ആ ക്രിക്കറ്റ് താരത്തോട് തനിക്ക് പ്രണയമായിരുന്നുവെന്ന് അനുഷ്‌കയുടെ തുറന്നു പറച്ചില്‍!

ക്രിക്കറ്റ് താരത്തോട് തോന്നിയ പ്രണയം

ഇന്ത്യയുടെ വന്‍മതിലെന്നറിയപ്പെടുന്ന ക്രിക്കറ്റ് താരമായ രാഹുല്‍ ദ്രാവിഡിനോട് തനിക്ക് പ്രണയെ തോന്നിയിരുന്നുവെന്ന് അനുഷ്‌ക പറയുന്നു. പ്രമുഖ തെലുങ്ക് മാധ്യമത്തിന് നല്‍കിയ അഭിമുഖത്തിനിടയിലാണ് താരം ഇക്കാര്യം വെളിപ്പെടുത്തിയത്. ഇന്ത്യന്‍ ക്രിക്കറ്റിലെ എക്കാലത്തെയും മികച്ച പ്രതിഭകളിലൊരാള്‍ കൂടിയായ രാഹുല്‍ ദ്രാവിഡിനെ ഏറെ ഇഷ്ടമാണെന്നും താരം പറയുന്നു.

ക്രിക്കറ്റിലെ ആരാധന

ഇഷ്ടപ്പെട്ട ക്രിക്കറ്റ് താരം ആരാണെന്നറിയാനുള്ള ചോദ്യത്തിനാണ് ഈ മറുപടി ലഭിച്ചത്. ചെറുപ്പം മുതലേ ദ്രാവിഡിനോട് പ്രത്യേക ഭ്രമം ആയിരുന്നു. ഒരു ഘട്ടത്തില്‍ അദ്ദേഹവുമായി പ്രണയത്തിലായിട്ടുണ്ടെന്നുമായിരുന്നു അനുഷ്‌ക പറഞ്ഞത്. താരങ്ങളുടെ ഇഷ്ടാനിഷ്ടങ്ങള്‍ അറിയുന്നതിന് വേണ്ടിയായിരുന്നു ഇത്തരത്തിലൊരു ചോദ്യം ചോദിച്ചത്. അനുഷ്‌കയാവട്ടെ കൂളായാണ് പ്രതികരിച്ചതും.

പ്രഭാസുമായി പ്രണയത്തിലാണെന്ന് പ്രചരിപ്പിച്ചു

ബാഹുബലി 2 ഇറങ്ങി മാസങ്ങള്‍ പിന്നിട്ടപ്പോഴാണ് പ്രഭാസും അനുഷ്‌കയും പ്രമത്തിലാണെന്ന തരത്തില്‍ വാര്‍ത്തകള്‍ പ്രചരിച്ചത്. അടുത്തിടെ ഇരുവരും വിവാഹിതരാവാന്‍ പോവുകയാണെന്ന തരത്തിലും വാര്‍ത്തകള്‍ പ്രചരിച്ചിരുന്നു. പിന്നീട് വിശദീകരണവുമായി പ്രഭാസ് രംഗത്തെത്തുകയായിരുന്നു. പ്രചരിച്ചത് വ്യാജ വാര്‍ത്തകളാണെന്നും തങ്ങള്‍ അടുത്ത സുഹൃത്തുക്കളാണെന്നുമായിരുന്നു ബാഹുബലി വ്യക്തമാക്കിയത്.

റാണയെക്കാള്‍ സെക്‌സി പ്രഭാസ്

ബാഹുബലിയില്‍ ബല്ലാല ദേവനായി എത്തിയ റാണ ദഗ്ഗുപതിയേക്കാള്‍ സെക്‌സി പ്രഭാസാണെന്ന് അനുഷ്‌ക പറഞ്ഞിരുന്നു. ഇതോടെയാണ് പ്രഭാസുമായി താരം പ്രണയത്തിലാണെന്ന തരത്തില്‍ ഗോസിപ്പുകള്‍ പ്രചരിച്ചത്. ചില പൊതുചടങ്ങുകളിലും ഇവരെ ഒന്നിച്ച് കണ്ടതും പാപ്പരാസികള്‍ വാര്‍ത്തയാക്കിയിരുന്നു.