ഗര്‍ഭക്കാലത്തും പ്രസവശേഷവും വിഷാദത്തിലൂടെ കടന്നുപോയി, തരണം ചെയ്തതിനെ കുറിച്ച് സാന്ദ്ര തോമസ്‌

അതേസമയം ഗര്‍ഭിണിയായിരുന്ന സമയത്ത് തനിക്കുണ്ടായ വിഷാദത്തെ കുറിച്ച് മാതൃഭൂമിക്ക് നല്‍കിയ അഭിമുഖത്തില്‍ സാന്ദ്ര വെളിപ്പെടുത്തിയിരുന്നു. തനിക്കുണ്ടായ വിഷാദവും അതിനെ തരണം ചെയ്ത വഴികളെ കുറച്ചുമാണ് നടി മനസുതുറന്നത്. ഗര്‍ഭകാലത്തും പ്രസവം കഴിഞ്ഞ ശേഷവും താന്‍ വിഷാദത്തിലൂടെ കടന്ന് പോയെന്ന് സാന്ദ്ര പറയുന്നു.

എനിക്ക് മെഡിക്കല്‍ സഹായം വേണമെന്ന് തോന്നിയിരുന്നു. പക്ഷേ എന്റെ ചുറ്റുമുളളവര്‍ക്ക് ഇത് മനസിലായില്ല. എല്ലാകൊണ്ടും വല്ലാത്തൊരു കാലഘട്ടമായിരുന്നു. വല്ലാതെ ദേശ്യം വരുക, സങ്കടപ്പെടുക ഇതൊക്കെയുണ്ടായിരുന്നു. വീട്ടുകാര്‍ നോക്കുമ്പോള്‍ ഞാന്‍ ആഗ്രഹിക്കുന്നതെല്ലാം സാധിച്ച് തരുന്നു. പിന്നെ ഇവള്‍ക്കെന്താ പ്രശ്‌നമെന്നായിരുന്നു അവര്‍ കരുതിയത്.

ഇരട്ടക്കുട്ടികളായിരുന്നത് കൊണ്ട് തന്നെ ആ സമയത്ത് ശരീര ഭാരം വല്ലാതെ കൂടിയിരുന്നുവെന്നും എന്നാല്‍ ആ ഘട്ടം താനൊറ്റയ്ക്കാണ് തരണം ചെയ്തതെന്നും സാന്ദ്ര പറഞ്ഞു. ഈ സമയത്ത് കൊറിയന്‍ ഡ്രാമകള്‍ സ്ഥിരമായി കാണുമായിരുന്നുവെന്നും വല്ലാത്തൊരു റിലീഫ് അതില്‍ നിന്നും ലഭിച്ചിരുന്നുവെന്നും സാന്ദ്ര പറഞ്ഞു. വായനയും എന്നെ സഹായിച്ചിരുന്നു.

അങ്ങനെ എന്‌റെ മനസിനെ തിരിച്ച് വിടാനായി ശ്രമിച്ചു. സാന്ദ്രയ്ക്ക് ഇത് നേരിടാന്‍ പറ്റുമെന്ന് പറഞ്ഞ് ധൈര്യം തന്ന എന്‌റെ ഗൈനക്കോളജിസ്റ്റിനെ എനിക്ക് മറക്കാന്‍ സാധിക്കില്ല. എല്ലാവര്‍ക്കും ഒറ്റയ്ക്ക് ഈ പ്രതിസന്ധിയെ തരണം ചെയ്യാന്‍ പറ്റിയെന്ന് വരില്ല. സാന്ദ്ര പറഞ്ഞു. ആണ്‍കുട്ടി പെണ്‍കുട്ടി എന്ന് വേര്‍തിരിച്ച് ഞാന്‍ അവരെ കാണുന്നില്ല എന്നും നടി പറയുന്നു.

Recommended Video

സാന്ദ്രയുടെ കുസൃതി കുഞ്ഞുങ്ങളെ കണ്ടോ | FilmiBeat Malayalam

നല്ല മനുഷ്യരായിട്ട് വളരണം. മറ്റുളളവരോട് സ്‌നേഹവും അനുകമ്പയും ഉണ്ടാവണം. അവരുടെ ജീവിതംകൊണ്ട് നിരവധി പേരുടെ ജീവിതം പോസിറ്റീവ് ആവണം അത് മാത്രമാണ് ആഗ്രഹം. അല്ലാതെ അവരുടെ ജോലി, കല്യാണം എന്നിവയെ കുറിച്ച് ചിന്തിക്കാറില്ല. അവരുടെ ജീവിതം അവരുടെ ചോയ്‌സാണ്. അവരുടെ സ്വപ്‌നങ്ങള്‍ അവര്‍ ഉണ്ടാക്കണം. എനിക്ക് എന്റെ ജീവിതത്തെ കുറിച്ച് സ്വപ്‌നം കാണാന്‍ മാത്രമേ പറ്റുകയുളളൂ. അഭിമുഖത്തില്‍ സാന്ദ്ര തോമസ് പറഞ്ഞു.