചർച്ച ചെയ്യേണ്ട കാര്യങ്ങളാണ്.അമ്മ ഒരു സ്വതന്ത്ര സംഘടനയാണ്. ഈ സംഘടനയുടെ ഉള്ളിലെ പ്രശ്നങ്ങൾ ഞങ്ങൾ തന്നെ തീർക്കേണ്ടതാണ്.

മറ്റു സംഘടനകളുടെ നിലപാട് ബാധിക്കില്ല

അമ്മയുടെ നിർവാഹക സമിതിയാണ് തീരുമാനങ്ങൾ എടുക്കുന്നത്. ബാക്കിയുള്ള സംഘടനയുടെ കാര്യങ്ങൾ ഞാൻ പറയേണ്ടതില്ല . ഡബ്ല്യുസിസി അല്ലെങ്കിൽ അതുപോലുള്ള മറ്റു സംഘടനകളിൽ എന്തു നടക്കുന്നു എന്നത് എന്നെ ബാധിക്കുന്ന കാര്യമല്ല. പ്രഥമ പരിഗണന അമ്മയ്ക്കാണ്. അമ്മയിൽ പരാതിപ്പെടാതെ, അതിൽ വിശ്വാസമില്ലെന്നു പറയുന്നതിൽ അർത്ഥമില്ല. അമ്മയിൽ ഭിന്നതിയില്ല. എല്ലാവരും ഒരുമിച്ചാണ് പോകുന്നതെന്നും കുക്കു പറഞ്ഞു.