മമ്മൂക്ക ഇടപെട്ടത് കൊണ്ട് ഞങ്ങള്‍ക്ക് പണം തിരികെ കിട്ടി, മറക്കാനാവാത്ത അനുഭവം പങ്കുവെച്ച് ആര്‍ട്ട് ഡയറക്ടര്‍

സെറ്റ് വര്‍ക്കിനുളള സാധനങ്ങള്‍ അക്കര നിന്നും ഇക്കരെ വരെ വളളങ്ങളിലാണ് നമ്മള് എത്തിച്ചത്. എറണാകുളത്തു നിന്നുളള സാധനം തൃപ്പുണിത്തുറയിലെത്തിച്ച് സിനിമയുടെ ലൊക്കേഷനിലേക്ക് കൊണ്ടുപോവണം. സെറ്റ് വര്‍ക്ക് പറഞ്ഞ സമയത്ത് തീര്‍ത്തു കൊടുത്തില്ലെങ്കില്‍ അതിന്‌റെ പെനാല്‍ട്ടി ആര്‍ട്ട് ഡയറക്ടര്‍ക്കും അസോസിയേറ്റ് ഡയറക്ടറിനും ഉണ്ടാവും. റിലയന്‍സ് കമ്പനിയായിരുന്നു നിര്‍മ്മാണം.

അങ്ങനെ പത്ത് വളളവും അതിന്‌റെ തുഴക്കാരെയും നമ്മള് വിളിച്ചായിരുന്നു. ആ പത്ത് വളളങ്ങളില്‍ തുഴക്കാരും അത് കൂടാതെ അതിന്‌റെകത്ത് മുഴുന്‍ ആള്‍ക്കാരെയും കയറ്റികൊണ്ട് അവിടെ വന്നു. അങ്ങനെ വന്നപ്പോ കമ്പനി പറഞ്ഞു ആ ചെലവ് കമ്പനി വഹിക്കത്തില്ല എന്ന്. അപ്പോ അത് ആര്‍ട്ട് ഡയറക്ടറുടെയും അസോസിയേറ്റ് ഡയറക്ടറുടെയും അടുത്തെ വെക്കത്തുളളൂ.

അപ്പോ അസോസിയേറ്റിന്‌റെ ശമ്പളത്തില്‍ നിന്നായിരുന്നു ആ അമൗണ്ട് കട്ടാവുന്നത്. അങ്ങനെ ആ ഒരു ചിത്രത്തില്‍ നിന്ന് ഒരു അയ്യായിരും രൂപ കട്ടായിട്ടുണ്ട്. അന്ന് മമ്മൂക്ക ഇടപെട്ടാണ് ആ പ്രശ്നം പരിഹരിച്ചത്. കാര്യം വളളത്തില്‍ വന്ന ജനങ്ങളെല്ലാം അഭിനയിക്കാം എന്ന് പറഞ്ഞാണ് വരുന്നത്. അപ്പോ അങ്ങനെ വന്നപ്പോള്‍ കിട്ടാത്തതിലുള പ്രശ്‌നവും ബഹളവുമൊക്കെ ഉണ്ടായിരുന്നു.

Recommended Video

അന്ന് മോഹൻലാൽ തന്നോട് പിണങ്ങിയെന്ന് സംവിധായകന്‍ സാജന്‍

പിന്നെ മമ്മൂക്ക വന്നാണ് കാര്യങ്ങള്‍ പരിഹരിച്ചത്, അനീഷ് പറഞ്ഞു. അന്ന് ജോര്‍ജ്ജേട്ടന്‍ ഉണ്ടായിരുന്നു. അദ്ദേഹമൊക്കെ ഇടപെട്ടാണ് പരിഹരിച്ചത്. മമ്മൂക്ക അങ്ങനെയുളള കാര്യങ്ങള്‍ക്കെല്ലാം സപ്പോര്‍ട്ട് ആയിരുന്നു. പിന്നെ പെരുന്നാള്‍ സമയത്ത് നമുക്ക് ബിരിയാണിയൊക്കെ സെറ്റ് ചെയ്തുതരും. അതിനുളള പാത്രങ്ങളെല്ലാം നമ്മള് എടുത്തുകൊടുത്താ മതി. അപ്പോ മമ്മൂക്ക തന്നെ ബിരിയാണി സെറ്റ് ചെയ്ത് ഞങ്ങള്‍ക്കെല്ലാം വിളമ്പി തരുമായിരുന്നു. പിന്നെ മമ്മൂക്ക സെറ്റിലുളള എല്ലാവരെയും ശ്രദ്ധിക്കാറുണ്ട്, അനീഷ് പറഞ്ഞു. അതേസമയം 2009ലായിരുന്നു കുട്ടിസ്രാങ്ക് പുറത്തിറങ്ങിയത്. ഷാജി എന്‍ കരുണിന്‌റെ സംവിധാനത്തില്‍ ഒരുങ്ങിയ സിനിമയില്‍ മമ്മൂട്ടിക്കൊപ്പം കമാലിനി മുഖര്‍ജി, പദ്മപ്രിയ, മീനകുമാരി, വാഹിദ, സുരേഷ് കൃഷ്ണ, സിദ്ധിഖ് ഉള്‍പ്പെടെയുളള താരങ്ങളാണ് പ്രധാന വേഷങ്ങളില്‍ എത്തിയത്.