പേളിഷ് വിവാഹ നിശ്ചയത്തെക്കുറിച്ചറിഞ്ഞ അര്‍ച്ചന സുശീലന് ബോധക്ഷയം? സംഭവിച്ചതിനെക്കുറിച്ച് താരം പറഞ്ഞത്

ബോധം കെട്ടില്ല

പേളിയും ശ്രീനിയും വിവാഹിതരാവുകയാണെന്നറിഞ്ഞതോടെ അര്‍ച്ചന സുശീലന്‍ ബോധം കെട്ടുവെന്ന തരത്തിലുള്ള പ്രചാരണങ്ങളായിരുന്നു സോഷ്യല്‍ മീഡിയയില്‍ അരങ്ങേറിയത്. ഇത്തരത്തിലുള്ള പ്രചാരണം ശ്രദ്ധയില്‍പ്പെട്ടതിന് പിന്നാലെയായാണ് പ്രതികരണവുമായി താരമെത്തിയത്. ഫേസ്ബുക്ക് ലൈവിലൂടെയായിരുന്നു താരം ഇതേക്കുറിച്ച് പ്രതികരിച്ചത്. ഇതിനോടകം തന്നെ ലൈവ് വീഡിയോ വൈറലായി മാറിയിരുന്നു. ആരാണ് താന്‍ ബോധം കെടുന്നത് കണ്ടതെന്നും അര്‍ച്ചന ചോദിച്ചിരുന്നു.

ശ്രീനി ബോയ്ഫ്രണ്ടല്ല

ഇരുവരും വിവാഹം കഴിക്കുന്നതില്‍ തനിക്കും സന്തോഷമുണ്ട്.ശ്രീനി തന്‍രെ ബോയ്ഫ്രണ്ടൊന്നുമല്ല നിശ്ചയത്തെക്കുറിച്ച് അറിഞ്ഞ് ബോധം കെടാന്‍. തനിക്ക് അക്കാര്യത്തില്‍ യാതൊരുവിധ പ്രശ്‌നവുമില്ലെന്നും താരം പറയുന്നു. ബിഗ് ബോസില്‍ നിന്നും ഇവരുടെ ബന്ധത്തെ താരം പരസ്യമായി വിമര്‍ശിച്ചിരുന്നു. ശ്രീനിയെ നേരത്തെ തന്നെ അറിയാമായിരുന്നു അര്‍ച്ചനയ്ക്ക്. കാര്യങ്ങളെക്കുറിച്ച് ഇരുവരും തുറന്നുസംസാരിക്കാറുമുണ്ടായിരുന്നു. വീട്ടിനകത്തുള്ളപ്പോഴും പുറത്തെത്തിയപ്പോഴും അവരുടെ കാര്യത്തെക്കുറിച്ച് താന്‍ പ്രതികരിച്ചിരുന്നില്ലെന്നും അവര്‍ പറയുന്നു.

ഇരുവര്‍ക്കും അഭിനന്ദനം

ബിഗ് ബോസിന് ശേഷം പലരുമായും നല്ല ബന്ധങ്ങള്‍ ഉണ്ടാക്കാന്‍ കഴിഞ്ഞിട്ടുണ്ടെന്നും വിവാഹിതരാവുന്ന ഇരുവരേയും താന്‍ അഭിനന്ദിക്കുന്നുണ്ടെന്നും അര്‍ച്ചന പറയുന്നു. ഇത്തരത്തിലുള്ള പ്രചാരണത്തിലൂടെ ഫാന്‍സ് അവരെയാണ് മോശമാക്കുന്നതെന്നും താരം പറയുന്നു. ബിഗ് ബോസിലൂടെ ഇരുവര്‍ക്കും നല്ല പങ്കാളിയെ ലഭിച്ചതില്‍ ആശംസ അറിയിക്കുന്നുവെന്നും അര്‍ച്ചന പറയുന്നു. അവരുടെ വീഡിയോ കണ്ടപ്പോള്‍ താനും ലൈക്കടിച്ചിരുന്നതായും അര്‍ച്ചന വ്യക്തമാക്കിയിട്ടുണ്ട്.

വിവാഹത്തിനായി കാത്തിരിക്കുന്നു

അവരുടെ വിവാഹത്തിനായി വീട്ടുകാര്‍ സമ്മതിച്ചത് നല്ലൊരു കാര്യമാണ്. വിവാഹത്തിനായി കാത്തിരിക്കുകയാണ് താനെന്നും താരം പറയുന്നു. അവര്‍ക്ക് വേണ്ടി പ്രാര്‍ത്ഥിക്കുകയാണ് ശരിക്കും ഫാന്‍സുകാര്‍ ചെയ്യേണ്ടത്. ഒരു ജോലിയും ഇല്ലാത്തതിനാലാണോ ഇത്തരത്തിലുള്ള പ്രചാരണങ്ങളെന്നും താരം ചോദിക്കുന്നു.

പക്വതയില്ലാത്ത പെരുമാറ്റം

പക്വതയില്ലാത്ത പെരുമാറ്റമാണ് ഇരുവരുടേതെന്നും പേളിയുടെ യഥാര്‍ത്ഥ വ്യക്തിത്വം ഇങ്ങനെയല്ലെന്നും വ്യക്കമാക്കി നിരവധി പേരെത്തിയിരുന്നു. വിമര്‍ശകരെപ്പോലും ഞെട്ടിച്ചാണ് ഇരുവരും വിവാഹത്തെക്കുറിച്ച് പ്രഖ്യാപിച്ചത്. ബിഗ് ബോസ് അവസാനിക്കുന്നതോടെ ഇരുവരും വേര്‍പിരിയുമെന്നായിരുന്നു പലരും കരുതിയത്. എന്നാല്‍ അന്നേ തങ്ങള്‍ സീരിയസായിരുന്നുവെന്നും ക്യാമറയ്ക്ക് മുന്നില്‍ അഭിനയിച്ചതായിരുന്നില്ലെന്നും തെളിയിച്ചിരിക്കുകയാണ് ഇരുവരും ഇപ്പോള്‍.

ഫേസ്ബുക്ക് ലൈവ് കാണാം

അര്‍ച്ചന സുശീലന്‍രെ ഫേസ്ബുക്ക് ലൈവ് കാണാം.