രണ്ട് നേരം ഭക്ഷണവും ഷട്ടിലും, മേക്കോവര്‍ രഹസ്യം പങ്കുവെച്ച് നടി അന്ന രാജന്‍

ലിച്ചിയുടെതായി അടുത്തിടെ പുറത്തിറങ്ങിയ മേക്കോവര്‍ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. പുതുച്ചേരിയില്‍ വെച്ചെടുത്ത മേക്കോവര്‍ ചിത്രങ്ങളായിരുന്നു നടിയുടെതായി തരംഗമായത്. അതേസമയം തന്റെ മേക്കോവറിനെ കുറിച്ച് മനോരമയ്ക്ക് നല്‍കിയ അഭിമുഖത്തില്‍ അന്ന മനസുതുറന്നിരുന്നു. ഭക്ഷണം രണ്ടുനേരം മാത്രമാണ് ഈ സമയത്ത് കഴിച്ചിരുന്നതെന്ന് നടി പറയുന്നു.

ഏറെ നേരം ഷട്ടിലും കളിച്ചിരുന്നു. മേക്ക് ഓവറിന് ശേഷമുളള ഫോട്ടോഷൂട്ട് പുതുച്ചേരിയില്‍ വെച്ചായിരുന്നു എന്നും നടി പറഞ്ഞു. ഒത്തിരി സന്തോഷം തോന്നിയ നിമിഷങ്ങളായിരുന്നു അത്. ലോക്ഡൗണ്‍ സമയത്ത് എന്തെങ്കിലും ചെയ്യണമെന്ന് ആഗ്രഹിച്ചിരുന്നു. പുറത്തൊന്നും പോകുന്നില്ല. എന്‍ഗേജ് ചെയ്യിക്കുന്ന ഒന്നും തന്നെയില്ല. അങ്ങനെയാണ് മേക്ക് ഓവറിനെ കുറിച്ച് ചിന്തിച്ചതെന്നും അന്ന പറഞ്ഞു.

അതേസമയം നാല് സിനിമകളാണ് അന്ന രാജന്‌റെതായി അണിയറയില്‍ ഒരുങ്ങിക്കൊണ്ടിരിക്കുന്നത്. ഇടുക്കി ബ്ലാസ്‌റ്റേഴ്‌സ്, തലനാരിഴ, രണ്ട് എന്നിവയെല്ലാം നടിയുടെതായി അണിയറയില്‍ ഒരുങ്ങുന്ന പുതിയ ചിത്രങ്ങളാണ്. സിനിമയില്‍ എത്തുന്നതിന് സ്വകാര്യ ആശുപത്രിയിലെ നേഴ്‌സ് ആയിരുന്നു താരം. പിന്നീട് അങ്കമാലി ഡയറീസില്‍ അവസരം ലഭിക്കുകയായിരുന്നു.

നാല് വര്‍ഷത്തെ കരിയറില്‍ പത്തിലധികം സിനിമകളിലാണ് നടി വേഷമിട്ടത്. മെഗാസ്റ്റാര്‍ മമ്മൂട്ടിക്കൊപ്പം മധുരരാജ എന്ന ചിത്രത്തിലും അന്ന അഭിനയിച്ചിരുന്നു. വൈശാഖിന്‌റെ സംവിധാനത്തില്‍ ഒരുങ്ങിയ ചിത്രത്തില്‍ ലിസി എന്ന റോളിലാണ് നടി അഭിനയിച്ചത്. മധുരരാജയിലെ അന്നയുടെ റോളും ശ്രദ്ധിക്കപ്പെട്ടു. മമ്മൂട്ടി ചിത്രം ബോക്‌സോഫീസില്‍ നിന്നും നൂറ് കോടി കളക്ഷന്‍ നേടിയിരുന്നു. മോഹന്‍ലാലിന്റെ നായികയായി വെളിപാടിന്റെ പുസ്തകം എന്ന ചിത്രത്തിലാണ് ലിച്ചി അഭിനയിച്ചത്.