തരുണുമായുളള വിവാഹ വാർത്ത ഞെട്ടിച്ചു!! അച്ഛനെ വിളിച്ചു, ആ ഷോക്കിങ് അനുഭവത്തിനെ കുറിച്ച് പ്രിയാമണി

സിനിമയിലെ ഏറ്റവും ഇഷ്ടപ്പെട്ട നൃത്തരംഗം

അഭിനയത്രി എന്നതിലുപരി മികച്ച ഡാൻസർ കൂടിയാണ് പ്രിയാമണി. അതിനാൽ തന്നെ താരത്തിന് ആദ്യം കിട്ടിയ ചോദ്യവു സിനിമയിലെ ഇഷ്ടപ്പട്ട നൃത്ത രംഗത്തെ കുറിച്ചായിരുന്നു. രണ്ട് പാട്ടുകളായിരുന്നു പ്രിയ പറഞ്ഞത്. ഒന്ന് ജൂനിയർ എൻടി ആറിനോടൊപ്പമുളള ചിത്രത്തിലെ ഗാനവും മറ്റൊന്ന് ഷാരൂഖാനോടൊപ്പം ചെന്നൈ എക്സ്പ്രസിലെ ഗാനവുമായിരുന്നു. താൻ സംവിധാനം ചെയ്യുന്ന ചിത്രത്തിൽ ആരെ നായകനായി തിരഞ്ഞെടുക്കുമെന്ന ചോദ്യത്തിനു ജൂനിയർ എൻടിആറെന്നായിരുന്നു മറുപടി.

ജീവിതത്തിൽ പ്രധാനപ്പെട്ടത്

അടുത്ത ചോദ്യം ജീവിത്തിലെ ഏറ്റവും പ്രധാനപ്പെട്ട അഞ്ച് സംഗതികളെ കുറിച്ച് പറയാനായിരുന്നു. ആദ്യം മൊബൈൽ ഫോൺ എന്നായിരുന്നു താരം പറ‍ഞ്ഞത്. പിന്നീട് അടുത്തുണ്ടായിരുന്നു ഭർത്താവിനെ ചൂണ്ടി കാണിച്ചു. പിന്നീട് താരത്തിന്റെ ഐപാഡ്, പട്ടിക്കുട്ടി എന്നിങ്ങനെയാണ് മറുപടി നൽകിയത്.

തരുണിന്റേയും പ്രിയാമണിയുടേയും വിവാഹം

നടൻ തരുണുമായി തന്റെ വിവാഹം ഫിക്സ് ചെയ്തു എന്നു പ്രചരിച്ച വാർത്ത വളരെ ഷോക്കിങ്ങായ സംഭവമായിരുന്നുവെന്ന് താരം പറഞ്ഞു. തരുണിന്റെ അമ്മ വിവാഹത്തിന് സമ്മതം നൽകിയെന്നായിരുന്നു അന്ന് പ്രചരിച്ച വാർത്ത. അത് തന്നെ ഞെട്ടിപ്പിച്ചുവെന്നും ഉടൻ തന്നെ അച്ഛനെ വിളിച്ച് കാര്യം സംസാരിച്ചെന്നും പ്രിയ പറഞ്ഞു. അച്ഛൻ സമാധാനിപ്പിച്ചെന്നു നടി വെളിപ്പെടുത്തി. ജീവിതത്തിലെ ഏറ്റവും ഷോക്കിങ് അനുഭവത്തെ കുറിച്ച് ചോദിച്ചപ്പോഴായിരുന്നു താരം ഇക്കാര്യം വെളിപ്പെടുത്തിയത്.

ഞാൻ മോഹൻലാൽ ഫാൻ

ഷാരൂഖ്ഖാൻ, മോഹൻലാൽ, മമ്മൂട്ടി, രഞ്ജിത് എന്നിവരെ കുറിച്ചുളളതായിരുന്നു അടുത്ത ചോദ്യം. മൈ ലവ് എന്നായിരുന്നു ഷാരൂഖാനെ കുറിച്ചു പറഞ്ഞത്. തന്റെ പേഴ്സണൽ ഫേവറേറ്റ് താരമാണ് ലാൽ സാർ. കുടുംബത്തിലെ എല്ലാവരും മോഹൻലാൽ ഫാനാണെന്നും താര പറഞ്ഞു. മമ്മൂട്ടി വളരെ നല്ല മനുഷ്യനാണ്. എങ്കിലും തന്റെ പ്രിയപ്പെട്ട താരം മോഹൻലാൽ ആണെന്നും പ്രിയാമണി പറഞ്ഞു. മലയാള സിനിമയിൽ തനിയ്ക്ക് മികച്ച കരിയർ സമ്മാനിച്ച തന്റെ ഏറ്റവും പ്രിയപ്പെട്ട സംവിധായകനാണ് രഞ്ജിത്- എന്നാണ് സംവിധായകനെ കുറിച്ച് പ്രിയ പറഞ്ഞത്. ഏറ്റവും ഒടുവിൽ ലഭിച്ച ചോദ്യം ഭർത്താവിനെ കുറിച്ചായിരുന്നു. എന്റെ ലോകമെന്നായിരുന്നു പ്രിയ മുസ്തഫയെ കുറിച്ച് വിശേഷിപ്പിച്ചത്,