നടി അമല പോൾ രണ്ടാമതും വിവാഹിതയായി? നടിയുടെ വിവാഹ ചിത്രങ്ങൾ പുറത്ത്

തനിക്ക് ജീവിതത്തില്‍ ഒരു പ്രിയപ്പെട്ട കൂട്ടുകാരന്‍ ഉണ്ടെന്നുള്ള കാര്യം നിരവധി അഭിമുഖങ്ങളില്‍ അമല വെളിപ്പെടുത്തിയിട്ടുണ്ട്. കഴിഞ്ഞ വര്‍ഷം റിലീസിനെത്തിയ ആടൈ എന്ന സിനിമയുടെ പ്രമോഷനിടെ 'ഉപാധികളില്ലാതെ സ്‌നേഹിക്കാന്‍ കഴിയുമെന്ന് അദ്ദേഹം എനിക്ക് കാണിച്ച് തന്നുവെന്നും എനിക്കായി സമയം ചെലവഴിക്കാന്‍ സ്വന്തം ജോലിയും കരിയറും ത്യജിച്ചുവെന്നുമെല്ലാം അമല പറഞ്ഞിരുന്നു. എന്നാല്‍ അത് ആരാണെന്ന് മാത്രം പറഞ്ഞിരുന്നില്ല. ഒടുവില്‍ ഹോളി ആഘോഷങ്ങളുടെ ഭാഗമായി അമല പങ്കുവെച്ച ചിത്രങ്ങളില്‍ സുഹൃത്തുമുണ്ടായിരുന്നു.

പിന്നാലെ അമല പറഞ്ഞിരുന്ന ആ പ്രണയ നായകന്‍ ഭവ്‌നിന്ദറാണെന്ന് വാര്‍ത്തകള്‍ പ്രചരിച്ചു. ഇപ്പോള്‍ വിവാഹത്തിന്റെതായി നിരവധി ഫോട്ടോസ് പുറത്ത് വന്നു. അമലയുടെ നെറ്റിയില്‍ സിന്ദുരം ചാര്‍ത്തുന്നതും പരസ്പരം കൈകോര്‍ത്ത് നടന്ന് പോകുന്നതും ചുംബിക്കുന്നതുമടക്കം വെറൈറ്റി ചിത്രങ്ങളാണ് പ്രചരിക്കുന്നത്. ഫോട്ടോ വൈറലായതോടെ വിവാഹക്കാര്യം കാട്ടൂതീ പോലെ പടര്‍ന്നു. ഇനി നടി തന്നെ വിശേഷങ്ങള്‍ ആരാധകരെ അറിയിക്കുമെന്നാണ് കരുതുന്നത്.

അമലയുടേത് ഇത് രണ്ടാം വിവാഹമായിരുന്നു. നേരത്തെ തമിഴ് സംവിധായകന്‍ എഎല്‍ വിജയിയും അമലയും വിവാഹിതരാവുകയും ആ ബന്ധം വേര്‍പിരിയുകയും ചെയ്തിരുന്നു. 2011 ല്‍ വിജയ് സംവിധാനം ചെയ്ത് അമല പോള്‍ നായികയായ ദൈവ തിരുമകള്‍ എന്ന സിനിമയുടെ ലൊക്കേഷനില്‍ നിന്നുമായിരുന്നു ഇരുവരും അടുപ്പത്തിലാകുന്നത്. ശേഷം ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരാവുന്നത്. 2014 ല്‍ അമലയും വിജയും വിവാഹതിരായി. ഹിന്ദു-ക്രിസ്ത്യന്‍ ആചാരപ്രകാരമായിരുന്നു വിവാഹം.

രണ്ട് വര്‍ഷം മാത്രമേ ഈ ബന്ധം മുന്നോട്ട് പോയോള്ളു. 2016 ല്‍ ഇരുവരും വേര്‍പിരിയുകയാണെന്ന് പറഞ്ഞു. 2017 ല്‍ നിയമപരമായി ബന്ധം അവസാനിപ്പിക്കുകയും ചെയ്തു. കഴിഞ്ഞ വര്‍ഷം എഎല്‍ വിജയ് മറ്റൊരു വിവാഹം കഴിച്ചിരുന്നു. വിവാഹബന്ധം വേര്‍പ്പെടുത്തിയതിന് ശേഷം സിനിമയില്‍ സജീവമായി തുടരുകയായിരുന്നു അമല.