ബോക്‌സോഫീസില്‍ ലൂസിഫറിന്റെ വിജയക്കുതിപ്പ് തുടരുന്നു! സിനിമ റെക്കോര്‍ഡ് തുകയ്ക്ക് ആമസോണിന്

ലൂസിഫറിന്റെ വിജയം

മലയാളത്തിലെ സര്‍വ്വകാല റെക്കോര്‍ഡുകളെല്ലാം തകര്‍ത്തുളള ലൂസിഫറിന്റെ വിജയം അണിയറ പ്രവര്‍ത്തകരെല്ലാം ആഘോഷിച്ചുകൊണ്ടിരിക്കുകയാണ്. 150 കോടി ക്ലബില്‍ കടന്ന സിനിമ പുലിമുരുകനെയും മറികടന്നുകൊണ്ടായിരുന്നു മുന്നേറിയിരുന്നത്. പുലിമുരുകന്‍ പുറത്തിറങ്ങി രണ്ട് വര്‍ഷത്തിന് ശേഷമാണ് ലൂസിഫര്‍ ചിത്രത്തിന്റെ റെക്കോര്‍ഡിനൊപ്പം എത്തിയിരുന്നത്. തിയ്യേറ്റര്‍ പ്രദര്‍ശനങ്ങളുടെ കാര്യത്തിലും മോഹന്‍ലാല്‍ ചിത്രം മുന്നിലെത്തിയിരുന്നു.

ഡിജിറ്റല്‍ സ്ട്രീംമിംഗ് അവകാശം

ലൂസിഫറിന്റെ ഡിജിറ്റല്‍ സ്ട്രീംമിംഗ് അവകാശം ആമസോണ്‍ സ്വന്തമാക്കിയതായിട്ടാണ് സമൂഹ മാധ്യമങ്ങളില്‍ റിപ്പോര്‍ട്ടുകള്‍ വന്നിരുന്നത്. ഏകദേശം 13.5 കോടിയോളം രൂപയ്ക്ക് ലൂസിഫര്‍ ഡിജിറ്റല്‍ റൈറ്റ്‌സ് ആമസോണ്‍ നേടിയതായി റിപ്പോര്‍ട്ടുകള്‍ സൂചിപ്പിക്കുന്നു. ഇത് മലയാള സിനിമയിലെ തന്നെ സര്‍വ്വകാല റെക്കോര്‍ഡാണെന്നും അറിയുന്നു.

നൂറിലധികം തിയ്യേറ്ററുകളിലാണ്

അമ്പതാം ദിവസത്തിലേക്ക് എത്തുമ്പോഴും നൂറിലധികം തിയ്യേറ്ററുകളിലാണ് സിനിമ പ്രദര്‍ശിപ്പിച്ചുകൊണ്ടിരിക്കുന്നത്. ലോകമെമ്പാടുനിന്നും 40000 ഷോകള്‍ സിനിമ നേരത്തെ പൂര്‍ത്തിയാക്കിയിരുന്നു. കേരളത്തില്‍ നിന്നും മാത്രമായി 27000ത്തിലധികം പ്രദര്‍ശനങ്ങളും ലൂസിഫറിന് ലഭിച്ചു. 100കോടി നേടുന്ന രണ്ടാമത്തെ മോഹന്‍ലാല്‍ ചിത്രമായിട്ടാണ് ലൂസിഫര്‍ മാറിയിരുന്നത്.

കേരളത്തിലും വിദേശരാജ്യങ്ങളിലും

കേരളത്തിലും വിദേശരാജ്യങ്ങളിലും ഒരേസമയം റിലീസ് ചെയ്തതുകൊണ്ടായിരുന്നു ലൂസിഫറിന്റെ കളക്ഷനില്‍ കാര്യമായ നേട്ടമുണ്ടായിരുന്നത്. ഒടിയനു ശേഷം മോഹന്‍ലാലിന്റ വമ്പന്‍ റിലീസായി എത്തിയ സിനിമ കൂടിയായിരുന്നു ലൂസിഫര്‍. പൃഥ്വിരാജ് സുകുമാരന്റെ ആദ്യ സംവിധാന സംരഭമെന്ന നിലയിലും ലൂസിഫറിന് മികച്ച പ്രേക്ഷക സ്വീകാര്യത തന്നെ ലഭിക്കുകയുണ്ടായി