ഒടുവില്‍ താരസുന്ദരി ഭാവന വിവാഹിതയാകുന്നു! വിവാഹം തൃശ്ശൂരില്‍, തിയ്യതി പുറത്ത് വിട്ട് സഹോദരന്‍!!

ഭാവനയുടെ വിവാഹം..

ആരാധകര്‍ ഏറെ നാളുകളായി കാത്തിരുന്ന വാര്‍ത്തയാണ് ഭാവനയുടെ വിവാഹം. ജനുവരിയില്‍ വിവാഹമുണ്ടെന്ന് പറഞ്ഞിരുന്നെങ്കിലും വിവാഹ തീയ്യതി പുറത്ത് വന്നിട്ടില്ലായിരുന്നു. ഒടുവില്‍ ഭാവനയുടെ സഹോദരനാണ് ഇക്കാര്യം പുറത്ത് വിട്ടത്.

ജനുവരി 22 ന് വിവാഹം

അടുത്ത് വരാനിരിക്കുന്ന ജനുവരി 22 നാണ് ഭാവനയുടെയും നവീന്റെയും വിവാഹം. രാവിലെ 10.30 നും 11.30 നും ഇടയിലാണ് മുഹുര്‍ത്തം. തൃശ്ശൂര്‍ കോവിലകത്ത് പാടത്തുമുള്ള കണ്‍വെന്‍ഷന്‍ സെന്ററില്‍ നിന്നുമാണ് വിവാഹ ചടങ്ങുകള്‍ നടക്കുന്നത്.

വൈകുന്നേരം വിവാഹ സത്കാരം

വിവാഹത്തിന് അടുത്ത ബന്ധുക്കളും സുഹൃത്തുക്കളും മാത്രമായിരിക്കും പങ്കെടുക്കുന്നത്. അന്നേ ദിവസം വൈകുന്നേരം തൃശ്ശൂര്‍ കണ്‍വെന്‍ഷന്‍ സെന്ററില്‍ നിന്നും സിനിമാ-രാഷ്ട്രീയ മേഖലയിലുള്ളവര്‍ക്ക് വിവാഹ സത്കാരവും സംഘടിപ്പിച്ചിട്ടുമുണ്ട്.

പ്രണയം പൂവിടുന്നു

കന്നഡ സിനിമ നിര്‍മാതാവായ നവീനുമായി ഏറെ കാലത്തെ പ്രണയമാണ് സാഫല്യമാവാന്‍ പോവുന്നത്. ഭാവന അഭിനയിച്ച റോമിയോ എന്ന സിനിമയുടെ നിര്‍മാതാവായിരുന്നു നവീന്‍. സൗഹൃദം പ്രണയത്തിലേക്ക് മാറുകയും അവിടുന്ന് വിവാഹത്തിലേക്ക് എത്തുകയുമായിരുന്നു.

അമ്മയുടെ മരണം

ലളിതമായി വിവാഹ നിശ്ചയം കഴിഞ്ഞിരുന്നെങ്കിലും അപ്രതീക്ഷിതമായി പ്രതിശ്രുത വരനായ നവീനിന്റെ അമ്മയുടെ വിയോഗം കാരണമായിരുന്നു താരവിവാഹം ഒരു വര്‍ഷത്തേക്ക് കൂടി നീട്ടി നിശ്ചയിച്ചത്.

വിവാഹശേഷം സിനിമയിലഭിനയിക്കുമോ?

പൃഥ്വിരാജ് നായകനായി അഭിനയിച്ച ആദം ജോണിലായിരുന്നു അവസാനമായി ഭാവന അഭിനയിച്ചിരുന്നത്. ഓണത്തിന് മുന്നോടിയായി റിലീസ് ചെയ്ത സിനിമ സൂപ്പര്‍ ഹിറ്റായിരുന്നു. വിവാഹശേഷം നടി സിനിമയില്‍ അഭിനയിക്കുമോ എന്ന കാര്യത്തെ കുറിച്ച് തുറന്ന് പറഞ്ഞിട്ടില്ല.