സാധാരണക്കാരില്‍ സാധാരണക്കാരിയായി നടി അനുശ്രീ ഓട്ടോറിക്ഷ ഡ്രൈവറാവുന്നു! സിനിമയുടെ വിശേഷം ഇങ്ങനെ...

ഓട്ടോറിക്ഷക്കാരിയായി അനുശ്രീ

പുതിയ സിനിമയില്‍ നടി അനുശ്രീ ഒരു ഓട്ടോറിക്ഷ ഡ്രൈവറുടെ വേഷത്തിലാണ് അഭിനയിക്കാന്‍ പോവുന്നത്. അതിന് വേണ്ടി ഓട്ടോറിക്ഷ ഓടിക്കാന്‍ നടി പഠിച്ചിരിക്കുകയാണ്. ഡ്രൈവിംഗ് അറിയുന്നതിനാല്‍ വെറും രണ്ട് മണിക്കൂര്‍ സമയം മാത്രമെ അതിന് നടിയ്ക്ക് വേണ്ടി വന്നിരുന്നുള്ളു.

ഓട്ടോര്‍ഷ

സുജിത് വാസുദേവ് സംവിധാനം ചെയ്യുന്ന സിനിമയിലാണ് അനുശ്രീ ഒരു ഓട്ടോറിക്ഷ ഡ്രൈവറാകുന്നത്. ഓട്ടോ റിക്ഷ എന്നത് വാമൊഴിയായി ഓട്ടര്‍ഷ എന്നായി മാറിയതിനാല്‍ സിനിമയുടെ പേരും അങ്ങനെയാണ് കൊടുത്തിരിക്കുന്നത്.

പുതുമുഖങ്ങളും..

ചിത്രത്തില്‍ കേന്ദ്ര കഥാപാത്രമായി അനുശ്രീ അഭിനയിക്കുമ്പോള്‍ ഒപ്പം ചില പുതുമുഖങ്ങളായിരിക്കും അഭിനയിക്കുന്നതെന്നാണ് സംവിധായകന്‍ പറയുന്നത്. സാധാരണക്കാരുടെ ചില ദിവസങ്ങളില്‍ സംഭവിക്കുന്ന കാര്യങ്ങളാണ് സിനിമയിലൂടെ പറയാന്‍ പോവുന്നതെന്നും സംവിധായകന്‍ വ്യക്തമാക്കുന്നു.

സിനിമയുടെ തിരക്കഥ

മറിമായം എന്ന ടെലിവിഷന്‍ പരിപാടിയിലൂടെ ശ്രദ്ധിക്കപ്പെട്ട ജയരാജ് മിത്രയാണ് സിനിമയ്ക്ക് തിരക്കഥയൊരുക്കുന്നത്. ഒരേ സമയം മൂന്ന് മുതല്‍ നാല് ക്യാമറകള്‍ വ്യത്യസ്ത ആങ്കിളുകളില്‍ സെറ്റ് ചെയ്തിട്ടാണ് സിനിമയുടെ ചിത്രീകരണം നടത്താന്‍ ഉദ്ദേശിക്കുന്നതെന്നാണ് സംവിധായകന്‍ പറയുന്നത്.

ഓട്ടോയും ഓട്ടോറിക്ഷ സ്റ്റാന്‍ഡും

സിനിമയിലെ കൂടുതല്‍ രംഗങ്ങളും ഓട്ടോറിക്ഷയ്ക്കുള്ളില്‍ നിന്നുമായിരിക്കും ചിത്രീകരിക്കുന്നത്. ബാക്കിയുള്ളത് ഓട്ടോറിക്ഷ സ്റ്റാന്‍ഡിലുമായിരിക്കുമെന്നും സംവിധായകന്‍ പറയുന്നു. ഫെബ്രുവരി അവസാന ആഴ്ചയോടെ കണ്ണൂരിലും കോഴിക്കോടുമായിട്ടാണ് സിനിമയുടെ ഷൂട്ടിംഗ് ആരംഭിക്കുന്നത്.