പേളി-ശ്രീനി വിവാഹം മാത്രമല്ല, അനൂപിനും വിവാഹം കഴിക്കണം! പെണ്‍കുട്ടിയെ കുറിച്ച് താരം പറയുന്നതിങ്ങനെ..

അനൂപിന്റെ വാക്കുകളിലേക്ക്..

ഞാന്‍ എങ്ങനെയാണെന്ന് സ്വയം ബോധ്യപ്പെടുത്തുന്നതായിരുന്നു ബിഗ് ബോസിലെ 70 ദിവസവും. അവിടെ 25 ദിവസം തികയ്ക്കുകയായിരുന്നു ടാര്‍ഗറ്റ്. അതുപോലും എത്തിപ്പിടിക്കാന്‍ പറ്റില്ലെന്ന ചിന്തയോടെയാണ് അവിടെ എത്തിയത്. എന്നാല്‍ അതിന് പറ്റി. അതോടെ മനസ് ഫ്രീയായി. പിന്നെയുള്ള ദിവസങ്ങള്‍ ആസ്വദിച്ചാണ് മുന്നോട്ട് പോയതെന്നും അനൂപ് പറയുന്നു. ഗൃഹലക്ഷ്മിയ്ക്ക് നല്‍കിയ അഭിമുഖത്തിലായിരുന്നു താരത്തിന്റെ തുറന്ന് പറച്ചില്‍.

നിലപാടുകള്‍

നമുക്ക് കൃത്യമായ ജീവിത വീഷണം വേണമെന്നും കാഴ്ചപ്പാട് വേണമെന്നും അത് അനുഭവ തലത്തില്‍ നമുക്ക് ബോധ്യപ്പെട്ടതാവണമെന്നും അനൂപ് പറയുന്നു. ആ കരുത്താണ് നമ്മുടെ നിലപാട്. സ്വന്തമായ അനുഭവങ്ങളും അറിവുകളുമുള്ള ആളുകളുടെ അടുത്ത് നില്‍ക്കുമ്പോഴാണ് നമ്മുടെ നിസാരത ബോധ്യപ്പെടുക. അത് കൊണ്ട് തന്നെ നിലപാടുള്ളൊരു മനുഷ്യനെ എപ്പോള്‍ കണ്ടാലും ബഹുമാനിക്കുമെന്നും അനൂപ് പറയുന്നു.

വിവാഹം കഴിക്കണ്ടേ?

ഇനി വിവാഹം കഴിക്കണ്ടേ എന്ന ചോദ്യത്തിന് അത്യാവശ്യം വിദ്യാഭ്യാസ യോഗ്യതയും സാമൂഹികമായ കാഴ്ചപ്പാടുകളുമൊക്കെയുള്ള ഒരു പെണ്‍കുട്ടിയെ ഏത് ജാതിയിലാണെങ്കിലും മതത്തിലാണെങ്കിലും സ്വീകരിക്കാന്‍ എനിക്ക് ബുദ്ധിമുട്ടില്ല. വിവാഹം അത്യാവശ്യമാണെന്ന് ഇതുവരെ തോന്നിയിരുന്നില്ല. പക്ഷെ ഇനിയുള്ള കാലത്ത് നമ്മളെ നിയന്ത്രിക്കാനും കാത്തിരിക്കാനും ഒരാള്‍ കൂടെ വേണമെന്ന് തോന്നി തുടങ്ങിയിരിക്കുകയാണ്.

ഒരുപാട് അവസരങ്ങള്‍ നഷ്ടമായി

മിമിക്രി അത്ര വലിയ കാര്യമല്ലെന്ന രീതിയിലുള്ള അനൂപിന്റെ പരാമര്‍ശം വലിയ വിവാദമായിരുന്നു. അത് തന്റെ കരിയറിനെ പോലും ബാധിച്ചെന്നും തന്റെ കൂടെ അഭിനയിക്കില്ലെന്ന് മിമിക്രി കലാകാരന്മാരായ കുറെ സിനിമാ നടന്മാര്‍ പരസ്യമായി പറഞ്ഞിരുന്നു. ്‌യാള്‍ ഉണ്ടെങ്കില്‍ ഞങ്ങള്‍ വര്‍ക്ക് ചെയ്യില്ലെന്ന് അവര്‍ പല നിര്‍മാതാക്കളോടും സംവിധായകരോടും പറഞ്ഞു. അത് കാരണം എനിക്ക് ഒരുപാട് അവസരങ്ങള്‍ നഷ്ടപ്പെട്ടിട്ടുണ്ടെന്നും അനൂപ് പറയുന്നു. എന്റെ കരിയര്‍ ഗ്രാഫ് കയറി കൊണ്ടിരുന്ന സമയത്തായിരുന്നു അത് സംഭവിച്ചത്. അതോടെ ഞാന്‍ അടപടലം താഴേക്ക് വീണു. പക്ഷെ അങ്ങനെ വീഴ്ത്തുന്നവര്‍ ആലോചിക്കേണ്ടത് വളരെ സജീവമായി മുന്നോട്ട് പോവുന്നൊരാള്‍ക്ക് ബ്ലോക്ക് വെച്ചാല്‍ ദൈവം അയാളെ വേറെ വഴിയിലൂടെ വേറെ സ്ഥലത്ത് എത്തിക്കുമെന്നാണെന്നും അനൂപ് പറയുന്നു.