വയറു നിറയെ ആഹാരം! പ്രണയിച്ച പെണ്ണിനെ സ്വന്തമാക്കി! സിനിമ തന്ന സൗഭാഗ്യങ്ങളെക്കുറിച്ച് അപ്പാനി ശരത്‌

അപ്പാനി ശരത് എന്ന താരം

അങ്കമാലി ഡയറിസീനു ശേഷം നിരവധി ശ്രദ്ധേയ കഥാപാത്രങ്ങളെ മലയാളത്തില്‍ അവതരിപ്പിക്കുവാനുളള ഭാഗ്യവും അപ്പാനി ശരത്തിന് ലഭിച്ചിരുന്നു. രണ്ടു വര്‍ഷം കൊണ്ട് പന്ത്രണ്ട് സിനിമകളിലാണ് നടന്‍ അഭിനയിച്ചിരുന്നത്. വില്ലന്‍ വേഷങ്ങള്‍ക്കൊപ്പം തന്നെ സഹനടനായും നായകനായും ശരത് മലയാളത്തില്‍ തിളങ്ങിയിരുന്നു. മണിരത്‌നത്തിന്റ ചെക്ക ചിവന്ത വാനം, വിശാലിന്റെ സണ്ടക്കോഴി 2 എന്നീ സിനിമകളിലൂടെയാണ് അപ്പാനി ശരത് തമിഴിലേക്ക് എത്തിയത്.

സിനിമയിലെത്തുന്നതിനു മുന്‍പേ

സിനിമയിലെത്തുന്നതിനു മുന്‍പേ നാടകരംഗത്തായിരുന്നു നടന്‍ കൂടുതല്‍ തിളങ്ങിയിരുന്നത്. അടിസ്ഥാനപരമായി താനൊരു നാടക വിദ്യാര്‍ത്ഥിയാണെന്നാണ് ശരത് പറയുന്നത്. നാടകത്തില്‍ നിന്നും സിനിമയിലെത്തിയപ്പോഴുളള മാറ്റം എന്താണെന്ന് ചോദിപ്പോഴായിരുന്നു നടന്റെ മറുപടി വന്നത്. നാടകത്തില്‍ നിന്ന് സിനിമയിലെത്തിയപ്പോഴുളള മാറ്റം എന്താണെന്ന് ചോദിച്ചാല്‍ കൃത്യ സമയത്ത് വയറു നിറയെ ഭക്ഷണം കഴിക്കുന്നുവെന്നാണ്. അപ്പാനി ശരത് പറയുന്നു.

ഒരു സ്‌റ്റേജില്‍ നിന്നും മറ്റൊരു സ്‌റ്റേജിലേക്ക്.

നാടകം ഓട്ടമാണ്. ഒരു സ്‌റ്റേജില്‍ നിന്നും മറ്റൊരു സ്‌റ്റേജിലേക്ക്. ഭക്ഷണം കഴിച്ചാല്‍ കഴിച്ചു അത്രയേ പറയാനാകൂ.സിനിമയിലും ചിലപ്പോള്‍ ബുദ്ധിമുട്ടുകള്‍ ഉണ്ടാകാറുണ്ട്. കൃത്യസമയത്ത് ഷൂട്ട് തീര്‍ക്കാന്‍ ദിവസം മുഴുവന്‍ ഷൂട്ട് ചെയ്യും. ഡ്യൂപ്പൊന്നും ഇടാതെയാണ് ഞാന്‍ ഫൈറ്റ് ചെയ്യാറുളളത്. എന്നാല്‍ പോലും വിശ്രമിക്കാന്‍ സമയം കിട്ടാറുണ്ട്.

പുതിയ പ്രോജക്ടുകള്‍

നിലവില്‍ കൈനിറയെ ചിത്രങ്ങളാണ് ശരത്തിന്റെതായി അണിയറയില്‍ ഒരുങ്ങുന്നത്. ധ്യാന്‍ ശ്രീനിവാസന്റെ സച്ചിന്‍,ദിലീപിന്റെ പ്രൊഫസര്‍ ഡിങ്കന്‍,അമല,തുടങ്ങിയ സിനിമകളെല്ലാം അപ്പാനി ശരതിന്റെതായി റിലീസിങ്ങിനൊരുങ്ങുന്ന ചിത്രങ്ങളാണ്. സിനിമകള്‍ക്കു പുറമെ തമിഴില്‍ ഒരുങ്ങുന്ന ഒരു വെബ് സീരിസിലും ശരത് വേഷമിടുന്നുണ്ട്,. ഓട്ടോ ശങ്കര്‍ എന്ന വെബ്‌സിരീസിലൂടെയാണ് തമിഴില്‍ വീണ്ടും അപ്പാനി ശരത് എത്തുന്നത്.