ജീവിക്കാൻ കൊതിയാണ്!! മകന്റെ ജീവൻ നിങ്ങളുടെ കയ്യിൽ!! ലൈവിൽ പൊട്ടിക്കരഞ്ഞ് സേതുലക്ഷ്മി

മകന്റെ ജീവനു വേണ്ടി

മകന്റെ ജീവൻ നിലനിർത്താൻ വേണ്ടിയാണ് ജനങ്ങൾക്ക് മുന്നിൽ സഹായം അഭ്യർഥിച്ച് സേതുലക്ഷ്മി അമ്മ രംഗത്തെത്തിയത്. കഴിഞ്ഞ 10 വർഷമായി വൃക്ക സംബന്ധമായ അസുഖത്തെ തുടർന്ന് മകൻ കിഷോർ ചികിത്സയിലാണ്. വൃക്കമാറ്റി വയ്ക്കുക എന്നതു മാത്രമാണ് ഇനി ആകെയുളള മാർഗം. ഇതിനു വേണ്ടിയുള്ള സഹായം അൃഭ്യർഥിച്ചിരിക്കുകയാണ് ഈ അമ്മ. സിനിമയിലും മറ്റും അഭിനയിച്ച് കിട്ടുന്ന പണം കൊണ്ടാണ് മകനെ ചികിത്സക്കുന്നതും വീട്ട് ചെലവ് നടത്തുന്നതും.തന്റെ മകന്റെ ജീവൻ നിലനിർത്താൻ സുമനസ്സുകളുടെ സഹായം വേണമെന്നും ഈ അമ്മ പറയുന്നു.

വൃക്ക മാറ്റി വയ്ക്കുക

കിഷോറിന്റെ രണ്ട് വൃക്കകളും തകരാറിലാണ്. ഇനി വൃക്ക മാറ്റി വയ്ക്കുക എന്നൊരു പരിഹാരം മാത്രമേയുള്ളൂ. മകന് ജോലിയ്ക്ക് പോകാനാകില്ല. ചില കോമഡി പരിപാടികൾക്ക് പോകുന്നുണ്ട്. എന്നാൽ ഇപ്പോൾ ശരീരികമായി അതിനൊന്നും പോകാൻ പറ്റാത്ത അവസ്ഥയാണയാണിപ്പോഴെന്നും സേതുലക്ഷ്മി അമ്മ പറഞ്ഞു. തനിയ്ക്ക് വിചാരിച്ചിട്ട് ഒന്നും ചെയ്യാൻ പറ്റാത്ത അവസ്ഥയാണിപ്പോൾ. വൃക്ക മാറ്റുക എന്നൊരു പോം വഴി മാത്രമേയുളളുവെന്നും വീഡിയോയിൽ പറയുന്നു.

ചികിത്സ ചെലവ്

കരമന പിആർഎസ് ആശുപത്രിയിലാണ് മകന്റെ ചികിത്സ നടക്കുന്നത്. രണ്ടു ദിവസത്തിലൊരിക്കൽ ഡയാലിസിസ് ചെയ്യണം. അതിനോടൊപ്പം രക്തം മാറ്റുകയും വേണം. മകന്റെ കാലിന് ചെറുതായി ബലകുറവ് തുടങ്ങിയെന്നും സേതു ലക്ഷ്മി അമ്മ പറയുന്നു. ഒരു ഡയാലിസിസിന് 1200 രൂപയാണ്. ഇതിന്റെ കൂടെ 6500 രൂപയോളം വരുന്ന ഒരു ഇഞ്ചക്ഷൻ എടുക്കണം., രക്തത്തിന് 900 രൂപയാണ്. പിന്നെ ഗുളികകളുമുണ്ട്. ഇതിന് പുറമേ വീട്ട് ചെലമുണ്ട. വൃക്ക മാറ്റി വയ്ക്കാൻ ഒരുപാട് പണമാകുമെന്നുള്ള ആശങ്കയും ഈ അമ്മ പ്രകടിപ്പിക്കുന്നുണ്ട്. 'ഒ പോസ്റ്റീവാണ്' കിഷോറിന്റെ ബ്ലഡ് ഗ്രൂപ്പ്.

മകന്റെ ആഗ്രഹം

രണ്ട് കുട്ടികളാണ് കിഷോറിനുളളത്. ഒരാൽക്ക് 13 വയസ്സ് മാത്രമേ ആയിട്ടുളളൂ. രണ്ടാമത്തെയാൾക്ക് പന്ത്രണ്ടും. വൃക്ക മാറ്റി വയ്ക്കണമെന്ന് ഡോക്ടർ പറഞ്ഞപ്പോൾ മുതൽ മരിച്ചു പോകുമോ എന്ന ഭയമാണ് അവന്. ജീവിക്കാൻ അത്രയധികം മോഹമാണവന്. തന്റെ മകന് 18 വയസ്സായെങ്കിൽ തനിയ്ക്ക് ഇത്ര സങ്കടം ഉണ്ടാല്ലായിരുന്നു- എന്നാണ് അവൻ പറയുന്നത്. തനിയ്ക്ക് കിട്ടുന്ന മുഴവൻ കാശ് ഉപയോഗിച്ചാണ് ഇപ്പോൾ ചികിത്സിക്കുന്നതെന്നും സോതു ലക്ഷ്മിയമ്മ പറഞ്ഞു.

താരസംഘടനയുടെ സഹായം

താരസംഘടനയായ അമ്മയിൽ അംഗമാണ്. ഇക്കാര്യം അവരെ അറിയിച്ചിട്ടുണ്ട്. ഇടവേള ബാബു സാറിനോട് ഇക്കാര്യം പറയാനിരിക്കുകയാണെന്നും സേതുലക്ഷ്മി അമ്മ പറഞ്ഞു എല്ലാവരുടേയും സാഹായവും അതിനുപരി തന്റെ മകന് വേണ്ടി പ്രാർഥിക്കുകയും ചെയ്യണമെന്ന് സേതുലക്ഷ്മി അമ്മ പറയുന്നുണ്ട്.

സേതുലക്ഷ്മി ഫോൺ നമ്പർ : 9567621177
ഇന്ത്യന്‍ ഓവര്‍സീസ് ബാങ്ക്- തൈക്കാട് ശാഖ
അക്കൗണ്ട് നമ്പർ : 130301000008011 IFSC: IOBA0001303