മമ്മൂട്ടി പ്രതികരിച്ചല്ലോ,മറുപടിയില്‍ തൃപ്തിയില്ലെങ്കിലും അദ്ദേഹം മിണ്ടിയതില്‍ സന്തോഷമെന്ന് പാര്‍വതി

ലോബിയിങ്ങിനെക്കുറിച്ച് ആശങ്കയില്ല

അഭിപ്രായം തുറന്നുപറയുന്നതുമായി ബന്ധപ്പെട്ട് തനിക്കെതിരെ ലോബി രൂപപ്പെടുമെന്നും അതുകൊണ്ട് സംയമനം പാലിക്കണമെന്നും ഇത്തരം സാഹചര്യങ്ങള്‍ ഒഴിവാക്കണമെന്നും ആവശ്യപ്പെട്ട് ചിലര്‍ തന്നെ ഉപദേശിച്ചിരുന്നുവെന്ന് പാര്‍വതി പറയുന്നു.

നിലപാടുകള്‍ തുറന്നുപറയും

നിലപാടുകള്‍ തുറന്നുപറയുന്നതുമായി ബന്ധപ്പെട്ട് അവസരങ്ങള്‍ നഷ്ടമാവുമെന്ന് പേടിച്ച് മിണ്ടാതിരിക്കില്ല. സ്വന്തം താല്‍പര്യപ്രകാരമാണ് സിനിമയിലേക്ക് എത്തിയത്. 12 വര്‍ഷമായി താന്‍ സിനിമയിലെത്തിയിട്ട്.

അവസരം നഷ്ടമായാല്‍

സ്വന്തം താല്‍പര്യവും കഠിനാധ്വാനവും കൊണ്ടാണ് ഇത്രയും നാള്‍ സിനിമയില്‍ പിടിച്ചു നിന്നത്. അവസരം നഷ്ടമായാല്‍ സ്വന്തമായി സിനിമയെടുക്കുമെന്നും താരം വ്യക്തമാക്കി.

മറ്റുള്ളവരുടെ ബുദ്ധിമുട്ട്

തന്റെ ചുറ്റുമുള്ളവര്‍ക്കോ മറ്റാര്‍ക്കെങ്കിലുമോ ബുദ്ധിമുട്ടുണ്ടാവുമെന്ന് കരുതി അഭിപ്രായങ്ങള്‍ മൂടി വെക്കാന്‍ താനുദ്ദേശിക്കുന്നില്ലെന്നും പാര്‍വതി പറയുന്നു.

മമ്മൂട്ടിയുടെ പ്രതികരണം

പാര്‍വതിക്കെതിരെയുള്ള സൈബര്‍ ആക്രമണം രൂക്ഷമായി തുടരുന്നതിനിടയില്‍ നിലപാട് വ്യക്തമാക്കി മമ്മൂട്ടി രംഗത്തുവന്നിരുന്നു. തനിക്ക് വേണ്ടി സംസാരിക്കാന്‍ ആരെയും ചുമതലപ്പെടുത്തിയിട്ടില്ലെന്നായിരുന്നു അദ്ദേഹം വ്യക്തമാക്കിയത്.

പൂര്‍ണ്ണസംതൃപ്തയല്ല

മമ്മൂട്ടിയുടെ മറുപടിയില്‍ താന്‍ പൂര്‍ണ്ണസംതൃപ്തയല്ല. ഈ വിഷയത്തില്‍ അദ്ദേഹം പ്രതികരിച്ചതില്‍ തനിക്ക് സന്തോഷമുണ്ടെന്നും താരം വ്യക്തമാക്കുന്നു.