Don't Miss!
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- News അശാന്തിയുടെ താഴ്വരയായി പശ്ചിമേഷ്യ; തുറന്ന യുദ്ധം അകലെയല്ല, ഇറാഖിലെ ആക്രമണം നൽകുന്ന സന്ദേശം എന്ത്?
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മോഹന്ലാലിന്റെ ബോക്സോഫീസ് റെക്കോര്ഡ് അന്നേ പ്രവചിച്ച് അജു വര്ഗീസ്! ഇതൊക്കെ എന്ത് എന്ന് താരം! കാണൂ
പ്രേക്ഷകര്ക്ക് ഏറെ പ്രിയപ്പെട്ട താരങ്ങളായ മോഹന്ലാലും പൃഥ്വിരാജും ഒരുമിച്ചെത്തുമെന്ന് അറിയിച്ചപ്പോള് മുതല് പ്രേക്ഷകര് ഈ ചിത്രത്തിനൊപ്പമായിരുന്നു. നീണ്ട നാളത്തെ കാത്തിരിപ്പിനൊടുവിലാണ് ഈ സിനിമ പ്രേക്ഷകര്ക്ക് മുന്നിലേക്കെത്തിയത്. മഞ്ജു വാര്യര്, ടൊവിനോ തോമസ്, മോഹന്ലാല് എന്നിവരുടെ കരിയറിലെ തന്നെ എക്കാലത്തെയും മികച്ച പ്രകടനവുമായാണ് സിനിമയെത്തിയത്. സിനിമയ്ക്ക് രണ്ടാം ഭാഗമൊരുക്കണമെന്ന ആവശ്യവുമായാണ് ഇപ്പോള് പ്രേക്ഷകരെത്തിയിട്ടുള്ളത്. മുരളി ഗോപിയുടെ പോസ്റ്റിന് പിന്നാലെയായി ഇത്തരത്തിലുള്ള ചര്ച്ചകള് സജീവമായിക്കൊണ്ടിരിക്കുകയാണ്. രണ്ടാം ഭാഗത്തിനുള്ള സാധ്യതയും അവശേഷിപ്പിച്ചാണ് ലൂസിഫര് അവസാനിച്ചത്.
മോഹന്ലാലിന്റെ കൊലകൊല്ലി വരവില് ബോക്സോഫീസും കുലുങ്ങി! ലൂസിഫര് കലക്ഷന് ഇങ്ങനെ! കാണൂ!
ബോക്സോഫീസിലെ സകല റെക്കോര്ഡുകളും സിനിമ തിരുത്തുമെന്നുള്ള വിലയിരുത്തല് നേരത്തെ തന്നെ പുറത്തുവന്നിരുന്നു. കേരളത്തില് മാത്രമല്ല വിദേശത്തുനിന്നും സിനിമയ്ക്ക് ഗംഭീര പ്രതികരണമാണ് ലഭിച്ചുകൊണ്ടിരിക്കുന്നത്. മൂന്ന് ദിവസത്തിനുള്ളില് 50 കോടി എന്ന നേട്ടവും സ്വന്തമാക്കിയാണ് സിനിമ കുതിക്കുന്നത്. 10 ദിവസത്തിനുള്ളില് 100 കോടി എന്ന പ്രവചനം നേരത്തെ തന്നെ പുറത്തുവന്നിരുന്നു. നാല് ദിവസത്തിനുള്ളില് സിനിമയ്ക്ക് 54.87 കോടിയാണ് ലഭിച്ചതെന്നുള്ള റിപ്പോര്ട്ടുകളും പുറത്തുവന്നിരുന്നു. ബോക്സോഫീസിലെ സകലമാന റെക്കോര്ഡുകളും ചിത്രത്തിനായി വഴിമാറുമെന്ന തരത്തിലുള്ള വിലയിരുത്തകള് അതേ പോലെ ശരിയാവുകയാണ്.
ആര്ക്കും അറിയാത്ത സ്റ്റീഫന് നെടുമ്പള്ളിയുടെ മുഖവുമായി ലൂസിഫറിന് രണ്ടാം ഭാഗം? ഒപ്പം സെയ്ദ് മസൂദും?
അജു വര്ഗീസിന്രെ പോസ്റ്റ്
സോഷ്യല് മീഡിയയില് സജീവമായ താരങ്ങളിലൊരാളാണ് അജു വര്ഗീസ്. വിനീത് ശ്രീനിവാസന് ചിത്രമായ മലര്വാടി ആര്ട്സ് ക്ലബിലൂടെയാണ് ഈ താരം സിനിമയില് തുടക്കം കുറിച്ചത്. കുട്ടു എന്ന കഥാപാത്രത്തെയായിരുന്നു അവതരിപ്പിച്ചത്. വ്യത്യസ്തമായ കഥാപാത്രങ്ങളുമായി മുന്നേറുന്ന താരം വിശേഷങ്ങളൊക്കെ സോഷ്യല് മീഡിയയിലൂടെ പങ്കുവെക്കാറുണ്ട്. മോഹന്ലാലും മമ്മൂട്ടിയും ദിലീപുമുള്പ്പടെയുള്ള താരങ്ങള്ക്കൊപ്പമെല്ലാം അഭിനയിക്കാനുള്ള അവസരം ഈ താരത്തിന് ലഭിച്ചിരുന്നു. അജുവിന്റെ പഴയ പോസ്റ്റിനെക്കുറിച്ചാണ് ഇപ്പോള് സോഷ്യല് മീഡിയ ചര്ച്ച ചെയ്യുന്നത്.
പ്രഖ്യാപനവേളയില്
ലൂസിഫറിന്റെ പ്രഖ്യാപനവേളയില് പോസ്റ്റ് ചെയ്ത ചിത്രങ്ങള് സോഷ്യല് മീഡിയയിലൂടെ വൈറലായിരുന്നു. മോഹന്ലാല്, ആന്റണി പെരുമ്പാവൂര്, മുരളി ഗോപി, പൃഥ്വിരാജ് എന്നിവര് ഒരുമിച്ചുള്ള ചിത്രങ്ങളായിരുന്നു അന്ന് സോഷ്യല് മീഡിയയിലൂടെ പ്രചരിച്ചത്. ടിയാന് എന്ന സിനിമയുടെ ചിത്രീകരണത്തിനിടയില് മോഹന്ലാലിനെ കാണാന് പോയതിനെക്കുറിച്ചും സിനിമയുടെ കഥയെക്കുറിച്ച് തീരുമാനിച്ചതിനെക്കുറിച്ചുമൊക്കെ പൃഥ്വിരാജ് തുറന്നുപറഞ്ഞിരുന്നു. ഇവരുടെ ചിത്രത്തിന് അന്ന് അജു വര്ഗീസ് നല്കിയ ക്യപ്ഷന് ആര് ഐപി ബോക്സോഫീസ് എന്നായിരുന്നു.
ഒരു വര്ഷമായപ്പോള്
അന്നത്തെ പോസ്റ്റ് കൃത്യം ഒരു വര്ഷമായപ്പോള് അതേ പോലെ തന്നെ സംഭവിച്ചിരിക്കുകയാണ്. കാത്തിരിപ്പിന് വിരാമമിട്ട് മാര്ച്ച് 28നായിരുന്നു ലൂസിഫര് കേരളക്കരയില് അവതരിച്ചത്. റിലീസ് ദിനം മുതല്ത്തന്നെ മികച്ച പ്രതികരണവും നിറഞ്ഞ കൈയ്യടിയും സ്വീകാര്യതയുമൊക്കെയായിരുന്നു സിനിമയ്ക്ക് ലഭിച്ചത്. അഞ്ചാം ദിനത്തിലും അതേ കാഴ്ച തന്നെയാണ് കാണുന്നത്. ബോക്സോഫീസിലെ സകല റെക്കോര്ഡുകളേയും അസ്ഥാനത്താക്കിയാണ് ചിത്രം കുതിക്കുന്നത്.
ട്രോളര്മാരുടെ സ്വന്തം താരം
ട്രോളര്മാരുടെ സ്വന്തം താരം കൂടിയാണ് അജു വര്ഗീസ്. സോഷ്യല് മീഡിയയിലൂടെ നിരവധി തവണ പൊങ്കാല ഏറ്റുവാങ്ങിയിട്ടുണ്ട് ഈ താരം. എന്നാല് ഇപ്പോള് ട്രോളര്മാരും അദ്ദേഹത്തിന്രെ പ്രവചനത്തിന് മുന്നില് കീഴടങ്ങിയിരിക്കുകയാണ്. അന്ന് പറഞ്ഞ കാര്യം അതേ പോലെ തന്നെ സംഭവിച്ചിരിക്കുകയാണ് ഇപ്പോള്.
ഇതൊക്കെ എന്ത്
അജു വര്ഗീസിന്രെ പഴയ പോസ്റ്റ് വൈറലായി മാറിക്കൊണ്ടിരിക്കുകയാണ് ഇപ്പോള്. അന്നത്തെ പോസ്റ്റിവ് വന്ന ട്രോളും അദ്ദേഹം പോസ്റ്റ് ചെയ്തിട്ടുണ്ട്. അടുത്ത പ്രവചനത്തിനായി കാത്തിരിക്കുകയാണ് തങ്ങളെന്നാണ് ആരാധകരും പറയുന്നത്. ഇത്തരത്തിലുള്ള പ്രവചനങ്ങള് നേരത്തെ തന്നെ പുറത്തുവന്നിരുന്നുവെങ്കിലും ഇത്ര കൃത്യമായി എങ്ങനെ പ്രവചിച്ചുവെന്നാണ് ആരാധകര് താരത്തോട് ചോദിക്കുന്നത്.
പോസ്റ്റ് കാണാം
അജു വര്ഗീസിന്രെ പോസ്റ്റ് കാണാം.