മമ്മൂക്ക ഹാന്‍ഡ്‌ഷേക്ക് തന്ന കൈ അന്ന് രാത്രി വരെ ഞാന്‍ പിടിച്ചോണ്ടു നിന്നു, മെഗാസ്റ്റാറിനെ കുറിച്ച് മഹിമ

മമ്മൂക്കയ്‌ക്കൊപ്പം വളരെ കുറച്ച് സീനുകളില്‍ മാത്രമേ എനിക്ക് വര്‍ക്ക് ചെയ്യാന്‍ പറ്റിയിട്ടൂളളു എന്ന് നടി പറയുന്നു. അത് കുറച്ചാണെങ്കിലും വളരെ വിലയേറിയതും മൂല്യവത്തായതുമായി ഞാന്‍ കണക്കാക്കുന്ന നിമിഷങ്ങളാണ്. അപ്പോ മാസ്റ്റര്‍പീസിന്റെ ഷൂട്ടിംഗിന് ശേഷം അതിന്റെ ഡബ്ബിംഗിലാണ് ഞാന്‍ മമ്മൂക്കയെ ആദ്യമായിട്ട് നേരില്‍ കാണുന്നത്.

നമ്മളൊരു സെലിബ്രിറ്റിയെ, ഇഷ്ടമുളള സെലിബ്രിറ്റിയെ കാണുമ്പോള്‍ അദ്ദേഹത്തിന്‌റെ ഒരു പേഴ്‌സണാലിറ്റി കൊണ്ടാ അല്ലെങ്കില്‍ അദ്ദേഹത്തിന്‌റെ ഒരു സ്റ്റാര്‍ഡം കൊണ്ടോ ഒരു ഓറ കൊണ്ടോ ഒരാളെ കാണുമ്പോ നമ്മള് ബ്ലാങ്ക് ആയി സ്റ്റാര്‍ട്രക്ക് ആയി പോവുക എന്ന് പറയുന്നൊരു ഫീലിംഗുണ്ട്. ഞാന്‍ അത് ആദ്യമായി എക്‌സിപീരിയന്‍സ് ചെയ്യുന്നത് മമ്മൂക്കയില്‍ നിന്നാണ്.

അന്ന് അദ്ദേഹം ഹാന്‍ഡ്‌ഷേക്ക് ഒകെ തന്ന് ഓള്‍ ദ ബെസ്റ്റ് ഒകെ പറഞ്ഞു. അന്ന് അദ്ദേഹം ഹാന്‍ഡ്‌ഷേക്ക് തന്ന കൈ ഞാന്‍ രാത്രി വരെ പിടിച്ചോണ്ടു നിന്നു. കുറച്ച് സിനിമകള്‍ പോലും ചെയ്തിട്ടുളള എനിക്കുളള അഹങ്കാരം പോലും മമ്മൂക്കയ്ക്കുണ്ടാവില്ല. അപ്പോ ഇത്രയും സ്വീറ്റായിട്ടുളള ഇത്രയും അനുഭവ സമ്പത്തുളള ഇത്രയും ടാലന്റഡ് ആയിട്ടുളള അദ്ദേഹം ഇതുപോലെ തന്നെ വിജയകരമായി സന്തോഷത്തോടുകൂടി ആരോഗ്യത്തോടുകൂടി ഇനിയും ഒരുപാട് ഒരുപാട് സിനിമകള്‍ നമ്മള്‍ക്ക് സമ്മാനിക്കണമെന്ന് ഞാന്‍ ആഗ്രഹിക്കുന്നു. മഹിമാ നമ്പ്യാര്‍ മമ്മൂട്ടി ടൈംസിന്‌റെ വീഡിയോയില്‍ പറഞ്ഞു.

അതേസമയം മലയാളത്തില്‍ എം പദ്മകുമാര്‍ ആസിഫ് അലി ചിത്രത്തിലാണ് മഹിമാ നമ്പ്യാര്‍ എത്തുന്നത്. അരങ്ങേറ്റ ചിത്രമായ കാര്യസ്ഥനില്‍ ദിലീപിന്റെ അനിയത്തിയുടെ വേഷത്തിലായിരുന്നു നടി അഭിനയിച്ചത്. പിന്നീട് സമുദ്രക്കനി നായകനായ സേട്ടൈ എന്ന ചിത്രത്തിലൂടെ തമിഴിലും എത്തി. തമിഴില്‍ യുവതാരങ്ങളുടെയെല്ലാം നായികയായിട്ടാണ് മഹിമാ നമ്പ്യാര്‍ അഭിനയിച്ചത്. മമ്മൂക്കയ്ക്കാപ്പമുളള മധുരരാജയില്‍ തമിഴ് നടന്‍ ജയുടെ ജോഡിയായിട്ടാണ് മഹിമ എത്തിയത്. മെഗാസ്റ്റാര്‍ ചിത്രത്തിലെ നടിയുടെ പ്രകടനം ശ്രദ്ധിക്കപ്പെട്ടിരുന്നു.