ഒരു രംഗത്തിനായി 17 ടേക്ക്, ദേവസനേയെക്കുറിച്ച് സ്വീറ്റി ഷെട്ടി വെളിപ്പെടുത്തിയ രഹസ്യങ്ങള്‍ !!

രാജമൗലിക്കൊപ്പം രണ്ടാമത്തെ തവണ

രാജമൗലിയോടൊപ്പം രണ്ടു ചിത്രങ്ങളില്‍ പ്രവര്‍ത്തിക്കാനുള്ള അവസരം ലഭിച്ച അഭിനേത്രി കൂടിയാണ് അനുഷ്‌ക ഷെട്ടി. അത്യപൂര്‍വ്വമായി മാത്രം സംഭവിക്കുന്ന കാര്യമാണിത്. ആ ഭാഗ്യം തെന്നിന്ത്യന്‍ താരറാണിയായ സ്വീറ്റി ഷെട്ടിക്ക് ലഭിച്ചിട്ടുമുണ്ട്.

കുടുംബവുമായി വളരെ അടുത്ത ബന്ധം

രാജമൗലിയുടെ കുടുംബവുമായി വളരെ അടുത്ത ബന്ധം കാത്തു സൂക്ഷിക്കുന്ന താരം കൂടിയാണ് അനുഷ്‌ക ഷെട്ടി. ബാഹുബലിക്ക് വേണ്ടി സംവിധായകന്‍ നടത്തിയ തയ്യാറെടുപ്പുകളെക്കുറിച്ച് താരത്തിന് കൃത്യമായി അറിയാമായിരുന്നു. അതു കൊണ്ടു തന്നെ തനിക്ക് ലഭിച്ച കഥാപാത്രം അങ്ങേയറ്റം ഭംഗിയാക്ക
ാന്‍ അനുഷ്‌കയും ശ്രമിച്ചു.

17 ടേക്ക് വേണ്ടി വന്നിരുന്നു

ബാഹുബലി ഷൂട്ടിങ്ങിനിടയില്‍ ഒരു സീന്‍ പൂര്‍ത്തിയാക്കുന്നതിനായി 17 ടേക്കെടുക്കേണ്ടി വന്നിരുന്നുവെന്ന് അനുഷ്‌ക ഷെട്ടി ഓര്‍ത്തെടുക്കുന്നു. എന്നാല്‍ അപ്പോഴും ക്ഷമയോടെ സീന്‍ മനോഹരമായി പൂര്‍ത്തീകരിക്കാനുള്ള തയ്യാറെടുപ്പിലായിരുന്നു രാജമൗലി.

കഥാപാത്രത്തെക്കുറിച്ച് പൂര്‍ണ്ണമായും അറിഞ്ഞിരിക്കണം

താരങ്ങള്‍ക്ക് കഥാപാത്രത്തെക്കുറിച്ച് പരമാവധി കാര്യങ്ങള്‍ അറിഞ്ഞിരിക്കണമെന്ന കാര്യത്തില്‍ നിര്‍ബന്ധ ബുദ്ധിയുള്ള സംവിധായകനാണ് രാജമൗലി. അവരവര്‍ക്ക് ലഭിച്ചിരുന്ന കഥാപാത്രങ്ങളെ പൂര്‍ണ്ണമായി ഉള്‍ക്കൊള്ളാതെ ആ കഥാപാത്രത്തെ മനോഹരമാക്കാന്‍ താരങ്ങള്‍ക്ക് കഴിയില്ലെന്ന കാഴ്ചപ്പാടാണ് സംവിധായകന്‍ വെച്ചു പുലര്‍ത്തുന്നത്.

ഭാഗ്മതി അവസാന ഘട്ടത്തിലേക്ക്

അനുഷ്‌ക ഷെട്ടിയുടെ പുതിയ ചിത്രമായ ഭാഗ്മതി ചിച്രീകരണം പൂര്‍ത്തിയാക്കി. പോസ്റ്റ് പ്രൊഡക്ഷന്‍ ജോലികളാണ് ഇപ്പോള്‍ പുരോഗമിക്കുന്നത്. കോമിക് ത്രില്ലറായ ചിത്രം സംവിധാനം ചെയ്യുന്നത് ജി എ അശോകാണ്.