മോഹൻലാലോ മമ്മൂട്ടിയോ അല്ല അമ്മ യോഗത്തിലെ താരം! ഞെട്ടിച്ചത് ഊർമിള ഉണ്ണി, യോഗത്തിൽ സംഭവിച്ചത്

യോഗത്തിൽ ഞെട്ടിച്ചത് ഊർമിള ഉണ്ണി

പുതിയ ജനറൽ ബോഡി യോഗത്തിന്റെ തുടക്കത്തിൽ ആരും ദിലീപിന്റെ മടങ്ങി വരവിനെ കുറിച്ച് സംസാരിച്ചിരുന്നില്ല. എന്നാൽ നടി ഊർമിള ഉണ്ണിയാണ് ദിലിപിനെ അമ്മയിലേയ്ക്ക് മടക്കി കൊണ്ടു വരണം എന്നുള്ള ആവശ്യം ആദ്യം ഉന്നയിച്ചത്. തുടർന്നാണ് ഇതിനെ കുറിച്ചുളള ചർച്ചകൾ ആരംഭിച്ചത്. വനിതകൾ ഉൾപ്പെടെയുള്ള ഭൂരിഭാഗം താരങ്ങളും ദിലീപിനെ പിന്തുണച്ചായിരുന്നു സംസാരിച്ചത്.

ദിലീപിനു വേണ്ടി താരങ്ങൾ

ദിലീപിനെ തിരികെ അമ്മയിലേയ്ക്ക് കൊണ്ടു വരാൻ താരങ്ങളുടെ ഭാഗത്ത് നിന്നുളള മുറവിളി ഉയരുകയാണ്. ജൂൺ 24 ന് ചേർന്ന് അമ്മയോഗത്തിൽ ഭൂരിഭാഗം പേരും ദിലീപിനെ അനുകൂലിച്ചായിരുന്നു സംസാരിച്ചത്. ദിലീപിനെ സംഘടനയില്‍ നിന്ന് പുറത്താക്കിയത് നിയമപരമല്ലാതെയായിരുന്നെന്ന് ഇടവേള ബാബു അഭിപ്രായപ്പെട്ടിരുന്നു. ഇതിനെ പിന്തുണച്ച് ഭൂരിഭാഗം താരങ്ങളും രംഗത്തെത്തിയിരുന്നു.

നിയമപരമായി നേരിടാം

ദിലീപിനെ അന്ന് അമ്മയിൽ നിന്ന് പുറത്താക്കിയത് അദ്ദേഹത്തിനോട് വിശദീകരണം ചോദിക്കാതെയായിരുന്നെന്നു. . അമ്മയുടെ നടപടിയ്ക്കെതിരെ ദിലീപിന് കോടതിയെ സമീപിക്കാമായിരുന്നു. എന്നാൽ അങ്ങനെ ചെയ്യാതിരുന്നത് ആശ്വാസകരമായെന്ന് സിദ്ധിഖ് അഭിപ്രായപ്പെട്ടു. പുറത്താക്കലിനെതിരെ ദിലീപ് നിയപരമായി നീങ്ങിയിരുന്നെങ്കിൽ കഥ മറ്റൊന്നായേനെയെന്നും സിദ്ധിഖ് കൂട്ടിച്ചേർത്തു. അതേസമയം മമ്മൂട്ടിയോ മോഹൻലാലോ ദിലീപിനെ അനുകൂലിച്ചോ പ്രതികൂലിച്ചോ സംസാരിച്ചിരുന്നില്ല.തോടെയാണ് ദിലീപിനെ വീണ്ടും അമ്മയിലേയ്ക്ക് തിരിച്ചെടുക്കാൻ ധാരണയായത്.

ദിലീപിന്റെ താൽപര്യം

2017 ഓഗസ്റ്റ് 11 നാണ് ദിലീപിനെ അമ്മയിൽ നിന്ന് പുറത്താക്കിയത്. പുറത്താക്കൽ കഴിഞ്ഞ് 1 വർഷം പോലും തികയുന്നതിനും മുൻപാണ് താരത്തിനെ വീണ്ടും തിരിച്ചെടുക്കുന്നത്. എന്നാൽ സംഘടനയിൽ എതിർപ്പില്ലെങ്കിലും തീരുമാനം പറയേണ്ട്ത് ദിലീപാണ്. അദ്ദേഹത്തിന് താൽപര്യമുണ്ടെങ്കിൽ മാത്രമേ വീണ്ടും അമ്മയിലെ അംഗമാകാൻ സാധിക്കുകയുള്ളൂ.