അന്ന കംഫർട്ടബിളാണ്!! നന്നായി അഭിനയിച്ചത് അവൾക്കൊപ്പം... മനസ്സ് തുറന്ന് ഷെയ്ൻ നിഗം

ഏറ്റവും ഫ്രീയായി അഭിനയിച്ച ചിത്രം

ഏറ്റവും ഫ്രീയായി സംത്യപ്തിയോടെ അഭിനയിച്ച ചിത്രമായിരുന്നു കുമ്പളങ്ങി നൈറ്റ്സ് എന്ന് ഷെയ്ൻ നിഗം. സെറ്റും സ്ഥലവും ആളുകളുമൊല്ലാം അതിനെ സ്വാധീനിച്ചിട്ടുണ്ടെന്ന് ഷെയ്ൻ പറഞ്ഞു. കൂടാതെ അന്നയോടൊപ്പം അഭിനയിക്കാൻ വളരെ കംഫർട്ടബിളാണെന്നും ഷെയ്ൻ കൂട്ടി ചേർത്തു. ചിത്രത്തിൽ നന്നായി അഭിനയിക്കാൻ സാധിച്ചിട്ടുണ്ടെന്നും ഷെയ്ൻ കൂട്ടിച്ചേർത്തു.

അധികം മിണ്ടാത്ത കഥാപാത്രങ്ങൾ

അധികം മിണ്ടാത്ത തരത്തിലുളള ടൈപ്പ് കഥാപാത്രങ്ങളാണ് അധികം ഷെയ്നെ തേടി എത്തുന്നത്. എന്നാൽ അതിൽ നിന്നും വ്യത്യസ്തമായ ഒരു കഥാപാത്രമായിരുന്നു കുമ്പളങ്ങിയിൽ. താൻ അധികം സംസാരിക്കാത്ത ആളാല്ലാത്തതു കൊണ്ടാണ് തന്റെ കഥാപാത്രങ്ങളെല്ലാം അത്തരത്തിലായി പോകുന്നത്. ഒരുപാട് സംസാരിക്കുന്ന ആളല്ല എങ്കിൽ തന്നെയും അടുപ്പമുള്ളവരോടാണ് കൂടുതൽ ഇടപഴകാറുള്ളത്. അതുകൊണ്ടാകണം തനിയ്ക്ക് ലഭിക്കുന്ന കഥാപാത്രങ്ങളൊക്കെ മിണ്ടാത്തവരായി പോകുന്നത്.

കുമ്പളങ്ങിയിലെ ബോബി

ഷെയ്നിന്റെ കരിയറിൽ തന്നെ മികച്ച ഹിറ്റ് നേടിക്കൊടുത്ത ചിത്രമായിരുന്നു കുമ്പളങ്ങി നൈറ്റ്സ്. ഇതുവരെ കണ്ടതിൽ നിന്ന് വളരെ വ്യത്യസ്തമായ കഥാപാത്രമായിരുന്നു കുമ്പളങ്ങിയിൽ ഷെയ്ൻ അവതരിപ്പിച്ചത്. അധികം നിശബ്ദനയാ കഥാപാത്രങ്ങളിൽ തിളങ്ങിയ താരം അതിൽ നിന്ന് വിപരീതമായിട്ടുള്ള കഥാപാത്രമായിരുന്നു കുമ്പളങ്ങിയിൽ അവതരിപ്പിച്ചത് . തിയേറ്ററുകളിൽ മികച്ച വിജയമായിരുന്നു കുമ്പളങ്ങി നേടിയെടുത്തത്. 2019 ൽ പുറത്തു വന്ന സൂപ്പർ ഡ്യൂപ്പർ ഹിറ്റ് ചിത്രമായിരുന്നു കുമ്പളങ്ങി. ക്യാമറയ്ക്ക് മുന്നിലും അണിയറയിലും മികച്ച താരങ്ങളും അണിയറ പ്രവർത്തകരുമായിരുന്നു കുമ്പളങ്ങിയിൽ പ്രവർത്തിച്ചത്.

ഇഷ്ക്

കുമ്പളങ്ങിയിലെ ബോബിയിൽ നിന്ന് തികച്ചും വ്യത്യസ്തമാണ് ഇഷ്കിലെ സച്ചി . മട്ടിലും ലുക്കിലുമൊക്കെ അത് മുഴച്ചു നിൽക്കുന്നുമുണ്ട്. അതീവ സുന്ദരനായിട്ടാണ് സച്ചി ഇഷ്കിൽ എത്തുന്നത്. ബോബിയിൽ നിന്ന് സച്ചിയിലേയ്ക്ക് കുറെ ദൂരമുണ്ട്. അത് ചിത്രം കാണുമ്പോൾ തന്നെ വ്യക്തമാണ്. നവാഗതനായ അനുരാജ് മോഹൻ സംവിധാനം ചെയ്യുന്ന ചെയ്ത ചിത്രമാണ് ഇഷ്ക്. മികച്ച പ്രേക്ഷക പ്രതികരണം നേടി തിയേറ്ററുകളിൽ വിജയ യാത്ര തുടരുകയാണ് ചിത്രം. ചിത്രത്തിൽ ഐടി കമ്പനി ഉദ്യോഗസ്ഥനായിട്ടാണ് ഷെയ്ൻ എത്തുന്നത്.