തമിഴ് നടന്‍ വിജയകുമാറിനെതിരെ ആരോപണവുമായി മകള്‍! വാടക വീട്ടില്‍ നിന്നും ഇറക്കി വിട്ടതായി പരാതി!

വിജയ്കുമാറിനെതിരെ മകള്‍

നേരത്തെ വനിതയ്ക്കും സുഹൃത്തുക്കള്‍ക്കുമായി ഷൂട്ടിംഗിനു വേണ്ടി ഒരാഴ്ചത്തേയ്ക്കു വിജയകുമാര്‍ വീടു വിട്ടുനല്‍കിയിരുന്നു.എന്നാല്‍ ഒരാഴ്ചയായിട്ടും വീടു വിട്ടു ഒഴിയാത്തതിനാലായിരുന്നു പ്രശ്‌നങ്ങള്‍ക്ക് തുടക്കമായത്. തനിക്ക് തുല്ല്യ അവകാശമുളള വീടാണിതെന്നും ഇഷ്ടമുളളപ്പോള്‍ ഇറങ്ങിപ്പോകുമെന്ന നിലപാടായിരുന്നു വനിത തന്റെ പിതാവിനെ അറിയിച്ചിരുന്നത്. തുടര്‍ന്ന് മറ്റു സിനിമകള്‍ക്ക് വേണ്ടി ഉപയോഗിക്കുന്ന വീട് ആയതിനാല്‍ മകള്‍ക്കെതിരെ വിജയ്കുമാര്‍ പരാതി നല്‍കുകയായിരുന്നു.

വനിത പറഞ്ഞത്

പോലീസുകാര്‍ സ്ഥലത്തെത്തി ബലമായി ഒഴിപ്പിച്ചെന്നും തനിക്കൊപ്പമുണ്ടായിരുന്ന എട്ടു പേരെയും കസ്റ്റഡിയിലെടുത്തതെന്നും വനിത പറയുന്നു. എന്റെ പിതാവ് ഞങ്ങളോട് ഭയങ്കര ദ്രോഹമാണ് ചെയ്തത്. ആളുകളെ വെച്ച് എന്നെയും സുഹൃത്തുക്കളെയും അടിച്ചോടിക്കുകയായിരുന്നു. സിനിമയില്‍ പോലും സ്വന്തം മകളെ ഇങ്ങനെ ആരും ആളെ വിട്ട് തല്ലിക്കില്ലെന്നും വനിത പറയുന്നു. സിനിമയിലും സീരിയലിലും അഭിനയിച്ച് നല്ല പേര് വാങ്ങിയ ആള്‍ സ്വന്തം മകളെ റോഡിലിട്ട് പോലീസിനെ കൊണ്ട് മര്‍ദ്ദിക്കുകയായിരുന്നെന്നും വനിത പറയുന്നു.

സ്വത്തോ പണമോ ചോദിച്ചില്ല

ഇനി എന്തു ചെയ്യണമെന്ന് തനിക്കറിയില്ലെന്നും സ്വത്തോ പണമോ താന്‍ മുന്നേ ചോദിച്ചിരുന്നില്ലെന്നും വനിത പറയുന്നു. വീട്ടില്‍ താമസിച്ചതിന് മാത്രമാണ് എന്നെ ഇങ്ങനെ ഉപദ്രവിച്ചത്. സിനിമ നടിയായതിനാല്‍ വീട് വാടകയ്ക്കു ലഭിക്കുന്നില്ല. ഞാന്‍ ഇനി എവിടെ പോകും ആരോട് പരാതി പറയും.പോലീസ് തന്നെ എനിക്കെതിരാണ്,വനിത മാധ്യമങ്ങളോട് പറഞ്ഞു.

കേസ് ഒത്തുതീര്‍പ്പാക്കി

ചെന്നൈയിലെ മധുരവോയല്‍ പോലീസ് സ്‌റ്റേഷനിലായിരുന്നു മകള്‍ക്കെതിരെ വിജയ്കുമാര്‍ പരാതി നല്‍കിയിരുന്നത്. മറ്റു സിനിമകളുടെ ഷൂട്ടിംഗിന് ഉപയോഗിക്കുന്ന വീടായതിനാലായിരുന്നു മകള്‍ക്കെതിരെ വിജയ്കുമാര്‍ പരാതി നല്‍കിയിരുന്നത്. എന്നാല്‍ പോലീസ് കേസ് രജിസ്റ്റര്‍ ചെയ്യാതെ സംഭവം ഒത്തുതീര്‍പ്പാക്കുകയായിരുന്നു.

വീഡിയോ കാണൂ

വീഡിയോ കാണൂ