Click it and Unblock the Notifications
അജഗജാന്തരവുമായി ആന്റണി വര്ഗീസും അര്ജുന് അശോകനും, ആക്ഷന് ചിത്രം തിയ്യേറ്ററുകളിലേക്ക്
സ്വാതന്ത്ര്യം അര്ദ്ധരാത്രിയില് എന്ന ആദ്യ സിനിമയ്ക്ക് ശേഷം സംവിധായകന് ടിനു പാപ്പച്ചന്റെതായി റിലീസിങ്ങിനൊരുങ്ങുന്ന പുതിയ ചിത്രമാണ് അജഗജാന്തരം. ആന്റണി വര്ഗീസും അര്ജുന് അശോകനുമാണ് ചിത്രത്തില് പ്രധാന വേഷങ്ങളിലെത്തുന്നത്. ഫെബ്രുവരി 26നാണ് ആക്ഷന് ചിത്രം തിയ്യേറ്ററുകളിലേക്ക് എത്തുന്നത്. ഉത്സവപ്പറമ്പിലേയ്ക്ക് ഒരു ആനയും പാപ്പാനും എത്തുന്നതും തുടര്ന്നവിടെ 24 മണിക്കൂറിനുള്ളില് നടക്കുന്ന ആകാംഷ നിറഞ്ഞ സംഭവങ്ങള് നര്മ്മത്തിന്റെ മേമ്പൊടിയോടെ ചിത്രത്തില് അവതരിപ്പിക്കുന്നു.
വ്യത്യസ്തമായ പേരുകൊണ്ട് വളരെ മുമ്പ് തന്നെ ഈ ചിത്രം ശ്രദ്ധ നേടിയിരുന്നു. ആന്റണി പെപ്പെയുടെ കരിയറിലെ ഏറ്റവും വലിയ മുതല് മുടക്കുള്ള ചിത്രം കൂടിയാണിത്. സില്വര് ബേ പ്രൊഡക്ഷന്സിന്റെ ബാനറില് എമ്മാനുവല് ജോസഫും അജിത് തലാപ്പിള്ളിയും ചേര്ന്ന് നിര്മ്മിക്കുന്ന സിനിമയുടെ തിരക്കഥയൊരുക്കിയിരിക്കുന്നത് കിച്ചു ടെല്ലസ്, വിനീത് വിശ്വം എന്നീ താരങ്ങളാണ്. ചെമ്പന് വിനോദ് ജോസ്, ജാഫര് ഇടുക്കി, രാജേഷ് ശര്മ, സാബു മോന്, ടിറ്റോ വില്സണ്, സുധി കോപ്പ, വിനീത് വിശ്വം, സിനോജ് വര്ഗീസ്, കിച്ചു ടെല്ലസ്, ലുക്മാന്, ശ്രീരഞ്ജിനി തുടങ്ങിയവരാണ് സിനിമയില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം ജിന്റോ ജോര്ജ്, എഡിറ്റര് ഷമീര് മുഹമ്മദ്, സംഗീതം ജസ്റ്റിന് വര്ഗീസ്, സൗണ്ട് ഡിസൈന് രംഗനാഥ് രവി, ആര്ട്ട് ഗോകുല് ദാസ്, വസത്രാലങ്കാരം മഷര് ഹംസ, മേക്കപ്പ് റോണക്സ് സേവ്യര്, സ്റ്റണ്ട് സുപ്രീം സുന്ദര്, ചീഫ് അസോസിയേറ്റ് കണ്ണന് എസ് ഉള്ളൂര്, പ്രൊഡക്ഷന് കണ്ട്രോളര് ബാദുഷ, പി ആര് ഒ മഞ്ജു ഗോപിനാഥ്, ഡിജിറ്റല് മാര്ക്കറ്റിംഗ് ഹെയിന്സ്.
Recommended Video
ഗ്ലാമറസായി നടി മാളവിക മോഹനന്, പുതിയ ചിത്രങ്ങള് കാണാം
Continue with Google