ലൂസിഫര്‍ 75 ദിന പോസ്റ്റര്‍ പങ്കുവെച്ച ആന്‍റണി പെരുമ്പാവൂരിന് സോഷ്യല്‍ മീഡിയയുടെ പൊങ്കാല! കാണൂ!

75ാം ദിന പോസ്റ്റര്‍

റിലീസിന് ശേഷവും ലൂസിഫറുമായി ബന്ധപ്പെട്ട വിശേഷങ്ങള്‍ പങ്കുവെച്ച് താരങ്ങളും അണിയറപ്രവര്‍ത്തകരുമൊക്കെ എത്തുന്നുണ്ടായിരുന്നു. സോഷ്യല്‍ മീഡിയയിലൂടെ നിമിഷനേരം കൊണ്ടാണ് അത്തരത്തിലുള്ള പോസ്റ്റുകള്‍ തരംഗമായി മാറുന്നത്. സിനിമയിലെ ഡിലീറ്റഡ് സീനുമായാണ് കഴിഞ്ഞ ദിവസം പൃത്വിരാജ് എത്തിയത്. മോഹന്‍ലാലിന്റെ പിറന്നാള്‍ ദിനത്തില്‍ പുറത്തുവിട്ട വീഡിയോ തരംഗമായി മാറിയിരുന്നു. ഇതിന് പിന്നാലെയായാണ് 75ാം ദിന പോസ്റ്റര്‍ പങ്കുവെച്ച് ആന്റണി പെരുമ്പാവൂര്‍ എത്തിയിട്ടുളളത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചത്.

ഇത് ഏത് കലണ്ടര്‍?

മെയ് 16നായിരുന്നു ലൂസിഫര്‍ 200 കോടിയിലേക്കെത്തിയ സന്തോഷം പങ്കുവെച്ച് അദ്ദേഹമെത്തിയത്. നിര്‍മ്മാതാവെന്ന നിലയില്‍ അദ്ദേഹത്തിന്റെ സ്ഥിരീകരണത്തിനായി കാത്തിരിക്കുകയായിരുന്നു ആരാധകര്‍. അതിവേഗം 100 കോടിയും 150 കോടിയും ലഭിച്ച സിനിമയ്ക്ക് അധികം വൈകാതെ തന്നെ 200 കോടി നേട്ടം സ്വന്തമാവുമെന്ന തരത്തിലുള്ള പ്രവചനങ്ങളുമായി ആരാധകരെത്തിയിരുന്നു. മെയ് 14നാണ് സിനിമയുടെ 50ാം ദിന പോസ്റ്ററെത്തിയത്. ഇപ്പോഴിതാ മെയ് 24 ആയപ്പോഴേക്കും 75 ദിനത്തിലെ പോസ്റ്ററെത്തിയതിന് പിന്നിലെ സംശയത്തെക്കുറിച്ചും ആരാധകര്‍ ചോദിക്കുന്നുണ്ട്. ഇത് ഏത് കലണ്ടര്‍ പ്രകാരമുള്ള കണക്കാണെന്നാണ് ചോദ്യം.

ഈ റെക്കോര്‍ഡും ഏട്ടന് സ്വന്തം

പതിവില്‍ നിന്നും വ്യത്യസ്തമായ തരത്തിലുള്ള പ്രമോഷനായിരുന്നു സിനിമയ്ക്കായി സംവിധായകന്‍ സ്വീകരിച്ചത്. അതിനാല്‍ത്തന്നെ 75 ദിവസത്തിലേക്കെത്തുമെന്ന് സൂചിപ്പിക്കാനായാണ് ഈ പോസ്റ്ററെന്നാണ് ചിലരുടെ കണ്ടെത്തല്‍. അതിവേഗം 100 കോടി, 200 കോടി, വേഗത്തില്‍ 50 ദിവസം, 75 ദിവസം തുടങ്ങിയ റെക്കോര്‍ഡും ഏട്ടനില്‍ ഭദ്രമാണെന്നാണ് ആരാധകര്‍ പറയുന്നത്. മലയാള സിനിമയുടെ പല ചരിത്രങ്ങളും മോഹന്‍ലാല്‍ നേരത്തെ തിരുത്തിയെഴുതിയിരുന്നു. അങ്ങനെ വരുമ്പോള്‍ ഇതും പുതിയ റെക്കോര്‍ഡാണെന്നാണ് ആരാധകര്‍ പറയുന്നത്.

ആരാധകര്‍ക്ക് സന്തോഷം

ലൂസിഫറുമായി ബന്ധപ്പെട്ട വിശേഷങ്ങള്‍ പുറത്തുവരുമ്പോള്‍ മോഹന്‍ലാല്‍, പൃഥ്വിരാജ്, ടോവിനോ തോമസ്, മഞ്ജു വാര്യര്‍ തുടങ്ങിയ താരങ്ങളുടെ ആരാധകര്‍ക്ക് സന്തോഷമാണ്. റിലീസിന് ശേഷവും സിനിമയെക്കുറിച്ച് വാചാലരായി താരങ്ങളെത്തിയിരുന്നു. സിനിമയുടെ രണ്ടാം ഭാഗത്തെക്കുറിച്ചുള്ള ചര്‍ച്ചകളും സജീവമായി നടന്നിരുന്നു. രണ്ടാം ഭാഗത്തെക്കുറിച്ച് പ്ലാന്‍ ചെയ്തിട്ടില്ലെന്നും ഇത് ഒരു ഭാഗത്തില്‍ ഒതുക്കാന്‍ പറ്റുന്നതല്ലെന്ന് നേരത്തെ തന്നെ മനസ്സിലാക്കിയിരുന്നുവെന്നുമായിരുന്നു പൃഥ്വിരാജ് പറഞ്ഞത്.

വിമര്‍ശിച്ചെത്തുന്നവരും കുറവല്ല

ലൂസിഫറിനെ വിമര്‍ശിച്ചെത്തിയവരും കുറവല്ലായിരുന്നു. പൃഥ്വിരാജിന്റെ നിലപാടുകളുമായി ചേര്‍ത്തായിരുന്നു പലരും സിനിമയെ താരതമ്യപ്പെടുത്തിയത്. ഈ വിവാദം തുടരുന്നതിനിടയിലാണ് മറുപടിയുമായി താരമെത്തിയത്. ഡാന്‍സ് ബാറില്‍ ഐറ്റം നമ്പറല്ലാതെ ഓട്ടന്‍തുള്ളല്‍ വെക്കാന്‍ പറ്റുമോയെന്നും അതപം തന്റെ നിലപാടുമായി എന്തിനാണ് ബന്ധിപ്പിക്കുന്നതെന്നുമായിരുന്നു താരത്തിന്റെ ചോദ്യം. ഇപ്പോഴിതാ പോസ്റ്ററുമായെത്തിയ ആന്റണി പെരുമ്പാവൂരിനെതിരെയും കടുത്ത വിമര്‍ശനമാണ് ഉയര്‍ന്നുവന്നിട്ടുള്ളത്.

പോസ്റ്റ് കാണാം

ആന്റണി പെരുമ്പാവൂരിന്റെ ഫേസ്ബുക്ക് പോസ്റ്റ് കാണാം.