എന്തിന് മെലിഞ്ഞു, തടിച്ച നിങ്ങളെയാണ് ഇഷ്ടമെന്ന് പറഞ്ഞവരുണ്ട്, ബോഡി ഷെയിമിങ് കമന്റുകളെ കുറിച്ച് പ്രിയാമണി

അതേസമയം സോഷ്യല്‍ മീഡിയയിലൂടെ നേരിടാറുളള ബോഡി ഷെയിമിങ്ങിനെ കുറിച്ച് പറഞ്ഞ് പ്രിയാമണി എത്തിയിരിക്കുകയാണ്. ബോളിവുഡ് ബബിളിന് നല്‍കിയ അഭിമുഖത്തിലാണ് നടി മനസുതുറന്നത്. 'തൊലിയുടെ നിറത്തെ കുറിച്ചെല്ലാം പറഞ്ഞ് സമൂഹ മാധ്യമങ്ങളില്‍ തനിക്ക് കമന്‌റുകള്‍ വരാറുണ്ടെന്ന് പ്രിയാമണി പറയുന്നു. നിങ്ങള്‍ കറുത്തിരിക്കുന്നു എന്നൊക്കെ പറയും'.

'കറുത്ത് ഇരുന്നാല്‍ എന്താണ് കുഴപ്പം എന്ന് പ്രിയാമണി ചോദിക്കുന്നു. കറുത്ത് ഇരിക്കുന്നതില്‍ എനിക്ക് അഭിമാനം മാത്രമേയുളളൂ. തന്‌റെ ശരീരഭാരം 65 കിലോ വരെ പോയിട്ടുണ്ടെന്നും നടി പറഞ്ഞു. ഇപ്പോള്‍ ഞാന്‍ എങ്ങിനെയാണോ അതിനേക്കാള്‍ നിങ്ങള്‍ തടിച്ചിരിക്കുന്നു എന്നാണ് ആ സമയത്ത് ആളുകള്‍ പറഞ്ഞത്', പ്രിയാമണി പറയുന്നു.

'പിന്നീട് എന്താണ് ഇത്രയും മെലിഞ്ഞത് എന്നായി പലരുടെയും ചോദ്യം. തടിച്ച നിങ്ങളെ കാണാനാണ് ഞങ്ങള്‍ക്ക് ഇഷ്ടം എന്ന് പറയും. മറ്റുളളവരെ ബോഡി ഷെയിം ചെയ്യുന്നതിന് പിറകിലെ വികാരം എന്താണെന്ന് എനിക്ക് മനസ്സിലാകുന്നില്ല', പ്രിയാമണി പറഞ്ഞു. 'മേക്കപ്പില്ലാത്ത ചിത്രങ്ങള്‍ പോസ്റ്റ് ചെയ്താല്‍ ഇവര്‍ പറയും. നിങ്ങള്‍ മേക്കപ്പ് ഇടുന്നതാണ് നല്ലത്, അല്ലെങ്കില്‍ ഒരു ആന്റിയെ പോലെ ഇരിക്കുമെന്ന്'.

'അതുകൊണ്ട് എന്താണ് കുഴപ്പം?. ഇന്നല്ലെങ്കില്‍ നാളെ എല്ലാവരും പ്രായമാകും', പ്രിയാമണി അഭിമുഖത്തില്‍ പറഞ്ഞു. തിരക്കുകള്‍ക്കിടെയിലും സോഷ്യല്‍ മീഡിയയില്‍ എപ്പോഴും ആക്ടീവാകാറുളള താരമാണ് പ്രിയാമണി. എറ്റവും പുതിയ വിശേഷങ്ങള്‍ നടി പങ്കുവെക്കാറുണ്ട്. മലയാളത്തില്‍ ഇപ്പോള്‍ സജീവമല്ലാത്ത താരം തെലുങ്ക്, ഹിന്ദി, കന്നഡ, തമിഴ് ഭാഷകളിലാണ് അഭിനയിക്കുന്നത്.

Recommended Video

Priyamani's reply to fan who asked about her husband's religion

മോളിവുഡില്‍ രഞ്ജിത്ത് സംവിധാനം ചെയ്ത തിരക്കഥ പ്രിയാമണിയുടെതായി ഏറെ ശ്രദ്ധിക്കപ്പെട്ട ചിത്രമാണ്. പൃഥ്വിരാജ്, അനൂപ് മേനോന്‍ തുടങ്ങിയവര്‍ പ്രധാന വേഷങ്ങളില്‍ എത്തിയ സിനിമയിലെ നടിയുടെ പ്രകടനം ഏറെ ശ്രദ്ധിക്കപ്പെട്ടു. വിരാടപര്‍വ്വം, നാരപ്പ, മൈദാന്‍ ഉള്‍പ്പെടെയുളള സിനിമകളാണ് പ്രിയാമണിയുടെതായി അണിയറയില്‍ ഒരുങ്ങുന്നത്. സെലക്ടീവായി മാത്രമാണ് നടി ഇപ്പോള്‍ സിനിമകള്‍ ചെയ്തുകൊണ്ടിരിക്കുന്നത്.