നവ്യാ നായര്‍ക്ക് ഹീലിയം ബലൂണ്‍ കൊടുത്ത പണി, തോല്‍വി സമ്മതിച്ച് നടി, വൈറല്‍ വീഡിയോ

ബെറ്റില്‍ തോറ്റ നടിയുടെ ഒരു വീഡിയോ ആണ് ഇന്‍സ്റ്റഗ്രാം പേജിലൂടെ പുറത്തുവന്നിരിക്കുന്നത്. കഴിഞ്ഞ വര്‍ഷവും സോഷ്യല്‍ മീഡിയയില്‍ ആക്ടീവായിരുന്നു താരം. ലോക്ഡൗണ്‍ സമയത്തെല്ലാം നാട്ടില്‍ കുടുംബത്തിനൊപ്പമാണ് നടി ചിലവഴിച്ചത്. അന്ന് മകന്‍ സായികൃഷ്ണയ്‌ക്കൊപ്പമുളള നവ്യയുടെ ചിത്രങ്ങളും വീഡിയോസുമെല്ലാം ആരാധകര്‍ ഏറ്റെടുത്തിരുന്നു.

കഴിഞ്ഞ വര്‍ഷം തന്നെ നവ്യയുടെ സഹോദരന്‌റെ വിവാഹവും കഴിഞ്ഞിരുന്നു. ഇതിന്‌റെ ചിത്രങ്ങളും നടി ഇന്‍സ്റ്റഗ്രാമിലൂടെ പങ്കുവെച്ചിരുന്നു. കൂടാതെ അടുത്തിടെ മകന്‌റെ പിറന്നാളും നവ്യയും കുടുംബവും ആഘോഷമാക്കി മാറ്റി. ഇതിന്‌റെ വീഡിയോ തന്‌റെ യൂടൂബ് ചാനലിലൂടെയായിരുന്നു നടി പുറത്തുവിട്ടത്. അന്ന് കുടുംബത്തിനൊപ്പമുളള ഒരു വ്‌ളോഗ് വീഡിയോയുമായിട്ടാണ് നവ്യാ നായര്‍ എത്തിയത്.

അതേസമയം ഇത്തവണ രസകരമായൊരു വീഡിയോ ആണ് നവ്യാ നായരുടെതായി പുറത്തുവന്നത്. വീഡിയോയില്‍ ഹീലിയം ബലൂണ്‍ ഊതീ വീര്‍പ്പിക്കുകയും പിന്നീട് അതിന്‌റെ കാറ്റ് അഴിച്ചുവിടുകയും ചെയുന്ന നവ്യയെ കാണാം. പിന്നീട് എന്താണ് സംസാരിക്കേണ്ടത് എന്ന് ചോദിക്കുന്നതോടെ ചുറ്റും ഒരു കൂട്ടച്ചിരി ഉയരുന്നു.

ചിരിയടക്കാന്‍ പാടുപെടുന്ന നവ്യയെയും വീഡിയോയില്‍ കാണാം. അവസാനം സമ്മതിച്ചു എന്ന് വീഡിയോയില്‍ നവ്യ പറയുന്നുണ്ട്. ഹീലിയം ബലൂണിന് ശബ്ദം മാറ്റാനുളള കഴിവില്ലെന്ന് നവ്യ കൂടെയുളളവരോട് തര്‍ക്കിച്ചിരുന്നു. ഉണ്ടെന്ന് മറ്റുളളവരും പറഞ്ഞു. എന്നാല്‍ അതൊന്ന് പരീക്ഷിച്ച് കളയാമെന്ന് പറഞ്ഞുകൊണ്ടാണ് നവ്യ ബലൂണ്‍ വീര്‍പ്പിച്ചത്.

Recommended Video

ഒരുത്തിയുടെ പൂജ ദൃശ്യങ്ങള്‍ | Oruthi Movie pooja visuals | Filmibeat Malayalam

എന്നാല്‍ തര്‍ക്കത്തില്‍ നടി തോല്‍ക്കുകയായിരുന്നു. നവ്യാ നായരുടെ വീഡിയോയ്ക്ക് പിന്നാലെ കമന്‌റുകളുമായി ആരാധകരും എത്തിയിരുന്നു. നസ്രിയയുടെ ശബ്ദം പോലെ തോന്നുന്നു എന്നെല്ലാം കമന്‌റ് ചെയ്തുകൊണ്ടാണ് നടിയുടെ വീഡിയോയ്ക്ക് താഴെ കമന്റുകളുമായി ആരാധകര്‍ ഏത്തിയത്.