ലൈംഗിക ചുവയുള്ള സംസാരം, സംവിധായകനെതിരെ പരാതി നല്‍കിയ ആ നടി ആര്യ ആണോ ?

ആ നടി ആര്യയോ

ലൈംഗിക ചുവയുള്ള സംസാരിച്ചു എന്നും പ്രതിഫലം നല്‍കിയില്ല എന്നും പറഞ്ഞ് സംവിധായകനും നടനും സാങ്കേതിക പ്രവര്‍ത്തകര്‍ക്കുമെതിരെ ഹണീബി ടു വില്‍ അഭിനയിച്ച ഒരു നടി പരാതി നല്‍കി എന്നാണ് വാര്‍ത്തകള്‍ വന്നത്. ആ നടി ആര്യ ആണോ എന്നാണ് ചോദ്യം.

ആര്യയ്ക്ക് ഫോണ്‍

ഇക്കാര്യം അന്വേഷിച്ച് പലരും ആര്യയെ ഫോണില്‍ വിളിക്കുന്നു. പരാതിക്കാരിയായ ആ ഹണീബി നടി ആര്യ ആണോ, എന്താണ് സെറ്റില്‍ സംഭവിച്ചത് എന്നൊക്കെയാണ് വിളിക്കുന്ന ആളുകള്‍ക്ക് അറിയേണ്ടത്.

മറുപടി പറഞ്ഞ് മടുത്തു

ഫോണ്‍ വിളിക്കുന്നവരോട് മറുപടി പറഞ്ഞ് ആര്യ മടുത്തു. ആ നടി ഞാനല്ല.. ഞാനല്ല ഞാനല്ല.. എന്ന്.. ഓരോരുത്തരോടായി ഇനി മറുപടി പറയാന്‍ പറ്റാത്തത് കൊണ്ട് ആര്യ ഒരു ഫേസ്ബുക്ക് പോസ്റ്റ് എഴുതി, ആ നടി ഞാനല്ല എന്ന് വ്യക്തമാക്കി.

ആര്യയുടെ പോസ്റ്റ്

പരാതിക്കാരിയായ ആ താരം ഞാനല്ല. ഞാനെന്തിന് പരാതി നല്‍കണം. ആ സിനിമയില്‍ അഭിനയിച്ച നിരവധി താരങ്ങളില്‍ ഒരാള്‍ മാത്രമാണ് ഞാന്‍. വളരെ സൗഹൃദപരവും സുരക്ഷിതവുമായ അന്തരീക്ഷമായിരുന്നു ഹണീബി രണ്ടിന്റെ സെറ്റില്‍. ലൊക്കേഷനിലുള്ള മുഴുവന്‍ വനിതാ താരങ്ങള്‍ക്കും വേണ്ടത്ര പരിഗണനയും ബഹുമാനവും ലഭിച്ചിരുന്നു- ആര്യ എഴുതി.

ആര്യ ഹണീബിയില്‍

ഹണീബി ആദ്യ ഭാഗത്ത് ആര്യ ഉണ്ടായിരുന്നില്ല. വിവാഹത്തോടെ സിനിമാ ലോകം വിട്ട അര്‍ച്ചന കവിയ്ക്ക് പകരക്കാരിയായിട്ടാണ് ഹണീബി 2 ദ സെലിബ്രേഷനില്‍ ആര്യ എത്തിയത്. പരാതിക്കാരിയായ നടിയ്ക്ക് വളരെ ചെറിയൊരു രംഗം മാത്രമേ ഉണ്ടായിരുന്നുള്ളൂ എന്നാണ് സംവിധായകന്റെ അച്ഛനും ചിത്രത്തിലെ പ്രധാന കഥാപാത്രത്തെ അവതരിപ്പിയ്ക്കുകയും ചെയ്ത ലാല്‍ പറഞ്ഞത്.