അനുമോളോട് തനിയ്ക്ക് കടുത്ത അസൂയയുണ്ട്!! കാരണം ആ വീഡിയോ.... മുഖത്ത് നോക്കി തുറന്ന് പറഞ്ഞ് ദുൽഖർ

അനുയാത്ര

നടി അനു മോൾ നടത്തിയ യാത്ര അനുഭവങ്ങളും ഓർമകളും ആളുകളുമായുള്ള സംഭാഷണങ്ങളുമാണ് അനുയാത്രയിൽ ഉൾപ്പെടുത്തിയിരിക്കുന്നത്. അനുമോളുടെ ഇഷ്ടങ്ങളും ഓർമകളും കോർത്തിണക്കി കൊണ്ടാണ് അനുയാത്രയുടെ ആശയം സൃഷ്ടിച്ചിരിക്കുന്നത്. യൂട്യൂബിന്റെ ലോഗോയിൽ തന്നെ അത് പ്രകടമാണ്. യാത്ര ഒരുപാട് ഇഷ്ടപ്പെടുന്ന വ്യക്തിയാണ് അനു. ഇതിനു മുൻപും താരം അത് വ്യക്താമാക്കിയിട്ടുണ്ട്.

ഉറക്കം മുതൽ

അനുവിന്റെ ഇഷ്ടങ്ങൾ ചേർത്തു കൊണ്ടാണ് അനു യാത്രയുടെ ലോഗോ ഒരുക്കിയിരിക്കുന്നത്. ഉറക്കം മുതൽ യാത്രവരെ ഇതിൽ ഉൾപ്പെടുത്തിയിട്ടുണ്ട്. ഉറക്കം, യോഗ, വായന, ഡാൻസ്, ഡ്രൈവിങ്, യാത്ര ഇവയാണ് ലോഗയിൽ പ്രദർശിപ്പിച്ചിരിക്കുന്നത്. യാത്രകളോടുള്ള അനുവിന്റെ ഇഷ്ടം അതുപോലെ നീതി പുലർത്തി കൊണ്ടാണ് യൂട്യൂബ് ചാനലിന്റെ ഉള്ളടക്കം തയ്യാറാക്കിയിരിക്കുന്നത്.

ഡിക്യൂ വിന് അനുവിനോട് അസൂയ

അനുവിനെ പോലെ യാത്രകൾ ഏറെ ഇഷ്ടപ്പെടുന്ന മലയാളത്തിലെ പ്രിയ താരം ദുൽഖർ സൽമാനാണ് അനുയാത്രയുടെ ലോഗോ പുറത്ത് ഇറക്കിയത്. അനുവിന്റെ യാത്രാ വീഡിയോ കണ്ട് വണ്ടർ അടിച്ചിരിക്കുകയാണ് താരം. അനുവിനോട് തനിയ്ക്ക് ഏറെ അസൂയയുണ്ടെന്നും ഇതിപോലയൊരു വീഡിയോ ചെയ്യാൻ തനിയ്ക്കും നല്ല ആഗ്രഹമുണ്ടെന്നും ദുൽഖർ പറഞ്ഞു. കൂടാതെ അനുമോൾക്കും യൂട്യൂബ് ചാനലായ അനുയാത്രയ്ക്കും ദുൽഖർ ആശംസ ആറിയിച്ചിട്ടുണ്ട്.

ബോൾഡ് ആക്ടറസ്

മലയാള സിനിമയിലെ ബോൾഡ് നടിയാണ് അനുമോൾ. ഇതുവരെ ചെയ്ത കഥാപാത്രങ്ങളിൽ നിന്നു തന്നെ അത് വ്യക്തമാണ്. ഇത് വരെ ചെയ്ത ചിത്രങ്ങൾ എല്ലാം തന്നെ പ്രേക്ഷ നിരൂപക ശ്രദ്ധ പിടിച്ചു പറ്റാൻ നടിയ്ക്ക് കഴിഞ്ഞിട്ടുണ്ട്.ചായില്യം, ഇവൻ മേഘരൂപൻ, വെടിവഴിപാട്, അകം, റോക്‌സ്‌റ്റാർ, അമീബ എന്നീ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തിട്ടുണ്ട്. ചായില്യത്തിലെ ഗൗരി എന്ന കഥാപാത്രം മറ്റൊരു അനുമോളേയാണ് പ്രേക്ഷകർക്ക് മുന്നിൽ കാണിച്ചു തന്നത്. ഏറെ വിവാദങ്ങൾ സൃഷ്ടിച്ച ചിത്രമായിരുന്നു വെടിവഴിപാട്. അതിൽ അഭിസാരികയായിട്ടാണ് താരം എത്തിയത്. ഇതിൽ നിന്ന് വ്യക്തമായിരുന്നു താരത്തിന് സിനിമയേടുളള അർപ്പണ ബോധം എത്രത്തോളമാണുള്ളതെന്ന് .