ആര്യ കന്യകയാണോ? ചോദിച്ചയാള്‍ക്ക് താരം നല്‍കിയ മറുപടി? ഇതിലും മികച്ച റിപ്ലൈ എവിടെക്കിട്ടും? കാണൂ!

ആര്യ നല്‍കിയ അവസരം

ഇന്‍സ്റ്റഗ്രാമില്‍ സജീവമായ താരങ്ങളിലൊരാളാണ് ആര്യ. വ്യക്തി ജീവിതത്തിലെയും സിനിമാജീവിതത്തിലെയുമൊക്കെ വിശേഷങ്ങള്‍ പങ്കുവെച്ച് താരമെത്താറുണ്ട്. താരങ്ങളുമായി ചാറ്റ് ചെയ്യാനുള്ള അവസരവും ഇന്‍സ്റ്റഗ്രാമില്‍ ലഭ്യമാണ്. അത്തരത്തില്‍ ആരാധകരുമായി സംവദിച്ചതും തനിക്ക് നേരിടേണ്ടി വന്ന ചോദ്യങ്ങളെക്കുറിച്ചുമാണ് താരം ഇപ്പോള്‍ വ്യക്തമാക്കിയിട്ടുള്ളത്. സ്‌ക്രീന്‍ ഷോട്ട് സഹിതമാണ് താരം പോസ്റ്റ് ചെയ്തത്. സോഷ്യല്‍ മീഡിയയിലൂടെ ഇതിനോടകം തന്നെ താരത്തിന്റെ പോസ്റ്റ് വൈറലായി മാറിയിരുന്നു.

ആരാധകരുടെ ചോദ്യം

പ്രിയപ്പെട്ട താരങ്ങളുമായി സംവദിക്കാനുള്ള അവസരം ലഭിച്ചപ്പോള്‍ ആരാധകരും മടിച്ചുനിന്നില്ല. പോയ വര്‍ഷം പഠിച്ച വലിയ പാഠം എന്താണെന്നായിരുന്നു ഒരാളുടെ ചോദ്യം. ഈ വര്‍ഷം താന്‍ പഠിച്ച കാര്യങ്ങള്‍ വിശദീകരിക്കാന്‍ ഈ സ്ഥലം മതിയാവില്ലെന്നായിരുന്നു താരത്തിന്റെ മറുപടി. ആരാധകരുടെ ചോദ്യങ്ങളെക്കുറിച്ചും അവയ്ക്ക് കൃത്യമായ മറുപടി നല്‍കാനും താരം പ്രത്യേകമായി ശ്രദ്ധിച്ചിരുന്നു.

കന്യകയാണോ?

ആര്യ കന്യകയാണോ എന്ന കാര്യത്തെക്കുറിച്ചായിരുന്നു മറ്റൊരാള്‍ക്ക് അറിയേണ്ടിയിരുന്നത്. ഇതിന് താരം നല്‍കിയ മറുപടിയും ഏറെ ശ്രദ്ധേയമാണ്. 6 വയസ്സുള്ള മകളുടെ ഫോട്ടോയാണ് താരം പങ്കുവെച്ചത്. തന്റെ 6 വയസ്സുള്ള മകളെ കാണൂയെന്ന കുറിപ്പോടെയാണ് താരം ഫോട്ടോ പങ്കുവെച്ചത്. മകളെ വാരിപ്പുണര്‍ന്ന് ഉമ്മ വെക്കുന്ന ചിത്രമാണ് ആര്യ പോസ്റ്റ് ചെയ്തത്.

മറുപടി പൊളിച്ചു

ആര്യ നല്‍കിയ മറുപടി പൊളിച്ചുവെന്നാണ് സോഷ്യല്‍ മീഡിയ പറയുന്നത്. നിരവധി പേരാണ് താരത്തെ അഭിനന്ദിച്ച് രംഗത്തെത്തിയത്. സോഷ്യല്‍ മീഡിയയിലൂടെ സഭ്യമല്ലാത്ത കമന്റുകളും പോസ്റ്റുകളുമായെത്തുന്നവരെ നേരിടാനുള്ള മികച്ച രീതിയാണ് ഇതെന്നും ആരാധകര്‍ പറയുന്നു. നേരത്തെ അഭിനേത്രിയായ ഗായത്രി അരുണും തനിക്ക് നേരിടേണ്ടി വന്ന ചോദ്യത്തെക്കുറിച്ചും നല്‍കിയ മറുപടിയെക്കുറിച്ചും തുറന്നുപറഞ്ഞ് രംഗത്തെത്തിയിരുന്നു.

ഇതിലും മികച്ച മറുപടിയില്ല

സോഷ്യല്‍ മീഡിയയിലെ ഞരമ്പുരോഗികളെ നേരിടാനുള്ള മികച്ച മാര്‍ഗം തന്നെയാണ് ആര്യയും സ്വീകരിച്ചത്. സിനിമയിലും ടെലിവിഷനിലുമായി തിളങ്ങി നില്‍ക്കുന്ന ആര്യയ്ക്ക് ശക്തമായ പിന്തുണയാണ് ആരാധകര്‍ നല്‍കുന്നത്. വ്യക്തി ജീവിതത്തില്‍ ഏറെ വേദനിപ്പിച്ച സംഭവത്തെക്കുറിച്ച് തുറന്നുപറഞ്ഞപ്പോഴും ആരാധകര്‍ താരത്തിനെ ആശ്വസിപ്പിച്ചിരുന്നു.