ഫോണെടുക്കാനെന്താ ഇത്രയും താമസം, എടുത്താല്‍ എടുത്തു, ഇല്ലേ ഇല്ല

കഥാപാത്രം ഏതാണെന്ന് നോക്കാറില്ല

കഥാപാത്രത്തിന്റെ പ്രാധാന്യം ഞാന്‍ നോക്കാറില്ല. സൗഹൃദത്തിന്റെ പേരിലാണ് പലരും സിനിമയില്‍ അഭിനയിക്കുമോ എന്ന് ചോദിക്കുന്നത്. അതുക്കൊണ്ട് കഥാപാത്രം ഏതാണെന്ന് നോക്കാതെ പോയി അഭിനയിക്കും. കഥാപാത്രം ചെറുതാണെങ്കിലും വലുതാണെങ്കിലും. അജു വര്‍ഗീസ് പറയുന്നു.

നല്ല വേഷം ഇല്ല, പിന്നെ എന്തു ചെയ്യും

നല്ല വേഷങ്ങള്‍ ലഭിക്കുന്നില്ല. പിന്നെ എന്തു ചെയ്യാന്‍ പറ്റും. എന്റെ സാന്നിധ്യമുണ്ടെങ്കില്‍ സിനിമ വിജയിക്കുമെന്ന് തോന്നി ഏതെങ്കിലും പ്രൊഡ്യൂസര്‍ വിളിച്ചാലും താന്‍ പോകും. ഞാന്‍ കാരണം ഒരു പ്രൊഡ്യൂസര്‍ക്ക് ഗുണമാണുണ്ടാകുന്നതെങ്കില്‍ എനിക്ക് സന്തോഷം തന്നെ-അജു വര്‍ഗീസ് പറയുന്നു.

വെള്ളിമൂങ്ങയിലേക്ക് വന്നത്

സൗഹൃദത്തിന്റെ പേരിലാണ് വെള്ളിമൂങ്ങയില്‍ അഭിനയിക്കാന്‍ തന്നെ ജിബുവേട്ടന്‍(ജിബു ജേക്കബ്) വിളിക്കുന്നത്. അഭിനയത്തിന്റെ കാര്യത്തില്‍ തനിക്ക് ഏറെ ആത്മവിശ്വാസം തോന്നിയ ചിത്രമാണ് വെള്ളിമൂങ്ങ. അജു വര്‍ഗീസ് പറഞ്ഞു.

ഫോണെടുക്കില്ലെന്നോ

അതെ വിളിച്ചാല്‍ ഞാന്‍ ഫോണെടുക്കാറില്ല, അത് ആരാണെങ്കിലും. വിളിക്കുന്നവരൊക്കെ പലതരത്തിലുള്ളവരാണ്. അവരോടൊക്കെ സംസാരിച്ച് സമയം കളയാന്‍ പറ്റില്ല. പക്ഷേ മെസേജ് അയച്ചാല്‍ മറുപടി കൊടുക്കുമെന്ന് അജു പറയുന്നു.