മലയാളത്തിലെ കട്ടലോക്കല്‍ 'അങ്കമാലി ഡയറീസ്' ഇനി തെലുങ്കില്‍!!! വിജയം ആവര്‍ത്തിക്കുമോ???

പുതുമുഖ ചിത്രം

ഒന്നും രണ്ടുമല്ല 86 പുതുമുഖങ്ങളെ കഥാപാത്രങ്ങളാക്കി ഒരുക്കിയ ചിത്രമാണ് അങ്കമാലി ഡയറീസ്. അണിയറയില്‍ പുതുമുഖങ്ങളെ അവതരിപ്പിക്കാറുള്ള ഫ്രൈഡേ ഫിലിംസാണ് പൂര്‍ണമായും പുതുമുഖങ്ങളെ അണിനിരത്തിയ ചിത്രം നിര്‍മിച്ചിരിക്കുന്നത്.

നടനില്‍ നിന്ന് തിരക്കഥാകൃത്തിലേക്ക്

നടനായി തിളങ്ങിയ ചെമ്പന്‍ വിനോദ് ആദ്യമായി തിരക്കഥ ഒരുക്കിയ ചിത്രമായിരുന്നു അങ്കമാലി ഡയറീസ്. ചിത്രം സംവിധാനം ചെയ്തത് ലിജോ ജോസ് പല്ലിശേരിയായിരുന്നു. ഇരുവരും അങ്കമാലി സ്വദേശികളാണെന്ന് ചിത്രത്തിന് കൂടുതല്‍ സ്വാഭാവികത നല്‍കി.

തെലുങ്കിലും പുതുമുഖങ്ങള്‍

മലയാളത്തില്‍ 86 പുതുമുഖങ്ങളെ അണിനിരത്തിയ ചിത്രം തെലുങ്കിലേക്ക് എത്തുമ്പോള്‍ 80 പേരും പുതുമുഖങ്ങളാണ്. മലയാളത്തില്‍ ഉണ്ടായതുപോലെ പുതുമുഖങ്ങളെ വച്ചൊരു വിപ്ലവം തെലുങ്കിലും സൃഷ്ടിക്കാന്‍ കഴിയുമെന്നാണ് അണിയറ പ്രവര്‍ത്തകരുടെ പ്രതീക്ഷ.

വിന്‍സെന്റ് പെപ്പെ

അങ്കമാലി ഡയറീസിലെ നായകനായി വിന്‍സെന്റ് പെപ്പെ എന്ന കഥാപാത്രത്തെ മലയാളത്തില്‍ അവതരിപ്പിച്ചത് ആന്റണി വര്‍ഗീസ് ആയിരുന്നു. തെലുങ്കില്‍ വിന്‍സെന്റ് പെപ്പെ ആകുന്നത് വിശ്വക് സെന്‍ ആണ്. ആന്റണിയേപ്പോലെ പുതുമുമല്ല വിശ്വക് സെന്‍.

പുതിയ ദൃശ്യാനുഭവം

തെലുങ്ക് പ്രേക്ഷകര്‍ മലയാളികളേപ്പോലെ തന്നെ ഗഹന ശേഷിയുള്ളവരാണ്. അതുകൊണ്ട് തന്നെ ചിത്രത്തെ തെലുങ്ക് പ്രേക്ഷകര്‍ സ്വീകരിക്കും. അവര്‍ക്കിതൊരു പുതിയ ദൃശ്യാനുഭവമായിരിക്കുമെന്നാണ് പ്രതീക്ഷിക്കുന്നതെന്നും ചിത്രത്തിലെ നായകനായ വിശ്വക് പറഞ്ഞു.

അണിയറ പ്രവര്‍ത്തകര്‍

80 പുതുമുഖങ്ങളെ അവതരിപ്പിക്കുന്ന ഈ ചിത്രം നിര്‍മിക്കുന്നത് വന്മയെ പ്രൊഡക്ഷന്‍സ് ആണ്. ഹൈദ്രബാദായിരിക്കും ചിത്രത്തിന്റെ പ്രധാന ലൊക്കേഷന്‍ എന്നാണ് പുറത്ത് വരുന്ന വിവരങ്ങള്‍. തെലുങ്ക് പതിപ്പിന്റെ സംവിധായകനേക്കുറിച്ചോ മറ്റ് സാങ്കേതിക പ്രവര്‍ത്തകരേക്കുറിച്ചോ വിവരങ്ങളൊന്നും പുറത്ത് വിട്ടിട്ടില്ല.