കരുത്തരായ വനിതകളെക്കുറിച്ച് ഓര്‍ക്കുമ്പോള്‍ ആദ്യം മനസിലെത്തുക ഇന്ദിരാ ഗാന്ധി: വിദ്യാ ബാലന്‍

അക്ഷയ് കുമാര്‍ നായകവേഷത്തില്‍ എത്തിയ മിഷന്‍ മംഗള്‍ എന്ന ചിത്രമായിരുന്നു വിദ്യാ ബാലന്റെതായി ഒടുവില്‍ പുറത്തിറങ്ങിയിരുന്നത്. സിനിമ മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും വലിയ നേട്ടമുണ്ടാക്കിയിരുന്നു. മിഷന്‍ മംഗളിന്റെ വിജയത്തിന് ശേഷം ഇന്ദിരാഗാന്ധിയുടെ ബയോപിക്ക് വെബ് സീരിസിലാണ് വിദ്യാ ബാലന്‍ അഭിനയിക്കുന്നതെന്നും മുന്‍പ് റിപ്പോര്‍ട്ടുകള്‍ വന്നിരുന്നു.

ഇപ്പോഴിതാ ഇന്ദിരാഗാന്ധിയെക്കുറിച്ചും വെബ് സിരീസിനെക്കുറിച്ചും വിദ്യ പറഞ്ഞ കാര്യങ്ങളും സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരിക്കുകയാണ്. ഇന്ത്യയുടെ മുന്‍ പ്രധാനമന്ത്രിയാകാന്‍ എന്തുക്കൊണ്ട് തീരുമാനിച്ചുവെന്ന ചോദ്യത്തിന് മറുപടി നല്‍കുകയായിരുന്നു വിദ്യ. കരുത്തരായ സത്രീകളെക്കുറിച്ചോര്‍ക്കുമ്പോള്‍ ആദ്യം മനസിലേക്ക് വരുന്ന പേര് ഇന്ദിരാ ഗാന്ധിയുടെതാണെന്ന് വിദ്യാ ബാലന്‍ പറയുന്നു.

എനിക്ക് രാഷ്ട്രീയ പാര്‍ട്ടികളുമായി യാതൊരുവിധ ബന്ധവുമില്ല. ഈ വെബ്‌ സീരീസിന് ഒരു പാര്‍ട്ടിയുമായും ഒന്നും ചെയ്യാനില്ല. കേവലമൊരു പാര്‍ട്ടിക്കപ്പുറം സഞ്ചരിച്ച ഒരു വ്യക്തിയെക്കുറിച്ചാണ് ഈ സീരിസ് പറയുന്നത്. വെബ് സീരീസിന്റെ ഷൂട്ടിംഗ് ഉടന്‍ തുടങ്ങില്ലെന്നും രണ്ടു വര്‍ഷത്തിനുളളില്‍ ആരംഭിച്ചേക്കുമെന്നും വിദ്യാ ബാലന്‍ പറഞ്ഞു.

സാഹോ ആഘോഷങ്ങള്‍ക്കിടെ പ്രഭാസിന്റെ ആരാധകന് ദാരുണാന്ത്യം! സംഭവം തെലങ്കാനയില്‍

ഇന്ദിരാ ഗാന്ധിയുടെ ജീവിത യാത്രയെക്കുറിച്ചുളള പഠനത്തിലാണ് താനെന്നും കഥാപാത്രത്തെ നല്ലതു പോലെ ഒന്നു പഠിക്കണമെന്നും വിദ്യാ ബാലന്‍ പറഞ്ഞു. ചരിത്ര വനിതയെ അവതരിപ്പിക്കുന്നതില്‍ ചെറിയ ഭയമുണ്ടെന്നും വിദ്യ ബാലന്‍ തുറന്നുപറഞ്ഞു. ഇന്ദിരാ ഗാന്ധിക്കു പുറമെ ഗണിത ശാസ്ത്രജ്ഞ ശകുന്തളാ ദേവിയുടെ ബയോപിക്കിലും ടൈറ്റില്‍ റോളിലെത്തുന്നത് വിദ്യാ ബാലന്‍ തന്നെയാണ്.

തിയ്യേറ്ററുകളെ പൂരപ്പറമ്പാക്കി പ്രഭാസിന്റെ സാഹോ! സിനിമ ഏറ്റെടുത്ത് പ്രേക്ഷകര്‍! ആദ്യ പ്രതികരണമിങ്ങനെ

മിഷന്‍ മംഗളിന് പുറമെ തമിഴില്‍ നേര്‍കൊണ്ട പാര്‍വൈ, തെലുങ്കില്‍ എന്‍ടിആര്‍ ബയോപിക്ക് തുടങ്ങിയ സിനിമകളും വിദ്യാ ബാലന്റെതായി ഈ വര്‍ഷം പുറത്തിറങ്ങിയിരുന്നു. വിദ്യ ആദ്യമായി തമിഴില്‍ അഭിനയിച്ച ചിത്രം കൂടിയായിരുന്നു തല അജിത്ത് നായകവേഷത്തില്‍ എത്തിയ നേര്‍കൊണ്ട പാര്‍വൈ. മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും നേട്ടമുണ്ടാക്കികൊണ്ടാണ് അജിത്ത് ചിത്രം തിയ്യേറ്ററുകളില്‍ തുടരുന്നത്. നേര്‍കൊണ്ട പാര്‍വൈയില്‍ അജിത്തിന്റെ ഭാര്യയുടെ റോളിലായിരുന്നു വിദ്യാ ബാലന്‍ അഭിനയിച്ചിരുന്നത്.