ഹോം

വാർത്ത

കോളിവുഡിലെ താരദമ്പതിമാരില്‍ മുന്‍നിരയിലാണ് അജിത്-ശാലിനി ജോഡിയുടെ സ്ഥാനം. ഫാമിലി മാന്‍ എന്നാണ് അജിത്തിനെ വിശേഷിപ്പിക്കുന്നതുതന്നെ. ശാലിനിയാണെങ്കില്‍ ബാലതാരമായകാലത്ത് സിനിമ അടക്കിഭരിച്ചയാളാണ്. പിന്നീട് നായികയായി തിരിച്ചെത്തിയ ശാലിനി വിവാഹത്തോടെ അഭിനയം വിടുകയായിരുന്നു.

സിനിമികളുടെയും യാത്രാകമ്പത്തിന്റെയും ഇടയില്‍ കുടുംബത്തിനായി സമയം നീക്കിവെയ്ക്കാന്‍ അജിത്ത് ഒരിക്കലും മറക്കാറില്ല. എല്ലാവര്‍ഷവും എങ്ങോട്ടെങ്കിലും അവധിക്കാലം ആഘോഷിക്കാന്‍ പോകുന്നതും അജിത്തിന്റെ പതിവാണ്. ഇത്തവണത്തെ ക്രിസ്മസ് ആഘോഷത്തിനായി അജിത്തും ശാലിനിയും മകളുംകൂടി ആസ്‌ത്രേലിയയിലേയ്ക്കാണ് യാത്ര പ്ലാന്‍ ചെയ്തിരിക്കുന്നത്.

പുതുവത്സരാഘോഷവും കൂടി കഴിഞ്ഞശേഷമേ ഇവര്‍ തിരിച്ചെത്തുകയുള്ളു. ഡിസംബര്‍ 20ന് ഇവര്‍ യാത്രതിരിക്കുമെന്നാണ് സൂചന. 2013 അജിത്തിനെ സംബന്ധിച്ച് തിരക്കേറിയ വര്‍ഷമായിരുന്നു. പലചിത്രങ്ങളുടെയും ലൊക്കേഷനുകള്‍ക്കിയിലുള്ള യാത്രയിലായിരുന്നു പലസമയത്തും അജിത്ത്. അതുകൊണ്ടുതന്നെയാണേ്രത ഇത്തവണ വിദേശത്ത് ഒരു നീണ്ട വെക്കേഷന്‍ ആയിക്കളയാമെന്ന് അജിത്തും ശാലിനിയും തീരുമാനിച്ചത്.

2014 ജനുവരിയിലാണ് അജിത്തിന്റെ പുതിയ ചിത്രമായ വീരം പ്രദര്‍ശനത്തിനെത്തുന്നത്. ഏറ്റവും ഒടുവില്‍ ഇറങ്ങിയ ചിത്രമായ ആരംഭവും മോശമല്ലാത്ത പ്രതികരണം നേടിയചിത്രമാണ്. വീരത്തിന് അജിത്ത് 20കോടിയാണ് പ്രതിഫലം വാങ്ങിയിരിക്കുന്നതെന്നാണ് കോടമ്പാക്കത്തെ സംസാരം.