കേട്ടത് സത്യം, സാമന്തയും നാഗചൈതന്യയും വേര്‍പിരിഞ്ഞു; ഇനി ഭാര്യയും ഭര്‍ത്താവും ആയിരിക്കില്ലെന്ന് പറഞ്ഞ് താരങ്ങൾ

ഞങ്ങളുടെ എല്ലാ സുമനസ്സുകള്‍ക്കും...ഏറെ ആലോചനകള്‍ക്കും ചിന്തകള്‍ക്കുമൊടുവില്‍ ഞാനും ചൈയും ഭാര്യ ഭര്‍ത്താക്കന്മാരായി ഇനി തുടരേണ്ടെന്ന് തീരുമാനിക്കുകയും വേര്‍പിരിയുകയും ചെയ്തിരിക്കുകയാണ്. ഇനി രണ്ടാളും രണ്ട് വഴിയിലേക്കാണ്. ഒരു പതിറ്റാണ്ടിലേറെ നീണ്ട ഞങ്ങളുടെ സൗഹൃദം ഒരു ഭാഗ്യമായിരുന്നു. അതാണ് ഞങ്ങളുടെ ബന്ധത്തിന്റെ കാതല്‍. ഞങ്ങള്‍ക്കിടയില്‍ എല്ലായിപ്പോഴും ഒരു പ്രത്യേക ബന്ധം നിലനില്‍ക്കുമെന്ന് ഞങ്ങള്‍ വിശ്വസിക്കുന്നുണ്ട്.

ഞങ്ങളുടെ സുഹൃത്തുക്കളോടും ആരാധകരോടുമെല്ലാം ഇപ്പോഴൊരു അപേക്ഷ മുന്നോട്ട് വെക്കുകയാണ്. 'വളരെ പ്രയാസം നിറഞ്ഞ ഈ സമയത്ത് നിങ്ങളുടെയെല്ലാ പിന്തുണയും ഞങ്ങള്‍ക്ക് വേണം. ഇതില്‍ നിന്നും മറി കടന്ന് പോവണമെങ്കില്‍ ഞങ്ങളുടേതായ കുറച്ച് സ്വകാര്യതയും ലഭിക്കണം. അതിനാല്‍ മാധ്യമങ്ങളോട് അടക്കം അഭ്യര്‍ഥിക്കുകയാണ്. നിങ്ങളുടെ പിന്തുണകള്‍ക്കെല്ലാം നന്ദി... എന്നുമാണ് താരങ്ങള്‍ പറയുന്നത്. സാമന്ത എഴുതിയ അതേ കുറിപ്പില്‍ പേര് മാറ്റി നാഗ ചൈതന്യയും പങ്കുവെച്ചിരിക്കുകയാണ്.

സാമന്ത-നാഗചൈതന്യ താരദമ്പതിമാരുടെ നാലാം വിവാഹവാര്‍ഷികത്തിന് കേവലം അഞ്ച് ദിവസങ്ങള്‍ മാത്രം ബാക്കി നില്‍ക്കുമ്പോഴായിരുന്നു വിവാഹമോചിതരാവുകയാണെന്നുള്ള പ്രഖ്യാപനവുമായി എത്തിയത്. കഴിഞ്ഞ രണ്ട് മൂന്ന് മാസമായി താരങ്ങളുടെ വേര്‍പിരിയല്‍ വാര്‍ത്തകള്‍ സോഷ്യല്‍ മീഡിയ ആഘോഷമാക്കിയിരുന്നു. ഔദ്യോഗികമായ റിപ്പോര്‍ട്ടുകളൊന്നും പുറത്ത് വന്നില്ലെങ്കിലും സൂചനകള്‍ വെച്ച് അഭ്യൂഹങ്ങള്‍ പ്രചരിച്ചു. ഒടുവില്‍ സത്യമെന്താണുള്ളത് പുറത്ത് വന്നതോടെ ആരാധകരും നിരാശയിലായിരിക്കുകയാണ്. കേട്ടതൊന്നും സത്യമാവരുതെന്നും രണ്ടാളും ഇനിയും ഒരുമിച്ച് ജീവിക്കണമെന്ന ആഗ്രഹത്തിലായിരുന്നു ആരാധകര്‍.

എല്ലാ കാമുകന്മാരും പറയുന്ന അതേ ഡയലോഗാണ് ഞാനും പറഞ്ഞത്; ലക്ഷ്മിയുമായുള്ള വിവാഹത്തെ കുറിച്ച് ബാലഭാസ്‌കർ പറഞ്ഞത്

2017 ഒക്ടോബര്‍ ഏഴിനായിരുന്നു ഹൈദരാബാദില്‍ വെച്ച് നാഗ-സാമന്ത വിവാഹം നടക്കുന്നത്. രണ്ട് വ്യത്യസ്ത മതവിഭാഗങ്ങളില്‍ ജനിച്ചവരായത് കൊണ്ട് രണ്ട് ആചാരപ്രകാരം വലിയ ആഘോഷമായി തന്നെ വിവാഹം നടത്തി. അന്ന് മുതലിങ്ങോട്ട് ദാമ്പത്യ ജീവിതത്തിലെ രസങ്ങളെ കുറിച്ചും ഭര്‍ത്താവിനെ കുറിച്ചും തുറന്ന് പറഞ്ഞ് സാമന്ത സോഷ്യല്‍ മീഡിയയില്‍ സജീവമായിരുന്നു. കഴിഞ്ഞ കുറച്ച് കാലമായി ഇരുവരും അകല്‍ച്ചയിലാണെന്ന സൂചന പുറത്ത് വന്നിരുന്നു. അങ്ങനെയിരിക്കുമ്പോഴാണ് സാമന്തയുടെ പേര് മാറ്റം. വിവാഹമോചത്തെ കുറിച്ചുള്ള ചോദ്യങ്ങളെ ഇരുവരും അവഗണിച്ചിരുന്നു. ഒടുവില്‍ പരസ്പര ബഹുമാനം നിലനിര്‍ത്തി കൊണ്ട് ഇരുവരും വേര്‍പിരിഞ്ഞിരിക്കുകയാണ്.

അഞ്ച് മാസം ഗര്‍ഭിണിയാണ്; കുഞ്ഞിൻ്റെ അനക്കമൊക്കെ അറിഞ്ഞ് തുടങ്ങി, വിശേഷങ്ങളുമായി കുടുംബവിളക്ക് താരം പാര്‍വതി