മകന്‌റെ ജന്മദിനം ആഘോഷമാക്കി നവ്യയും കുടുംബവും,സായിയുടെ പിറന്നാള്‍ ചിത്രങ്ങള്‍ പങ്കുവെച്ച് നടി

ഒരിടവേളയ്ക്ക് ശേഷം മലയാളത്തില്‍ വീണ്ടും സജീവമാകാനുളള തയ്യാറെടപ്പുകളിലാണ് താരം. വികെ പ്രകാശ് സംവിധാനം ചെയ്യുന്ന ഒരുത്തീ എന്ന ചിത്രത്തിലൂടെയാണ് നവ്യ വീണ്ടും പ്രേക്ഷകര്‍ക്ക് മുന്‍പിലേക്ക് എത്തുന്നത്. അതേസമയം കഴിഞ്ഞ ദിവസമായിരുന്നു നവ്യയുടെ മകന്‍ സായി കൃഷ്ണയുടെ ജന്മദിനം. പിറന്നാള്‍ ദിവസം മകനും ഭര്‍ത്താവ് സന്തോഷ് മേനോനും ഒപ്പം ക്ഷേത്രദര്‍ശനം നടത്തിയതിന്റെ ചിത്രം കഴിഞ്ഞ ദിവസം നടി സോഷ്യല്‍ മീഡിയയില്‍ പോസ്റ്റ് ചെയ്തിരുന്നു.

ഇപ്പോഴിതാ സായിയുടെ ജന്മദിന ആഘോഷങ്ങ ചിത്രങ്ങളും പങ്കുവെച്ചിരിക്കുകയാണ് നടി. അബദ് ഹോട്ടലില്‍ വെച്ച് നടന്ന പിറന്നാള്‍ ആഘോഷ ചിത്രങ്ങളാണ് നവ്യയുടെതായി പുറത്തുവന്നിരിക്കുന്നത്. പിറന്നാളിനോടനുബന്ധിച്ച് ജന്മദിന സമ്മാനമായി സായിക്ക് അപ്പിള്‍ വാച്ച് ഇരുവരും നല്‍കിയിരുന്നു. അച്ഛന്‌റെയും അമ്മയുടെയും സര്‍പ്രൈസ് ഗിഫ്റ്റ് തുറന്നുനോക്കുന്ന സായിയുടെ വീഡിയോയും നവ്യ പങ്കുവെച്ചു.

വിവാഹ ശേഷം മുംബൈയില്‍ സ്ഥിര താമസമാക്കിയിരുന്ന താരമാണ് നവ്യാ നായര്‍. നവ്യക്കൊപ്പം മകനും എപ്പോഴും വാര്‍ത്തകളില്‍ നിറയാറുണ്ട്. മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും അഭിനയിച്ചിരുന്നു നവ്യ. ദിലീപ് ചിത്രം ഇഷ്ടത്തിലൂടെ സിനിമയിലെത്തിയ താരം തുടര്‍ന്ന് സൂപ്പര്‍ താരങ്ങളുടെയെല്ലാം നായികയായി തിളങ്ങിയിരുന്നു. ഗ്ലാമര്‍ വേഷങ്ങള്‍ അധികം ചെയ്യാതിരുന്ന താരം അഭിനയപ്രാധാന്യമുളള റോളുകളിലാണ് സിനിമയില്‍ കൂടുതല്‍ എത്തിയത്.

മാസ്സ് തിരിച്ചു വരവിനൊരുങ്ങി നവ്യ നായര്‍ | FilmiBeat Malayalam

രഞ്ജിത്ത് സംവിധാനം ചെയ്ത നന്ദനമാണ് നടിയുടെ കരിയറില്‍ വലിയ വഴിത്തിരിവായത്. നന്ദനത്തിലെ പ്രകടനത്തിലൂടെ മികച്ച നടിക്കുളള സംസ്ഥാന ചലച്ചിത്ര പുരസ്‌കാരം നവ്യാ നായര്‍ക്ക് ലഭിച്ചിരുന്നു. തുടര്‍ന്ന് നായികാ വേഷങ്ങള്‍ക്കൊപ്പം സഹനടിയായുളള റോളുകളിലും നവ്യ സിനിമകളില്‍ എത്തി. രണ്ട് തവണയാണ് മികച്ച നടിക്കുളള സംസ്ഥാന പുരസ്‌കാരം നടിക്ക് ലഭിച്ചത്.