ഗായത്രി അരുണിനോട് ഒരു രാത്രിയ്ക്ക് 2 ലക്ഷം തരാമെന്ന് യുവാവ്! മാസ് ഡയലോഗിലൂടെ തിരിച്ചടിച്ച് നടിയും!!

ഗായത്രി അരുണ്‍

മലയാളികളുടെ പ്രിയങ്കരിയായ നടിയാണ് ഗായത്രി അരുണ്‍. ടെലിവിഷന്‍ സീരിയലുകളിലൂടെ ശ്രദ്ധേയയായ ഗായത്രി പരസ്പരം എന്ന സീരിയലിലൂടെയായിരുന്നു കരിയര്‍ ആരംഭിച്ചത്. കുറച്ച് മാസങ്ങള്‍ക്ക് മുന്‍പായിരുന്നു പരസ്പരം സീരിയല്‍ അവസാനിച്ചത്. സീരിയലിലെ ദീപ്തി ഐപിഎസ് ആയി തകര്‍ത്തഭിനയിച്ച ഗായത്രിയ്ക്ക് സിനിമയിലേക്കും അവസരങ്ങള്‍ ലഭിച്ചിരുന്നു. സീരിയലിലെ പോലെ തന്നെ സിനിമയിലും ഐപിഎസുകാരിയായി തിളങ്ങിയ ഗായത്രി അരുണ്‍ ഒരുപാട് ആരാധകരെ സമ്പാദിച്ചിരുന്നു.

ആരാധകന്റെ ചോദ്യം

രണ്ട് ലക്ഷം രൂപ തന്നാല്‍ ഒരു രാത്രിയ്ക്ക് കൂടെ വരുമോ എന്നായിരുന്നു ഗായത്രിയ്ക്ക് വന്ന അശ്ലീല സന്ദേശം. കാര്യങ്ങള്‍ രണ്ട് പേര്‍ക്കുള്ളില്‍ രഹസ്യമായിരിക്കുമെന്നും വേണമെങ്കില്‍ ഒരു മണിക്കൂറിന് രണ്ട് ലക്ഷം രൂപ നല്‍കാമെന്നുമായിരുന്നു ഗായത്രി അരുണിന് യുവാവിന്റെ വാഗ്ദാനം. എന്നാല്‍ ഇതിനുള്ള മറുപടി സ്‌ക്രീന്‍ ഷോട്ടിന്റെ രൂപത്തിലായിരുന്നു ഗായത്രി നല്‍കിയത്.

മാസ് ഡയലോഗ്

തന്നോട് അശ്ലീല ചുവയോടെ സംസാരിച്ച ആരാധകന് ചുട്ടമറുപടിയുമായിട്ടാണ് ഗായത്രി എത്തിയത്. ഇന്‍സ്റ്റാഗ്രാമിലൂടെ യുവാവിന്റെ ചാറ്റിന്റെ സ്‌ക്രീന്‍ ഷോട്ട് പരസ്യപ്പെടുത്തിയ നടിയുടെ മാസ് ഡയലോഗ് ആണ് ശ്രദ്ധേയം. 'താങ്കളുടെ അമ്മയുടെയും പെങ്ങളുടെയും സുരക്ഷയ്ക്കായി ഞാനെന്നും അവരെ എന്റെ പ്രാര്‍ത്ഥനകളില്‍ ഓര്‍മ്മിക്കും' എന്നായിരുന്നു ഗായത്രിയുടെ ക്യാപ്ഷന്‍. ഇതോടെ ഗായത്രിയ്ക്ക് പിന്തുണയുമായി നിരവധി ആളുകളായിരുന്നു രംഗത്ത് വന്നത്.

കണ്ടം വഴി ഓടി

ഗായത്രിയുടെ പക്കല്‍ നിന്നും ഇത്തരമൊരു പ്രഹരം യുവാവ് പ്രതീക്ഷിച്ചിരുന്നില്ല. സംഭവം വിവാദമായി എന്ന് കണ്ടതോടെ സോഷ്യല്‍ മീഡിയയിലുള്ള തന്റെ അക്കൗണ്ടുകള്‍ ഡിലീറ്റ് ചെയ്ത് യുവാവ് കണ്ടം വഴി ഓടിയിരിക്കുകയാണ്. നടിയുടെ പോസ്റ്റിന് താഴെ നിരവധി ആളുകളാണ് കമന്റുകളിലൂടെ തങ്ങളുടെ പിന്തുണ അറിയിച്ചിരിക്കുന്നത്.

നേഹയെ പോലെ തന്നെ

കഴിഞ്ഞ മാസമായിരുന്നു നടി നേഹ സ്‌കസേനയ്ക്കും സമാനമായ അനുഭവം ഉണ്ടായത്. വാട്സാപ്പ് വഴി നേഹയുടെ പിആര്‍ മനോജറോടാണ് ഗള്‍ഫിലുള്ള യുവാവ് മോശമായ രീതിയില്‍ സംസാരിച്ചത്. ദുബായില്‍ ഒരു രാത്രി നേഹയെ ലഭിക്കുമോ എന്നായിരുന്നു അയാള്‍ ആവശ്യപ്പെട്ടത്. അങ്ങനെയുണ്ടെങ്കില്‍ എന്നെ അറിയിക്കണമെന്നും സന്ദേശത്തില്‍ പറയുന്നു. ഇതിന്റെ സ്‌ക്രീന്‍ ഷോട്ട് അടക്കമാണ് നേഹ രംഗത്തെത്തിയത്. യുഎഇയിലുള്ള എന്റെ സുഹൃത്തുക്കള്‍ ഇയാളെ തിരിച്ചറിയണം. ഇത്തരത്തിലുള്ള ആളുകള്‍ ശിക്ഷിക്കപ്പെടണമെന്നും നടി പറഞ്ഞിരുന്നുട

.