Click it and Unblock the Notifications
Don't Miss!
-
പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര് -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
മകളെക്കുറിച്ച് മനസുതുറന്ന് ഗീതു മോഹന്‍ദാസ്! കമന്റുകളുമായി പൂര്‍ണിമയും മഞ്ജുവും
നടിയായും സംവിധായികയായും മലയാളത്തില്‍ ശ്രദ്ധേയയായ താരമാണ് ഗീതു മോഹന്‍ദാസ്. കഴിഞ്ഞ വര്‍ഷം ഗീതുവിന്റെ സംവിധാനത്തില്‍ പുറത്തിറങ്ങിയ മൂത്തോന്‍ അന്താരാഷ്ട്ര തലത്തില്‍ വരെ ശ്രദ്ധിക്കപ്പെട്ടിരുന്നു. ഗീതുവിന്റെ ഭര്‍ത്താവ് രാജീവ് രവിയും എല്ലാവര്‍ക്കും പ്രിയപ്പെട്ട സംവിധായകനാണ്. ഛായാഗ്രാഹകനായും രാജീവ് രവി മലയാളത്തിലും ബോളിവുഡിലുമായി തിളങ്ങിയിരുന്നു.
സിനിമാത്തിരക്കുകള്‍ക്കിടെയിലും വീട്ടുവിശേഷങ്ങളും പങ്കുവെക്കാറുളള താരമാണ് ഗീതു മോഹന്‍ദാസ്. നടിയുടെതായി വരാറുളള മിക്ക പോസ്റ്റുകളും ശ്രദ്ധേയമാവാറുണ്ട്. മകളെക്കുറിച്ചുളള സംവിധായികയുടെ പുതിയ പോസ്റ്റും ആരാധകര്‍ ഏറ്റെടുത്തിരുന്നു. മകള്‍ ആരാധനയുടെ എഴുത്തുകളും വളരെ കുഞ്ഞായിരിക്കുമ്പോള്‍ എടുത്ത ചിത്രങ്ങളുമാണ് ഗീതു മോഹന്‍ദാസ് പങ്കുവെച്ചിരിക്കുന്നത്.
പുതിയ പോസ്റ്റുകളിലൂടെ മകള്‍ എത്ര പെട്ടെന്നാണ് വളര്‍ന്നതെന്ന് ആശ്ചര്യപ്പെടുകയാണ് ഗീതു. നടി പങ്കുവെച്ച ചിത്രങ്ങള്‍ക്ക് താഴെ കമന്റുകളുമായി അടുത്ത സുഹൃത്തുക്കളായ പൂര്‍ണിമ ഇന്ദ്രജിത്തും മഞ്ജു വാര്യരും എത്തിയിരുന്നു. ആരാധനയുടെ ചിത്രത്തിന് എന്റെ വാവ എന്നാണ് പൂര്‍ണിമ കുറിച്ചിരിക്കുന്നത്. കൂടാതെ സംഗീത സംവിധായകന്‍ ഷഹബാസ് അമനും ഗീതു മോഹന്‍ദാസിന്റെ ചിത്രത്തിന് താഴെ കമന്റുമായി എത്തിയിരുന്നു.
Recommended Video
ആരുപക്ഷി എന്നാണ് ഷഹബാസ് അമന്‍ ആരാധനയുടെ ചിത്രത്തിന് താഴെ കുറിച്ചിരിക്കുന്നത്. 2009ലാണ് രാജീവ് രവിയും ഗീതുമോഹന്‍ദാസും വിവാഹിതരായത്. അടുത്ത സുഹൃത്തുക്കളായിരുന്ന ഇരുവരും ജീവിതത്തിലും ഒരുമിക്കുകയായിരുന്നു. ഞാന്‍ സ്റ്റീവ് ലോപ്പസ് ആണ് രാജീവ് രവിയുടെ സംവിധാനത്തില്‍ പുറത്തിറങ്ങിയ ആദ്യ ചിത്രം. പിന്നാലെ അന്നയും റസൂലും, കമ്മട്ടിപ്പാടം തുടങ്ങി സിനിമകളും സംവിധായകന്റെതായി ഏറെ ശ്രദ്ധിക്കപ്പെട്ടു.
കേള്‍ക്കുന്നുണ്ടോ എന്ന ഹ്രസ്വചിത്രത്തിലൂടെയാണ് ഗീതു മോഹന്‍ദാസ് സംവിധാന രംഗത്തേക്ക് എത്തിയത്. പിന്നാലെ ലയേഴ്‌സ് ഡയസ് എന്ന ചിത്രവും നടിയുടെതായി പുറത്തിറങ്ങി. കഴിഞ്ഞ വര്‍ഷം നിവിന്‍ പോളിയെ നായകനാക്കിയാണ് മൂത്തോന്‍ എന്ന ചിത്രം ഗീതു ഒരുക്കിയത്. സിനിമ രണ്ട് പേരുടെയും കരിയറില്‍ വലിയ വഴിത്തിരിവായി മാറിയിരുന്നു. റോഷന്‍ മാത്യൂവും ചിത്രത്തില്‍ പ്രധാന വേഷത്തില്‍ എത്തിയിരുന്നു. രാജീവ് രവി തന്നെയാണ് മൂത്തോന്റെ ഛായാഗ്രഹണം നിര്‍വ്വഹിച്ചിരുന്നത്.
