'അമ്മയുടെ നിർബന്ധമായിരുന്നു, കരഞ്ഞ് വിളിച്ചാണ് പോയത്'; മിസ് കേരള ഫിറ്റ്നസ് അനുഭവം പങ്കുവെച്ച് നടി മിയ!

ജിമി ജോർജ് എന്ന പേര് ചേട്ടായീസിലെ നായികയ്ക്ക് ചേർന്നത് അല്ലെന്ന് പറഞ്ഞ് സിനിമയുടെ അണിയറപ്രവർത്തകരാണ് മിയ എന്ന് പേര് മാറ്റാൻ നിർദേശിച്ചത്. പേരും നായികയും പിന്നീട് മലയാള സിനിമയിൽ തിളങ്ങി. പക്ഷെ പ്രിയപ്പെട്ടവർക്കും മിയ ഇപ്പോഴും ജിമിയാണ്. കഴിഞ്ഞ ​ദിവസം എം.ജി ശ്രീകുമാർ അവതാരകനായ പാടാം നേടാമിൽ അതിഥിയായി എത്തിയ താരം മിസ് കേരള അനുഭവങ്ങളും വീട്ടു വിശേഷങ്ങളും പങ്കുവെച്ചിരിക്കുകയാണ് ഇപ്പോൾ. 'ഞങ്ങൾ രണ്ട് പെൺമക്കളാണ്. വീട്ടിൽ ആൺക്കുട്ടികൾ ഇല്ലാത്തതിനാൽ എന്നെ ആൺക്കുട്ടിയെപ്പോലെയാണ് കൊണ്ട് നടന്നിരുന്നത് അതുകൊണ്ട് ചെറുപ്പത്തിൽ ഞാനൊരു ടോം ബോയി ആയിരുന്നു' മിയ പറയുന്നു.

മിസ് കേരള ഫിറ്റ്നസിലേക്ക് മത്സരിച്ചത് അമ്മയുടെ നിർബന്ധപ്രകാരമായിരുന്നുവെന്നും മിയ വെളിപ്പെടുത്തുന്നു. 'പത്രത്തിൽ പരസ്യം കണ്ട് മമ്മിയാണ് എന്റെ ഫോട്ടോയും പേരും വെച്ച് കത്ത് അയച്ചത്. സെലക്ഷൻ‌ കിട്ടിയപ്പോഴാണ് എന്നോട് പറഞ്ഞത്. മത്സരത്തിൽ പങ്കെടുക്കാൻ കൊച്ചിക്ക് പോണമെന്ന് പറഞ്ഞപ്പോൾ എനിക്ക് ഒട്ടും ഇഷ്ടമുണ്ടായിരുന്നില്ല. മത്സരത്തിൽ പങ്കെടുക്കാൻ പോകില്ലെന്ന് പറഞ്ഞ് വാശി പിടിച്ച് കരഞ്ഞു. പിന്നീട് അമ്മയുടെ നിർബന്ധത്തിന് വഴങ്ങിയാണ് മത്സരത്തിന് പോയത്. കിട്ടുമെന്ന് ഒട്ടും പ്രതീക്ഷയില്ലായിരുന്നു. കിട്ടണമെന്ന താൽപര്യവും ഉണ്ടായിരുന്നില്ല. പല ഘട്ടങ്ങളുണ്ടായിരുന്നു. എങ്ങനെയോ അവസാന അഞ്ചിൽ‌ എത്തി. ഫൈനൽ സ്റ്റേജിൽ നിൽക്കുമ്പോഴാണ് മിസ് കേരള കിട്ടിയാൽ കൊള്ളാമായിരുന്നുവെന്ന് എനിക്ക് തോന്നിയതും ആ​ഗ്രഹിക്കാൻ‌ തുടങ്ങിയതും. അവസാനം വിന്നറായപ്പോൾ ചക്കയിട്ടപ്പോൾ മുയൽ ചത്തപ്പോലെയായി' മിയ പറയുന്നു.

Recommended Video

പ്രണയ വിവാഹമാണോ ? മിയ പറയുന്നു | FilmiBeat Malayalam

മകനൊപ്പമാണ് ഇപ്പോൾ സമയം ചെവലഴിക്കുന്നതെന്നും അവന് പാട്ടുകേൾക്കുന്നത് വളരെ ഇഷ്ടമാണെന്നും മിയ പറയുന്നു. വാതിക്കല് വെള്ളരിപ്രാവ് മകന് വേണ്ടി വെറുതെ ഇരുന്നപ്പോൾ പാടിയതാണെന്നും മിയ പറയുന്നു വൈറലാകുമെന്ന് കരുതിയില്ലെന്നും മിയ പറയുന്നു. ഏറ്റവും അവസാനം റിലീസ് ചെയ്ത മിയയുടെ സിനിമകളിൽ ഏറ്റവും ശ്രദ്ധിക്കപ്പെട്ടത് പൃഥ്വിരാജ് നായകനായ ഡ്രൈവിങ് ലൈസൻസാണ്. സുരാജിന്റെ ഭാര്യയായിട്ടാണ് ചിത്രത്തിൽ മിയ അഭിനയിച്ചത്. ചിത്രം വലിയ ഹിറ്റായിരുന്നു. വിവാഹശേഷം സിനിമയിൽ നിന്നും വിട്ടു നിൽക്കുകയാണ് മിയ. വ്യവസായിയായ അശ്വിൻ ഫിലിപ്പാണ് മിയയെ വിവാഹം ചെയ്തത്. മാസങ്ങൾക്ക് മുമ്പാണ് ഇരുവർക്കും ലൂക്ക എന്ന ആൺകുഞ്ഞ് പിറന്നത്.