നസ്രിയയുടെ വഴിയെ റിമ കല്ലിങ്കലും!! അഭിനയത്തിനു പിന്നാലെ നിർമ്മാണത്തിലേയ്ക്ക്...

വൈറസിലൂടെ റിമയും

വൈറസ് ചിത്രത്തിലൂടെ റിമ കല്ലിങ്കലും നിർമ്മാണ രംഗത്തേയ്ക്ക് ചുവട് വയ്ക്കുകയാണ്. ഭർത്താവ് ആഷിഖ് അബു സംവിധാനം ചെയ്യുന്ന ചിത്രം പ്രേക്ഷകരുടെ മുന്നിൽ അവതരിപ്പിക്കുന്നത് റിമയാണ്. സിനിമയുടേതായി ഇന്ന് പുറത്തിറങ്ങിയ പോസ്റ്ററിൽ നിർമ്മാതാക്കളുടെ പേരിൽ ആഷിഖിനോടൊപ്പം റിമയുമുണ്ട്. ഒപിഎം പ്രൊഡക്ഷൻ എന്നാണ് ആഷിഖ് അബുവിന്റെ നിർമ്മാണ കമ്പനിയുടെ പേര്.

വരത്തനിൽ നസ്രിയ

വിവാഹത്തിനു ശേഷം സിനിമയിൽ നിന്ന് ബ്രേക്ക് എടുത്ത നസ്രിയ അഭിനയരംഗത്തെക്കാൾ സജീവമായത് നിർമ്മാണ രംഗത്തായിരുന്നു. ഫഹദ് ഫാസില്‍ ചിത്രമായ വരത്തിനിലൂടെയായിരുന്നു നസ്രിയ നിര്‍മ്മാണ രംഗത്തേയ്ക്ക് ചുവട് വയ് ച്ചത്. ചിത്രം ബോക്‌സ് ഓഫീസില്‍ മികച്ച വിജയമായിരുന്നു നേടിയത്. ഇപ്പോഴിത ഫഹദ് വില്ലനായി എത്തുന്ന കുമ്പളങ്ങി നൈറ്റസ് എന്ന ചിത്രം നിര്‍മ്മിക്കുന്നതും നസ്രിയ തന്നെയാണ്.

നയനിലൂടെ സുപ്രിയ

പൃഥ്വിരാജ് നായകനായി എത്തുന്ന നയന്‍ എന്ന ചിത്രത്തിലൂടെ സുപ്രിയയും നിര്‍മ്മാണ രംഗത്തേയ്ക്ക് ചുവട് വയ്ക്കുകയാണ്. ഫെബ്രുവരി 7 നാണ് ചിത്രം റിലീസിനെത്തുന്നത്. പൃഥ്വിരാജ് നിര്‍മ്മാണ കമ്പനിയില്‍ സുപ്രിയ പൃഥ്വിരാജാണ് ചിത്രം നിര്‍മ്മിക്കുന്നത്. സുപ്രിയയ്ക്ക് ആശംസയുമായി സിനിമ മേഖലയിലെ പ്രമുഖര്‍ രംഗത്തെത്തിയിട്ടുണ്ട്.

മഞ്ജു പിളള

ഛായാഗ്രഹകന്‍ സുജിത് വാസുദേവ് സംവിധാനം ചെയ്ത അനുശ്രീ നായികയായി എത്തിയ ചിത്രം നിര്‍മ്മിച്ചത് നടി മഞ്ജു പിളളയായിരുന്നു. ഭര്‍ത്താവ് സംവിധാനം ചെയ്ത ചിത്രം തന്നെയായിരുന്നു മഞ്ജു നിര്‍മ്മിച്ചത്. ചിത്രം ബോക്‌സോഫില്‍ തെറ്റില്ലാത്ത കളക്ഷന്‍ നേടിയിരുന്നു.

ആകാംക്ഷയോടെ കാത്തിരിക്കുന്ന ചിത്രം

പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രമാണ് വൈറസ്. കേരള ജനതയെ ഭീതിയിലാഴ്ത്തി മാരകരോഗമായ നിപ്പയെ കേന്ദ്രീകരിച്ച് ഒരുക്കുന്ന ചിത്രമാണ് വൈറസ്. വന്‍ താരനിരയാണ് ചിത്രത്തില്‍ എത്തുന്നത്. നിര്‍മ്മിക്കുന്നത് കൂടാെത സിസ്റ്റര്‍ ലിനിയായി റിമയും സിനിമയില്‍ എത്തുന്നുണ്ട്. ആരോഗ്യമന്ത്രി കെ കെ ശൈലജ ടീച്ചറായി രേവതിയും ചിത്രത്തിലെത്തുന്നുണ്ട്.ടൊവിനോ തോമസ്, കുഞ്ചാക്കോ ബോബന്‍, റഹമാന്‍, ഇന്ദ്രന്‍സ്, സൗബിന്‍ ഷാഹിര്‍, പൂര്‍ണ്ണിമ ഇന്ദ്രജിത്ത്, രമ്യ നമ്പീശന്‍, ശ്രീനാഥ് ഭാസി, മഡോണ സെബാസ്റ്റിയന്‍, ജോജു ജോര്‍ജ്ജ്, ദിലീഷ് പോത്തന്‍, സെന്തില്‍ കൃഷ്ണ,ആസിഫ് അലി, ഷറഫുദ്ദീന്‍, പാര്‍വതി തുടങ്ങി വമ്പന്‍ താരനിരയുമായാണ് ചിത്രം ഒരുങ്ങുന്നത്