മോഹൻലാൽ സർ പറഞ്ഞെങ്കിലും പ്രതീക്ഷ ഉണ്ടായിരുന്നില്ല, മിറാഷ് സ്വപ്നതുല്യമായ തുടക്കം: അർജുൻ പറയുന്നു

പ്രശസ്ത റിയാലിറ്റി ഷോയായ ബിഗ് ബോസ് മലയാളത്തിലൂടെ പ്രേക്ഷകർക്ക് ഏറെ പരിചിതനായ അർജുൻ ശ്യാം ഗോപൻ, മലയാള സിനിമയിലേക്ക് ചുവട് വയ്ക്കാൻ ഒരുങ്ങുകയാണ്. ആസിഫ് അലിയും അപർണ്ണ ബലമുരളിയും പ്രധാന വേഷങ്ങളിൽ എത്തുന്ന സിനിമ ഒരുക്കിയിരിക്കുന്നത്, ദൃശ്യം, മെമ്മറീസ് തുടങ്ങിയ ബ്ലോക്ക്ബസ്റ്റർ ചിത്രങ്ങൾ ഒരുക്കിയ പ്രശസ്ത സംവിധായകൻ ജീത്തു ജോസഫാണ്. ബിഗ് ബോസ് ഷോയിലെ മികവിലൂടെ സംവിധായകനെ ഇമ്പ്രെസ്സ് ചെയ്ത അർജുൻ, ഷോയിൽ വച്ച് തന്നെ അദ്ധേഹത്തിന്റെ സിനിമയിൽ അഭിനയിക്കാനുള്ള അവസരം നേടുകയായിരുന്നു.

അടുത്തിടെ മാധ്യമങ്ങളോട് സംസാരിച്ച അർജുൻ ശ്യാം ഗോപൻ, ശരിക്കും അമ്പരന്നുപോയ ഒരനുഭവത്തെ കുറിച്ച് തുറന്നു പറഞ്ഞു. മോഹൻലാൽ സാർ പറഞ്ഞിരുന്നുവെങ്കിലും, ഇങ്ങനെയൊന്ന് സംഭവിക്കുമെന്ന് സ്വപ്നത്തിൽ പോലും പ്രതീക്ഷിച്ചില്ലെന്ന് അർജുൻ പറയുന്നു. ബിഗ് ബോസ് എന്ന ഷോയിലൂടെ പ്രേക്ഷകരുടെ ഇഷ്ടം നേടിയ അർജുൻ, ജീത്തു ജോസഫ് - ആസിഫ് അലി കൂട്ടുകെട്ടിലൊരുങ്ങിയ "മിറാഷ്" എന്ന ചിത്രത്തിൽ അഭിനയിച്ചതിനെക്കുറിച്ച് സംസാരിക്കുകയായിരുന്നു.

"ലാൽ സാർ പറഞ്ഞിരുന്നുവെങ്കിലും ഉടനെ അഭിനയിക്കാൻ വിളിക്കും എന്നോ, എപ്പോ വിളിക്കും എന്നോ ഒന്നുമുള്ള കാര്യങ്ങളിൽ പ്രതീക്ഷകൾ ഉണ്ടായിരുന്നില്ല. പെട്ടെന്ന് വിളിച്ചപ്പോൾ അത്ഭുതപ്പെട്ടു. ആദ്യം കാരക്ടർ എന്താണെന്ന് അറിഞ്ഞിരുന്നില്ല, പക്ഷെ പിന്നീട് മനസ്സിലായി നടൻ ആവാൻ ആഗ്രഹിക്കുന്ന ഒരാൾക്ക് എന്തുകൊണ്ടും സ്വപ്നം കാണാനാവാത്ത എൻട്രിയാണെന്ന് മനസ്സിലായി. ജീത്തു സാറിന്റെ സിനിമ, ആസിഫ് ഇക്ക അടക്കമുള്ള ടീം. ഇങ്ങനെ ഒരു എൻട്രി കിട്ടുക എന്ന് പറഞ്ഞാൽ തന്നെ വലിയ കാര്യമാണ്," അർജുൻ പറഞ്ഞു.

ജിത്തു ജോസഫിന്റെ സിനിമയിൽ അഭിനയിക്കാൻ കഴിഞ്ഞത് വലിയ ഭാഗ്യമായി കരുതുന്നു. ആദ്യമായി ക്യാമറയുടെ മുന്നിൽ നിന്നപ്പോൾ പേടി തോന്നിയിരുന്നു. എന്നാൽ ജീത്തു സാറും, ആസിഫ്ക്കയും മറ്റു അണിയറപ്രവർത്തകരും ഒരുപാട് പിന്തുണച്ചു. നായകൻ ആസിഫ് അലിയെക്കുറിച്ച് അർജുൻ വാചാലനായി. "കോമൺവെൽത്ത്" എന്ന സിനിമയിലും, "റോഷാക്ക്" എന്ന സിനിമയിലെ ചെറിയ വേഷം പോലും ആസിഫിന് ലഭിച്ച അംഗീകാരങ്ങൾ വലുതായിരുന്നു. കഥാപാത്രത്തിന്റെ വലുപ്പമല്ല, ആസിഫിന്റെ അഭിനയമികവാണ് അവിടെ തിളങ്ങിയത്. തിരക്കഥ കേട്ട ഉടൻ തന്നെ ആസിഫ് ഈ സിനിമ ചെയ്യാമെന്ന് സമ്മതിച്ചു.

"ഒരു തുടക്കക്കാരൻ എന്ന നിലയിൽ സിനിമയിൽ അഭിനയിക്കുമ്പോൾ സ്വാഭാവികമായ കുറവുകൾ ഉണ്ടാവാം. പക്ഷേ, അർജുൻ എത്രത്തോളം ഹാർഡ്‌വർക്ക് ചെയ്തു എന്നത് പ്രധാനമാണ്. കഥാപാത്രത്തിന് ആവശ്യമുള്ളതെല്ലാം അദ്ദേഹം നൽകിയിട്ടുണ്ട്," മിറാഷിന്റെ സംവിധായകൻ ജീത്തു ജോസഫ് വെളിപ്പെടുത്തി. ഇനി ബാക്കിയെല്ലാം അർജുന്റെ കയ്യിലാണെന്നും ജീത്തു ജോസഫ് പറയുന്നു.

ട്രെയിലർ ഇറങ്ങിയപ്പോൾ അർജുനെക്കുറിച്ചാണ് കൂടുതൽ പേരും അന്വേഷിച്ചത്. അർജുന്റെ ആദ്യ സിനിമയാണിത്. എല്ലാവരും തിയേറ്ററിൽ തന്നെ സിനിമ കാണണമെന്നും, പിന്തുണയ്ക്കണമെന്നും അർജുൻ അഭ്യർഥിച്ചു. ആദ്യമായി സിനിമയുടെ ഭാഗമായപ്പോൾ ഒരുപാട് പഠിക്കാൻ കഴിഞ്ഞു. ഓരോ ടെക്നീഷ്യൻമാരും ഒരുപാട് സഹായിച്ചു.

ജീത്തു ജോസഫ് ഈ സിനിമ ആദ്യം ഹിന്ദിയിൽ ചെയ്യാനിരുന്നതാണ്. ഏകദേശം അഞ്ചുവർഷം മുൻപ് തുടങ്ങിയ പ്രോജക്റ്റാണ് ഇത്. പക്ഷെ ഹിന്ദിയിൽ നായകന് കൂടുതൽ പ്രാധാന്യം നൽകണമെന്ന് പറഞ്ഞപ്പോൾ അത് സ്വീകാര്യമായില്ല. പിന്നീട് ഈ സിനിമ മലയാളത്തിൽ ചെയ്യാൻ തീരുമാനിക്കുകയായിരുന്നു. അഞ്ചുവർഷം ഈ സിനിമയ്ക്ക് വേണ്ടി കാത്തിരുന്ന ഒരു വ്യക്തിയുണ്ട്. അയാളുടെ വിശ്വാസമാണ് ഈ സിനിമയുടെ വിജയം.