അങ്ങോട്ട് വിളിക്കാന്‍ പേടിയായിരുന്നു..മമ്മൂക്ക വിളിച്ച് സംസാരിച്ചു.. എല്ലാം ശരിയായി!

മമ്മൂട്ടിയുടെ നിലപാട്

ഫാന്‍സ് പ്രവര്‍ത്തകര്‍ അന്ന രാജനെ രൂക്ഷമായ ഭാഷയില്‍ വിമര്‍ശിക്കുന്നതിനിടയില്‍ മമ്മൂട്ടി പ്രതികരിക്കാത്തതിനെക്കുറിച്ച് സോഷ്യല്‍ മീഡിയയില്‍ വിമര്‍ശനങ്ങള്‍ ഉയര്‍ന്നിരുന്നു.

വിളിച്ച് സംസാരിച്ചു

വിവാദങ്ങള്‍ തുടരുന്നതിനിടയില്‍ മമ്മൂട്ടി വിളിച്ച് സംസാരിച്ചിരുന്നുവെന്ന് അന്ന രാജന്‍ പറയുന്നു. ഫേസ്ബുക്ക് പേജിലൂടെയാണ് താരം മമ്മൂട്ടി വിളിച്ച കാര്യത്തെക്കുറിച്ച് പങ്കുവെച്ചിട്ടുള്ളത്.

ആശ്വാസം തോന്നുന്നു

മനസ്സില്‍ പോലും ചിന്തിക്കാത്ത തരത്തിലാണ് കാര്യങ്ങള്‍ പ്രചരിച്ചത്. മലയാളത്തിലെ എക്കാലത്തെയും മികച്ച അതുല്യ പ്രതിഭകളിലൊരാളായ മമ്മൂട്ടിയെക്കുറിച്ച് താന്‍ പറഞ്ഞതല്ല പ്രചരിച്ചിരുന്നത്.

അങ്ങോട്ട് വിളിക്കാന്‍ പേടിയായിരുന്നു

മമ്മൂട്ടിയെ എങ്ങനെ അങ്ങോട്ട് വിളിച്ച് സംസാരിക്കുമെന്നറിയാതെ നില്‍ക്കുന്നതിനിടയിലാണ് അദ്ദേഹം ഇങ്ങോട്ട് വിളിച്ച് സംസാരിച്ചത്. അദ്ദേഹത്തോട് കാര്യങ്ങളെക്കുറിച്ച് പറഞ്ഞപ്പോള്‍ തനിക്ക് ആശ്വാസമായെന്നും ലിച്ചി കുറിച്ചിട്ടുണ്ട്.

രണ്ടാമത്തെ ചിത്രം

അങ്കമാലി ഡയറീസ് ശേഷം മമ്മൂട്ടിയുടെ നായികയായി അഭിനയിക്കാനുള്ള അവസരമാണ് തന്നെ തേടിയെത്തിയത്. എന്നാല്‍ ആ സിനിമയുടെ ചിത്രീകരണം നീണ്ടു പോയപ്പോഴാണ് വെളിപാടിന്റെ പുസ്തകത്തില്‍ അഭിനയിച്ചത്.

മമ്മൂട്ടിക്ക് നന്ദി

കേവലം രണ്ടു ചിത്രങ്ങളില്‍ മാത്രം അഭിനയിച്ച തുടക്കക്കാരിയായ തന്നെ വിളിച്ച് ആശ്വസിപ്പിക്കാന്‍ അദ്ദേഹം കാണിച്ച മനസ്സിന് നന്ദി . അന്ന് നടക്കാതെ പോയ ആ അവസരം വീണ്ടും തേടിയെത്തട്ടെയെന്ന് പ്രാര്‍ത്ഥിക്കുന്നുവെന്നും അന്ന രാജന്‍ കുറിച്ചിട്ടുണ്ട്.