ഭാമ നീനയെ പോലെയാണോ, തന്നെ ഏറെ മോഹിപ്പിച്ച കഥാപാത്രത്തെ കുറിച്ച് തുറന്ന് പറഞ്ഞ് നടി

മുടിയല്ല കഴുത്തും വെട്ടും

നീനയെ അവതരിപ്പിക്കാന്‍ മുടി മുറിക്കാന്‍ നടിമാര്‍ മടിച്ചു നിന്നതായി ലാല്‍ ജോസ് പറയുന്നത് കേട്ടിട്ടുണ്ട്. എന്നെ വിളിച്ചിരുന്നെങ്കില്‍ ആ കഥാപാത്രത്തിന് വേണ്ടി മുടിയല്ല കഴുത്തു വരെ വെട്ടാന്‍ തയ്യാറാകുമായിരുന്നുവെന്ന് ഭാമ പറയുന്നു.

നിവേദ്യത്തിലൂടെ

ലോഹിത ദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെ അഭിനയരംഗത്ത് എത്തിയ നടിയാണ് ഭാമ. തുടര്‍ന്ന് ഹരീന്ദ്രന്‍ ഒരു നിഷ്‌കളങ്കന്‍, സൈക്കിള്‍ എന്നീ ചിത്രങ്ങളില്‍ അഭിനയിച്ച നടി 'എല്ലാം അവന്‍ സെയാല്‍' എന്ന ചിത്രത്തിലൂടെ തമിഴിലെത്തി.

കന്നടയിലേക്ക്

2010ലാണ് നടി കന്നടയില്‍ എത്തുന്നത്. മദോലാസലയാണ് ആദ്യ കന്നട ചിത്രം. പിന്നീട് ഒട്ടേറെ കന്നട ചിത്രങ്ങളില്‍ നടി അഭിനയിച്ചിട്ടുണ്ട്.

മല്‍ഗുഡി ഡെയ്‌സ്

മലയാളത്തില്‍ മല്‍ഗുഡി ഡെയ്‌സിലാണ് നടി ഒടുവില്‍ അഭിനയിച്ചത്. കൂടാതെ മലയാളത്തില്‍ നിന്ന് മൂന്ന് പ്രോജക്ടുകള്‍ ഏറ്റെടുത്തിട്ടുണ്ട്. പക്ഷേ ചിത്രീകരണം വൈകുമെന്ന് പറയുന്നു.

ജീവിതം മറന്നു പോകുന്നു

പ്രാധാന്യമില്ലാത്ത കഥാപാത്രങ്ങളാണ് ഇപ്പോള്‍ തന്നെ തേടിയെത്തുന്നതെന്ന് നടി പറഞ്ഞിരുന്നു. സിനിമകള്‍ക്ക് വേണ്ടി ഓടി നടക്കുന്നതിനിടയില്‍ ജീവിതം മറന്നു പോകുമോ എന്ന പേടിയാണ്. അതോടെയാണ് സിനിമകള്‍ പലതും ഉപേക്ഷിച്ചതെന്നും ഭാമ പറഞ്ഞു.