പ്രചരിച്ച വാർത്ത വ്യാജം! പ്രിയതമന് ഹൃദയ സ്പർശിയായ പിറന്നാൾ ആശംസയുമായി നടി, കാണൂ

ഹൃദയസ്പർശിയായ പിറന്നാൾ ആശംസ

പിറന്നാളാശംസകള്‍...തിളങ്ങാനായി ജനിച്ചവനാണ് നിങ്ങള്‍. എന്നെന്നും നിന്റെ സൗന്ദര്യവും സ്വഭാവവും ഞാന്‍ മനസില്‍ സൂക്ഷിക്കും...ഒരുപാട് നല്ല കാര്യങ്ങള്‍ നിന്റെ വഴിയില്‍ വരാനിരിക്കുന്നു പ്രിയപ്പെട്ടവനേ...എനിക്ക് വിശ്വാസമുണ്ട്...എന്നും സ്‌നേഹം.. തങ്ങളൊന്നിച്ചുള്ള ചിത്രം പങ്കുവച്ചുകൊണ്ട് അനിഷ കുറിച്ചു. ഇരുവരുടേയും വിവാഹം മുടങ്ങി എന്നുള്ള വാർത്ത പ്രചരിക്കുമ്പോഴാണ് വിശാലിന് പിറന്നാൾ ആശംസയുമായി അനിഷ രംഗത്തെത്തുന്നത്.

നടൻ വിശാലിന്റേയും അനിഷയുടേയും വിവാഹം മുടങ്ങി എന്നുള്ള വാർത്തകൾ പ്രചരിച്ചിരുന്നു. ഏപ്രിലിലായിരുന്നു ഇവരുടെ വിവാഹ നിശ്ചയം നടന്നത്. ഒക്ടോബറിൽ വിവാഹമുണ്ടാകുമെന്നുള്ള വാർത്തയും പ്രചരിച്ചിരുന്നു. വിവാഹത്തിന് മാസങ്ങൾ മാത്രം ശേഷിക്കവെയാണ് വിവാഹം വേണ്ടെന്നു വെച്ചു എന്നുള്ള വാർത്തകൾ പ്രചരിച്ചത്. അനീഷ സോഷ്യൽ മീഡിയ അക്കൗണ്ടിൽ നിന്ന് ചിത്രങ്ങൾ നീക്കം ചെയ്തുവെന്നും വാർത്തകൾ പുറത്തു വന്നിരുന്നു. എന്നാൽ പ്രചരിച്ച വാർത്തകൾക്ക് മറുപടിയുമായി താരങ്ങൾ രംഗത്തെത്തിയിരുന്നില്ല.

ഒരു സിനിമാ സെറ്റിൽവെച്ചാണ് ഇരുവരും കണ്ടുമുട്ടുന്നത്. പരിചയം സൗഹൃദമായി മാറുകയും ആ സൗഹൃദം പ്രണയമാകുകയായിരുന്നു.വിശാല്‍ പ്രണയാഭ്യര്‍ഥന നടത്തുകയും അനിഷ സമ്മതം മൂളുകയും ചെയ്യുകയായിരുന്നു. തുടർന്ന് ഇരു വീട്ടുകാരുടേയും സമ്മത പ്രകാരം വിവാഹം ഉറപ്പിക്കുകയായിരുന്നു. വിജയ് ദേവേരക്കൊണ്ടയുടെ അർജുൻ റെഡ്ഡിയിൽ അനിഷ ഒരു കഥാപാത്രത്തെ അവതരിപ്പിച്ചിട്ടുണ്ട്. ഹൈദരാബാദിലെ ഒരു വ്യവസായ കുടുംബത്തിലെ അംഗമാണ് അനീഷ.

വിശാലു നടി വരലക്ഷ്മി ശരത് കുമാറുമായി പ്രണയത്തിലാണെന്നുളള വാർത്തകൾ പ്രചരിച്ചിരുന്നു. എന്നാൽ വാർത്ത നിരസിച്ച് താരങ്ങൾ തന്നെ രംഗത്തെത്തുകയായിരുന്നു. തുടർന്നാണ് വിവാഹത്തെ കുറിച്ച് വെളിപ്പെടുത്തി വിശാൽ രംഗത്തെത്തിയത്. നടനെന്നതിലുപരി, തമിഴ് ഫിലിം പ്രൊഡ്യൂസേഴ്സ് കൗണ്‍സില്‍ പ്രസിഡന്റും നടികര്‍ സംഘം സെക്രട്ടറിയുമാണ് വിശാല്‍. അയോഗ്യയാണ് വിശാലിന്റെ പുറത്തു വന്ന അവസാന ചിത്രം. സുന്ദര്‍ സി സംവിധാനം ചെയ്യുന്ന ചിത്രത്തിൽ അഭിനയിച്ചു വരുകയാണ് താരം.