ആ അമ്മയുടെ നിലവിളി കാതില്‍ മുഴങ്ങുന്നു... രാമലീലയെ ഇനിയെങ്കിലും വെറുതെ വിട്ടൂടേ?

തകര്‍ക്കാനുള്ള ശ്രമങ്ങള്‍ അവസാനിപ്പിക്കണം

തിയറ്ററുകളില്‍ മികച്ച പ്രതികരണം നേടി മുന്നേറുന്ന ചിത്രമായ രാമലീലയെ തകര്‍ക്കാനുള്ള ശ്രമങ്ങള്‍ ഉപേക്ഷിക്കണമെന്ന് സംവിധായകനായ അരുണ്‍ ഗോപി ആവശ്യപ്പെട്ടു. സോഷ്യല്‍ മീഡിയയിലൂടെയാണ് അദ്ദേഹം തന്റെ പ്രതികരണം രേഖപ്പെടുത്തിയത്.

റിമൂവ് ചെയ്ത് തളര്‍ന്നു

തിയറ്ററുകളില്‍ വിജയകരമായി പ്രദര്‍ശനം തുടരുന്നതിനിടയിലാണ് ചിത്രത്തിന്റെ വ്യാജ പതിപ്പ് ഇന്റര്‍നെറ്റില്‍ പ്രത്യക്ഷപ്പെട്ടത്. ഇത് റിമൂവ് ചെയ്ത് പൈറസി ടീം തളര്‍ന്നുവെന്നും അദ്ദേഹം പറയുന്നു.

ക്രൂരത അവസാനിപ്പിച്ചൂടെ?

ഇന്നുവരെയുള്ള മലയാള സിനിമയുടെ ചരിത്രത്തില്‍ ഇത്രയേറെ വ്യാജപതിപ്പുകള്‍ അപ് ലോഡ് ചെയ്ത മറ്റൊരു ചിത്രം ഉണ്ടാകുമെന്ന് തോന്നുന്നില്ലെന്നും സംവിധായകന്‍ പറയുന്നു.

അറസ്റ്റ് ചെയ്യാന്‍ ചെന്നപ്പോള്‍

രാമലീല എന്ന സിനിമ ഇന്റര്‍നെറ്റില്‍ അപ് ലോഡ് ചെയ്തതിന് പോലീസ് അറസ്റ്റ് ചെയ്യാന്‍ ചെന്നപ്പോള്‍ കരഞ്ഞ് നിലവിളിച്ച ഒരമ്മയുടെ നിലവിളി ഇപ്പോഴും കാതില്‍ മുഴങ്ങുന്നുണ്ടെന്നും അദ്ദേഹം പറയുന്നു.

മികച്ച സ്വീകാര്യത

കുടുംബ പ്രേക്ഷകര്‍ക്ക് ഏറെ ഇഷ്ടമുള്ള താരമാണ് ദിലീപ്. നീണ്ട ഇടവേളയ്ക്ക് ശേഷമാണ് ദിലീപിന്റെ സിനിമ തിയറ്ററുകളിലേക്ക് എത്തിയത്. നടി ആക്രമിക്കപ്പെട്ട സംഭവമായി ബന്ധപ്പെട്ട് ദിലീപ് അറസ്റ്റിലായതൊന്നും രാമലീലയെ ബാധിച്ചിട്ടില്ല.

50 കോടി പിന്നിട്ടു

കളക്ഷനിലും വന്‍മുന്നേറ്റനം നടത്തിയാണ് രാമലീല മുന്നേറുന്നത്. പുലിമുരുകന് ശേഷം ടോമിച്ചന്‍ മുളകുപാടം നിര്‍മ്മിച്ച ചിത്രമാണ്. ഇതിനോടകം തന്നെ 50 കോടി ക്ലബില്‍ ചിത്രം ഇടം പിടിച്ചിട്ടുണ്ട്.