നടി അനശ്വര പൊന്നമ്പത് വിവാഹിതയാകുന്നു! പ്രതിശ്രുത വരനൊപ്പമുള്ള വിവാഹനിശ്ചയ ചിത്രങ്ങളുമായി നടി

പ്രതിശ്രുത വരനൊപ്പം നില്‍ക്കുന്ന നിരവധി ചിത്രങ്ങളാണ് നടി ഇന്‍സ്റ്റാഗ്രാം പേജിലൂടെ പങ്കുവെച്ചിരിക്കുന്നത്. സന്തോഷത്തോടെ ഞങ്ങള്‍ എന്‍ഗേജ്ഡ് ആയെന്ന് പറഞ്ഞായിരുന്നു നടി ഫോട്ടോസ് പുറത്ത് വിട്ടത്. പിന്നാലെ ഇരുവര്‍ക്കും ആശംസകളുമായി ആരാധകരുമെത്തി. വിവാഹത്തെ കുറിച്ചുള്ള കൂടുതല്‍ കാര്യങ്ങള്‍ പിന്നാലെ വരുമെന്നാണ് കരുതുന്നത്. ആഴ്ചകള്‍ക്ക് മുന്‍പാണ് വിവാഹം തീരുമാനിച്ച കാര്യം ആരാധകരുമായി പങ്കുവെച്ചത്.

Recommended Video

Prithviraj and Aashiq abu joins for historical film vaariyamkunnan | FilmiBeat Malayalam

മഞ്ജു വാര്യര്‍, കാവ്യ മാധവന്‍, തുടങ്ങിയ നടിമാരെ പോലെ കലോത്സവ വേദിയില്‍ നിന്നുമാണ് അനശ്വരയും സിനിമയിലേക്ക് എത്തുന്നത്. അഞ്ച് വര്‍ഷം കണ്ണൂര്‍ യൂണിവേഴ്സിറ്റിയുടെ കലാതിലകപട്ടം സ്വന്തമാക്കിയത് അനശ്വരയായിരുന്നു. ഓര്‍മ്മയില്‍ ഒരു ശിശിരം എന്ന ചിത്രത്തിലൂടെയാണ് അനശ്വര ആദ്യമായി വെള്ളിത്തിരയിലേക്ക് എത്തുന്നത്. ആദ്യ ചിത്രത്തില്‍ തന്നെ രണ്ട് വ്യത്യസ്ത ഗെറ്റപ്പുകളിലായിരുന്നു അനശ്വര എത്തിയത്. പ്ലസ് ടു വിദ്യാര്‍ഥിനിയുടെ വേഷത്തിലും കുറച്ച് കൂടി മുതിര്‍ന്ന പ്രായത്തിലുള്ള കഥാപാത്രത്തെയുമായിരുന്നു അവതരിപ്പിച്ചത്.

പ്ലസ് ടു കാലഘട്ടം മുതല്‍ കൗമാരക്കാലത്തിലെത്തിയ നായികയുടെയും നായകന്റെയു കഥ പറയുന്ന ചിത്രത്തില്‍ അനശ്വര തകര്‍ത്തഭിനയിച്ചിരുന്നു. ജിത്തു ജോസഫിന്റെ അസിസ്റ്റന്റായിരുന്ന വിവേക് ആര്യന്‍ സംവിധാനം ചെയ്ത സിനിമയായിരുന്നു ഓര്‍മ്മയില്‍ ഒരു ശിശിരം. 2019 ല്‍ തിയറ്ററുകളിലേക്ക് എത്തിയ ചിത്രത്തില്‍ ദീപക് പറമ്പേലായിരുന്നു നായകന്‍.

ഇംഗ്ലീഷില്‍ ബിരുദമുള്ള നടി ക്ലാസിക്കല്‍ ഡാന്‍സര്‍ കൂടിയാണ് അനശ്വര പൊന്നമ്പത്. ചെറുപ്പം മുതല്‍ സിനിമാ അഭിനയം മനസില്‍ കൊണ്ട് നടന്ന അനശ്വരയ്ക്ക് സിനിമയിലെത്താന്‍ തുണയായത് കലോത്സവ വേദിയിലെ പ്രകടനമികവാണ്. സിനിമാ പോലെ തന്നെ നൃത്തവും ഒരുപോലെ കൊണ്ട് നടക്കണമെന്ന ആഗ്രഹമാണ് അനശ്വരയ്ക്കുള്ളത്. വിവാഹത്തോടെ സിനിമാ ജീവിതം അവസാനിപ്പിക്കരുതെന്ന ഉപദേശമാണ് കൂടുതല്‍ ആരാധകരും കൊടുക്കുന്നത്.