Click it and Unblock the Notifications
Don't Miss!
-
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ? -
'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ് -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും -
കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..? -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
കൊച്ചുണ്ണിയ്ക്ക് ശേഷം നിവിന്‍ പോളിയെ നായകനാക്കാന്‍ റോഷന്‍ ആന്‍ഡ്രൂസ്; സിനിമയുടെ ചിത്രീകരണം ഉടന്‍
മലയാള സിനിമയില്‍ വലിയ പ്രതീക്ഷകള്‍ നല്‍കി റോഷന്‍ ആന്‍ഡ്രൂസ് സംവിധാനം ചെയ്ത സിനിമയാണ് കായംകുളം കൊച്ചുണ്ണി. നിവിന്‍ പോളി നായകനായിട്ടെത്തിയ ബ്രഹ്മാണ്ഡ ചിത്രം സൂപ്പര്‍ഹിറ്റായി മാറുകയും ചെയ്തു. ഇതേ കൂട്ടുക്കെട്ടില്‍ മറ്റൊരു സിനിമയ്ക്കായി കാത്തിരുന്നവര്‍ക്ക് സന്തോഷിക്കാനുള്ള വാര്‍ത്ത എത്തിയിരിക്കുകയാണ്. നിവിന്‍ പോളി - റോഷന്‍ ആന്‍ഡ്രൂസ് കൂട്ടുക്കെട്ട് വീണ്ടും ഒരുമിക്കുകയാണ്. ചിത്രത്തിന്റെ പൂജ ചടങ്ങുകള്‍ ഏപ്രില്‍ പതിമൂന്നിന് നടത്തി.
കൊട്ടാരക്കര ഗണപതി ക്ഷേത്രത്തില്‍ വെച്ചാണ് ചിത്രത്തിന്റെ പൂജ ചടങ്ങുകള്‍ നടത്തിയത്. നിവിന്‍ പോളിക്ക് പുറമേ സിജു വില്‍സന്‍, സൈജു കുറുപ്പ്, അജു വര്‍ഗീസ്, സാനിയ ഇയ്യപ്പന്‍ എന്നിവര്‍ ഒന്നിക്കുന്ന ചിത്രത്തിനായി നവീന്‍ ഭാസ്‌കറാണ് തിരക്കഥ ഒരുക്കുന്നത്. ഏപ്രില്‍ 20ന് ഷൂട്ടിങ്ങ് ആരംഭിക്കാന്‍ പോവുന്ന സിനിമ ദുബായ്, ബാംഗ്ലൂര്‍, മൈസൂര്‍ എന്നിവിടങ്ങളില്‍ നിന്നുമാണ് ചിത്രീകരിക്കുക. അജിത്ത് വിനായക ഫിലിംസിന്റെ ബാനറില്‍ വിനായക അജിത്താണ് നിര്‍മ്മിക്കുന്നത്.
ആര്‍. ദിവാകരന്‍ ഛായാഗ്രഹണം നിര്‍വഹിക്കുന്ന ചിത്രത്തിനായി ജേക്‌സ് ബിജോയ് സംഗീതം ഒരുക്കുന്നു. പ്രൊഡക്ഷന്‍ ഡിസൈനര്‍ - അനീഷ് നാടോടി, കോസ്റ്റ്യൂം ഡിസൈനര്‍ - സുജിത്ത് സുധാകരന്‍, മേക്കപ്പ് - സജി കൊരട്ടി, പ്രൊഡക്ഷന്‍ കണ്‍ട്രോളര്‍ - നോബിള്‍ ജേക്കബ്, അസ്സോസിയേറ്റ് ഡയറക്ടേഴ്സ് - കെ. സി. രവി, ദിനേഷ് മേനോന്‍, ആര്‍ട്ട് ഡയറക്ടര്‍ - ആല്‍വിന്‍ അഗസ്റ്റിന്‍.
2018 ലാണ് റോഷന്‍ ആന്‍ഡ്രൂസ് സംവിധാനം ചെയ്ത കായംകുളം കൊച്ചുണ്ണി റിലീസ് ചെയ്യുന്നത്. ചിത്രത്തില്‍ അതിഥി വേഷത്തില്‍ മോഹന്‍ലാലും അഭിനയിച്ചിരുന്നു. കൊച്ചുണ്ണിയ്ക്ക് ശേഷം 2019 ല്‍ പ്രതിപൂവന്‍കോഴി എന്ന സിനിമയും 2022 മാര്‍ച്ചില്‍ റിലീസ് ചെയ്ത സല്യൂട്ട് എന്ന ചിത്രവും റോഷന്‍ ആന്‍ഡ്രൂസ് സംവിധാനം ചെയ്തിരുന്നു. കഴിഞ്ഞ വര്‍ഷം പുറത്തിറങ്ങിയ കനകം കാമിനി കലഹത്തിന് ശേഷം തുറമുഖം എന്ന സിനിമയാണ് നിവിന്‍ പോളിയുടേതായി വരാനിരിക്കുന്നത്.
Recommended Video
