മൂന്നര മാസം കൊണ്ട് പത്ത് കിലോ, വണ്ണം കൂട്ടിയതിന് കാരണം, മനസുതുറന്ന് ഇഷാനി കൃഷ്ണ

40 കിലോയില്‍ നിന്നും 50 കിലോയിലേക്കാണ് ഇഷാനി കൃഷ്ണ ശരീരഭാരം കൂട്ടിയത്. അതേസമയം വണ്ണം കൂട്ടിയതിനെ കുറിച്ച് വനിതയ്ക്ക് നല്‍കിയ അഭിമുഖത്തിലാണ് ഇഷാനി മനസുതുറന്നത്. 'മെലിഞ്ഞ ശരീര പ്രകൃതമുളള ആളാണ് താനെന്നും ഇനിയും മെലിഞ്ഞാല്‍ കാണാതാകും, അതുകൊണ്ട് കുറച്ചുകൂടി വണ്ണം ആകാം എന്ന് പലപ്പോഴും തോന്നിയിട്ടുണ്ടെന്ന്' ഇഷാനി പറഞ്ഞു.

'കൈകള്‍ തീര മെലിഞ്ഞിട്ടായിരുന്നു. കൈകള്‍ക്ക് വണ്ണം വെയ്ക്കാനാണ് കൂടുതല്‍ പാട്. വണ്ണം വെച്ചാല്‍ ആദ്യം കാണുന്നത് മുഖത്തോ വയറിലോ ആകും. അവിടെയാണ് ഫാറ്റ് വേണ്ടാത്താതും. കഴിഞ്ഞ ലോക്ഡൗണിന് മുന്‍പാണ് താന്‍ ഇതേകുറിച്ച് കാര്യമായി ശ്രമിച്ചുതുടങ്ങിയതെന്നും' ഇഷാനി പറഞ്ഞു. 'മാര്‍ച്ച് അവസാനം ഒരു ജിമ്മില്‍ ജോയിന്‍ ചെയ്തു. വീട്ടിലെ വര്‍ക്കൗട്ട് കൊണ്ട് ഗുണമുണ്ടായില്ല. സീരിയസായി വണ്ണം വെയ്ക്കാന്‍ ആഗ്രഹമുളള കൂട്ടിത്തലാണോ എന്ന് ട്രെയിനര്‍ അന്ന് ചോദിച്ചു'.

'അതെ എന്ന് ഞാന്‍ പറഞ്ഞപ്പോഴാണ് വര്‍ക്കൗട്ടിനൊപ്പം ഒരു ഡയറ്റും പറഞ്ഞുതന്നത്. ശരീരഭാരം വര്‍ദ്ധിപ്പിക്കാന്‍ വ്യായാമം വളരെ കുറച്ചെ സഹായിക്കൂളളു. ഭക്ഷണത്തിലാണ് ബാക്കി. 70 ശതമാനവും ഭക്ഷണമാണ് സഹായിക്കുക. ഡയറ്റ് തുടങ്ങിയ ശേഷമാണ് എന്താണ് ഭക്ഷണത്തിന് കഴിക്കേണ്ട അളവ് എന്ന് ശരിക്കും മനസിലായതെന്നും' ഇഷാനി പറഞ്ഞു.

'ജീവിതത്തില്‍ മുന്‍പ് ഇത്രയും ഭക്ഷണം കഴിച്ചിട്ടില്ല. ഞാന്‍ കഴിക്കുന്നതു കണ്ട് 'നീ മരിച്ചുപോകില്ലെ' എന്ന് പലരും ചോദിച്ചു. മൂന്ന് നേരമാണ് ഭക്ഷണം കഴിക്കുക. അത്രയധികം കഴിക്കും. കഴിക്കുമ്പോഴെല്ലാം വാരിക്കോരി കഴിച്ചു. ഭക്ഷണം കഴിച്ചാല്‍ 3 മണിക്കൂര്‍ വരെയൊക്കെ കിടക്കും. അനങ്ങാന്‍ പറ്റില്ല. പതിയെ പതിയെ കാര്യങ്ങള്‍ ശരിയായി', താരപുത്രി പറയുന്നു.

Recommended Video

എന്റമ്മോ..ഇക്കയെ കണ്ട് മുട്ടുവിറച്ചു | Ishaani and Mammootty | Filmibeat Malayalam

'വര്‍ക്കൗട്ടു തുടര്‍ന്നു. ലോക്ഡൗണില്‍ ട്രെയിനറുടെ നിര്‍ദ്ദേശമനുസരിച്ച് വീട്ടിലായിരുന്നു വര്‍ക്കൗട്ട്. മൂന്നര മാസം കൊണ്ട് പത്ത് കിലോ കൂടി. ഇത് അത്ര എളുപ്പമുളള കാര്യമല്ലെന്നും' ഇഷാനി പറഞ്ഞു. 'ഇപ്പോള്‍ ഉദ്ദേശിച്ച ബോഡി വെയിറ്റ് കിട്ടി. ശരീര ഭാരം കൂട്ടുന്നെങ്കില്‍ അത് ആരോഗ്യകരമായ രീതിയിലാകണം എന്നും' താരപുത്രി അറിയിച്ചു.