എയര്‍പോര്‍ട്ടിലേക്ക് പോകുംവഴിയാണ് അത് സംഭവിച്ചത്! തലനാരിഴയ്ക്കാണ് രക്ഷപ്പെട്ടതെന്ന് അര്‍ച്ചന കവി!

കോണ്‍ക്രീറ്റ് പാളി അടര്‍ന്നുവീണു

കൊച്ചിയില്‍ വെച്ചായിരുന്നു സംഭവം. മെട്രോ പാലത്തില്‍ നിന്നും കോണ്‍ക്രീറ്റ് പാളി കാറിന് മുകളിലേക്ക് അടര്‍ന്നുവീഴുകയായിരുന്നു. തലനാരിഴയ്ക്കാണ് താന്‍ അപകടത്തില്‍ നിന്നും രക്ഷപ്പെട്ടതെന്നും താരം കുറിച്ചിട്ടുണ്ട്. കോണ്‍ക്രീറ്റ് പാളി വീണതിനെത്തുടര്‍ന്ന് കാറിന്റെ മുന്‍ഭാഗം തകര്‍ന്നുപോയിരുന്നു. ഇതിന്റെ ചിത്രവും താരം പങ്കുവെച്ചിട്ടുണ്ട്. നിരവധി പേരാണ് താരത്തിന്റെ വിവരങ്ങള്‍ ആരാഞ്ഞ് എത്തിയിട്ടുള്ളത്. തനിക്ക് കുഴപ്പമൊന്നുമില്ലെന്ന് പിന്നീട് താരം വ്യക്തമാക്കിയിരുന്നു.

എയര്‍പോര്‍ട്ടിലേക്കുള്ള യാത്ര

എയര്‍പോര്‍ട്ടിലേക്കുള്ള യാത്രമാധ്യേയായിരുന്നു ഈ സംഭവം. രഞ്ജിനി ജോസും ജ്യോത്സനയുമുള്‍പ്പടെ നിരവധി പേരാണ് താരത്തിന്‍രെ പോസ്റ്റിന് കീഴിലായി കമന്റുകളുമായെത്തിയിട്ടുള്ളത്. അര്‍ച്ചന ഓക്കെയായിരിക്കുന്നുവെന്ന് കരുതുന്നുവെന്നും വളരെ ദൗര്‍ഭാഗ്യകരമായ സംഭവാണ് ഇതെന്നുമായിരുന്നു ഇരുവരും പറഞ്ഞത്. വിഷയത്തെക്കുറിച്ച് കൊച്ചി മെട്രോ, കേരള പോലീസ് തുടങ്ങിയവരെ അറിയിച്ചിട്ടുണ്ടെന്നും അര്‍ച്ചന വ്യക്തമാക്കിയിരുന്നു. ഇതിന് പിന്നാലെയായാണ് താരത്തിനുള്ള മറുപടിയുമായി കൊച്ചി മെട്രോ എത്തിയിട്ടുള്ളത്.

നഷ്ടപരിഹാരം വേണമെന്ന് താരം

സംഭവത്തില്‍ നടപടി സ്വീകരിക്കണമെന്നും കാറിനുണ്ടായ കേടുപാട് പരിഹരിക്കുന്നതിനായി നഷ്ടപരിഹാരം ലഭ്യമാക്കണമെന്നും അര്‍ച്ചന കവി ആവശ്യപ്പെട്ടിരുന്നു. ഇത് പോലെയുള്ള സംഭവങ്ങള്‍ ആവര്‍ത്തിക്കാതിരിക്കാനുള്ള മുന്‍കരുതലുകള്‍ സ്വീകരിക്കണമെന്നും താരം ആവശ്യപ്പെട്ടിട്ടുണ്ട്. ഇതിന് പിന്നാലെയായാണ് മറുപടിയുമായി കൊച്ചി മെട്രോ അധികൃതരെത്തിയത്. താങ്കളുടെ ഡ്രൈവറുമായി ബന്ധപ്പെട്ടിരുന്നുവെന്നും സംഭവത്തെക്കുറിച്ചുള്ള വിവരങ്ങള്‍ ശേഖരിച്ചിരുന്നുവെന്നും ഇങ്ങനെയൊരു കാര്യം സംഭവിച്ചതില്‍ ക്ഷമ ചോദിക്കുന്നുവെന്നും അവര്‍ കമന്റ് ചെയ്തിട്ടുണ്ട്.

സോഷ്യല്‍ മീഡിയയിലൂടെ വൈറലാവുന്നു

അര്‍ച്ചന കവിയുടെ പോസ്റ്റ് ഇതിനോടകം തന്നെ വൈറലായി മാറിയിട്ടുണ്ട്. താരത്തിന് എന്തെങ്കിലും സംഭവിച്ചോയെന്നും സുരക്ഷിതയായി ഇരിക്കുകയല്ലെ എന്നുമൊക്കെയായിരുന്നു ആരാധകരുടെ ചോദ്യം. താന്‍ സുരക്ഷിതയാണെന്ന് താരം പറഞ്ഞതോടെയാണ് ആരാധകര്‍ക്ക് ആശ്വാസമായത്. സ്വീകാര്യതയുടെ കാര്യത്തിലും പിന്തുണയിലും ഏറെ മുന്നിലാണ് അര്‍ച്ചന കവി.

പോസ്റ്റ് കാണാം

അര്‍ച്ചന കവിയുടെ പോസ്റ്റ് കാണാം.