സിനിമയിൽ അവസരങ്ങൾ നഷ്ടമാകുന്നു!! കാരണം ഇതാണ്, നടി പാർവതിയുടെ വെളിപ്പെടുത്തൽ

ചില തുറന്നു പറച്ചിലുകൾ

ചില സത്യങ്ങൾ തുറന്നു പറയുന്നതു കൊണ്ടാണ് തനിയ്ക്ക് സിനിമയിൽ ഇപ്പോൾ അവസരങ്ങൾ നിഷേധിക്കപ്പെടുന്നതെന്ന് പാർവ്വതി പറഞ്ഞു. ഇരുപതാമത് മുംബൈയ് ഫിലിം ഫെസ്റ്റവലിൽ സംസാരിക്കുമ്പോഴായിരുന്നു നടി ഇക്കാര്യം തുറന്നടിച്ചത്. ജോലി സ്ഥലത്ത് പ്രശ്നങ്ങൾ ഉണ്ടാകുന്നത് ഒരു സാധരണ കാര്യമാണ്. അത് അംഗീകരിക്കുകയാണ് വേണ്ടത്. അത് സിനിമയിലും അങ്ങനെ തന്നെയായിരിക്കണമെന്നും നടി പറഞ്ഞു.ഫെസ്റ്റവലിൽ ഹ്രസ്വചിത്രങ്ങളുടെ മത്സരവിഭാഗത്തിലെ ജൂറി അംഗമാണ് പാർവ്വതി. സംവിധായക അഞ്ജലി മേനോനും ചടങ്ങിൽ പങ്കെടുത്തിരുന്നു.

നടിയ്ക്ക് നീതി കിട്ടും വരെ പോരാടും

നടിയ്ക്ക് നേരേയുണ്ടായ ആക്രമണത്തിന് പിന്നാലെയാണ് മലയാള സിനിമയിൽ പ്രശ്നങ്ങൾ ആരംഭിച്ചത്. എന്നാൽ ഈ പ്രശ്നം ഒരിക്കലും വിട്ട് കളയില്ലെന്നും നടിയ്ക്ക് നീതി ലഭിക്കുവരെ പോരാടമെന്നും പാർവ്വതി പറഞ്ഞു. മീടൂ പോലെയുള്ള വിഷയങ്ങളിൽ മലയാളത്തിൽ ആരോഗ്യകരമായ ചർച്ചയ്ക്ക് ഇടമുണ്ട്. ഒരു വ്യക്തിയുടെ മൗലിക അവകാശം സംരക്ഷിക്കണമെന്ന് വനിത സംഘടനയായ ഡ‌ബ്ല്യൂസിസി ആവശ്യപ്പെടുന്നതെന്നും പാർവ്വതി പറഞ്ഞു.

തലപ്പത്തിരിക്കുന്നവർ ഉത്തരവാദിത്വം കാണിക്കണം

ഒരിക്കലും മലായളത്തിലെ സൂപ്പർതാരങ്ങൾക്കെതിരെയല്ല ഡബ്ല്യൂസിസി. ഇത്തരത്തിലുളള ആരോപണം വളരെ തെറ്റാണെന്നും പാർവതി പറഞ്ഞു. ദേശീയ മാധ്യമമായ ദ് ഹിന്ദുവിന് നൽകിയ അഭിമുഖത്തിലാണ് പാർവ്വതി ഇക്കാര്യം വ്യക്തമാക്കിയത്. സംഘടനയുടെ തലപ്പത്ത് ഇരിക്കുന്നവർ കുറച്ച് ഉത്തരവാദിത്വം കാണിക്കണിക്കണം. അത് കാണിച്ചില്ലെങ്കിൽ ചോദ്യം ചെയ്യപ്പെടും. തങ്ങളുടെ ചോദ്യത്തിന് കൃത്യമായ മറുപടി ലഭിക്കാതെ വരുമ്പോൾ വിമർശിക്കും. ഞങ്ങളുടെ ചോദ്യത്തിന് മറുപടി തരുക എന്നത് അവരുടെ ചുമതലയാണെന്നും പാർവ്വതി പറഞ്ഞു.

പേരിനു വേണ്ടി

താനും രാമ്യയും സമൂഹത്തിൽ ശ്രദ്ധ നേടുന്നതിനു വേണ്ടിയാണ് ഇത്തരം കാര്യങ്ങളിൽ ഇടപെടുന്നതെന്ന് പറയുന്നവരുണ്ട്. എന്നാൽ ‍ ഞങ്ങൾക്ക് ഇതിൽ നിന്ന് എന്താണ് ലഭിക്കുക? . ഈ അടുത്ത കാലത്ത് താൻ 5 ചിത്രങ്ങളാണ് ചെയ്തത്. അതെല്ലാം വൻ ഹിറ്റുമായിരുന്നു. തനിയ്ക്ക് സിനിമ ചെയ്ത് പണവും ഉണ്ടാക്കി ചുമ്മാതിരുന്നാൽ മതിയാരുന്നു. എന്നാൽ അതിനു ഞാൻ തയ്യാറല്ലെന്നും താരം വ്യക്തമാക്കി വനിത സംഘഘടനയായ ഡബ്ല്യൂസിസിയിൽ പ്രവർത്തിക്കുന്നവരെ ബ്ലാക്ക് ലിസ്റ്റിൽ ഉൾപ്പെടുത്തിയിരിക്കുകയാണ്.